08 Օգոստոսի 2012 – 23:58

Օգոստոսի 8-ի գիշերն անհայտ անձիք թալանել են Օլիմպիական խաղերում սկավառակի նետումից ոսկե մեդալ նվաճած գերմանացի Ռոբերտ Հարթինգին:

Ինչպես Twitter սոցկայքի իր էջում գրել էր Հարթինգը, իր մոտից գողացել են հավատարմագիրը, ինչի պատճառով ինքը չի կարողացել մտնել Օլիմպիական գյուղ:The Daily Telegraph-ի փոխանցմամբ` մարզիկին թույլ չեն տվել իր սենյակ գնալ անգամ անվտանգության աշխատակիցներին անձնագիրը ցույց տալուց հետո:

Գերմանացի մարզիկը ստիպված է եղել գիշերն անցկացնել դրսում. նա քնել է երկաթուղային կայարաններից մեկում:

Առավոտյան նրա հավատարմագիրը վերականգնել են:

HayNews.am

09 Օգոստոսի 2012 – 00:19

Բրազիլիայի Delegacia de Furtos բանտի երկու բանտարկյալներ փորձել են փախչել` թաքնվելով աղբի պարկերի մեջ:

Սակայն փախուստի փորձը ձախողվել է: Այս մասին գրում է Terra կայքը:

Ոստիկանության փոխանցմամբ` 24- ամյա Սիդնի դա Կրուզը և 18-ամյա Կարլոս Բարբոսան ճաշից հետո ինչ-որ կերպ մտել են աղբի համար նախատեսված պարկերի մեջ: Սակայն ոստիկանները նկատել են, որ պարկերը շարժվում են:

Չստացված փախուստի հեղինակներին ձերբակալել են և ավելացրել ազատազրկման տարիները:

HayNews.am