ԿԱՆԹԵՂ ԳՐԱԿԱՆ - Հեղինակ՝ . Tuesday, April 26, 2016 15:31 - չքննարկված

ԿԱՆԹԵՂ ԳՐԱԿԱՆ:ՀԱՍՄԻԿ ԱՋԱՄՅԱՆ

Հասմիկ Աջամյան

ՀԱՅՈՑ ԼԵԶՈՒ
Մտքիս մեջ, սրտիս մեջ ու արյան
Ապրում ես ինձանից առավել,
Դու մոր պես,դու տան պես չես միայն`
Երկիր ես ինձ համար դու պահել:
Հայերեն լեզվով են միտք արել
Խոհերը ազգասեր պապերիս,
Հնչել ես զանգի պես, վարարել,
Եկել ու հասել ես այսօր ինձ:
Քեզանով խնդում է ու ապրում
Թոթովանքն իմ մանկան բաղձալի,
Հայատառ գրերը արթուն
Կենսագիրն ունեն աշխարհի:
Հին ես դու` արևի պես ծագող,
Ինձ տրված կամքից էլ դու ազատ,
Անունդ քաղցր ու հոգեթով,
Իմ լեզվին` հայերեն հարազատ:
Երկրիս պես` բախտ է քեզ ունենալ,
Իմ հոգու օրրանն ես արևել,
Քեզ ծառա ու հավերժ տեր մնալ,
Աստծուն էլ հայերեն բարևել :

ԱՊՐԻԼ-2016
Սրտամոտ չէր այս գարունը,
Վառոդի հոտ ուներ,
Ափերի մեջ անհալ ձյունը
Աչքը կտրոեր:
Պրկված բազուկ հանց լինեին
Օրերը տխրալուր,
Երբ երկրի սահմաններին
Սուրող գնդակ կար կույր:
Պայթում էին նռնակ, ական
Հենց հայրենի հողում,
Մեռնում էի ամեն անգամ`
Բայց ես չէի զոհվում:
Տղերքի պես ուժ չունեի
Կրակին դեմ գնալ,
Բազում հերոս Մոնթեների
Նման ամնահանալ:
Այս գարունը երբ կանաչեց,
Ձեր խաչերը գրկին,
Կարմիր կակաչ ծոցում բացվեց,
Ծնրադիր ձեր փառքին:

ԱՄՈՒՍՆՈՒՍ
Կոկորդիս մեջ լացի պես է ցավը փլվում,
Երբ այտերս կրկին հուշիդ եմ դեմ տալիս,
Ես ողջերի մեջ եմ փրկությունն իմ փնտրում,
Դու համբարձման տոնից հետո էլ չես գալիս:
Երազում չեմ հիշում, որ դու վաղուց չկաս,
Որ զոհվեցիր հանկարծ` հանուն ոչ մի բանի,
Խոստումներ ես տալիս, գնում, որ հետո գաս,
Քնից արթնանում եմ` մնալով միշտ այրի:
Հազարների ցավով դու տնքում ես իմ մեջ,
Բնական աղետ էր`կողքից հեշտ են ասում,
Դիմակավոր անթիվ մեղավորներ անվերջ
Իրենց նախկին դեմքը արդեն չեն էլ հիշում:
Բնականի նման ջուրն է ճամփան գտնում,
Քո չապրած կյանքն ինչպես ,ախ,առանց քեզ երկնել,
Վերքի ցավը փակված խոցի պես չի պոկվում
Երկրաշարժից փրկված տապան եմ քեզ բերել….



Գրեք Ձեր կարծիքը

ՀՂՈՒՄՆԵՐ ԳՐԵԼՈՒ ԿԱՆՈՆՆԵՐ

- Չի խրախուսվում ամբողջովին մեծատառերով գրված հղումները,
- Մի գրեք փողոցային դարձվածքներով,
- Արգելվում է գովազդային հղումները,
- Մի գրանցեք անձնական վիրավորանքներ:

Գրառում կատարելուց հետո ստուգեք Ձեր էլ–փոստարկղը (Inbox եւ Spam) հավելյալ գործողությունների համար.

Comment



` 1 2 3 4 5 6 7 8 9 0 - = Back
TAB q w e r t y u i o p [ ] \
Caps a s d f g h j k l ; ' Enter
Shift z x c v b n m , . / Shift
Ctrl Alt   Alt Ctrl

Միացնել հայերենը

*

ՀԵՌՈՒՍՏԱԾՐԱԳՐԵՐ, Ս. ՔԻՐԵՄԻՋՅԱՆ - Aug 19, 2016 10:00 - չքննարկված

Ինչպես ընդունվեց Հայոց ցեղասպանության և ժխտման քրեականացման օրենքը Սլովակիայում :Ինչպես Հայաստանը ունեցավ Ռազմական ինքնաթիռներ:Ստեփան Քիրեմիջյանի հյուրն էր ԵՀՄՖ նախագահ Աշոտ Գրիգորյանը:

More In Ս. ՔԻՐԵՄԻՋՅԱՆ