Վրաստանի Բաթում քաղաքում տեղի ունեցած աճուրդի ժամանակ թուրքական ընկերությունը գնել է նավթամշակման գործարան: Այս մասին հաղորդում է rosbalt.ru կայքը:

Լրատվամիջոցի փոխանցմամբ` գործարանը 15 միլիոն ԱՄՆ դոլարով գնել է թուրքական «Բաթումփեթրոլ» ընկերությունը: Նավթամշակման գործարանի նախնական գինը 14,5 միլիոն էր:

Վրաստանի իշխանությունները վաճառքի են հանել նաև Թբիլիսիի կենտրոնում գտնվող՝ Ֆինանսների նախարարության շենքը, որի նախնական գինը կազմում է 4 միլիոն ԱՄՆ դոլար: Այդ շենքը վաճառքի է հանվում արդեն երրորդ անգամ:

Tert.am