Երկրաշարժից և ցունամիից վնասված ճապոնական «Ֆուկուսիմա 1» ատոմակայանի 2-րդ էներգաբլոկից ռադիոկատիվ տարրեր պարունակող ջուրը լցվում է օվկիանոս: Ինչպես հաղորդում է «Բի-Բի-Սի»-ն, ատոմակայանի օպերատոր Electric Power Company (TEPCO) ընկերությունը հայտարարել է, որ առաջիկայում արտահոսքը կդադարեցնի՝ ճեղքը բետոնապատելով: «Մենք փորձում էինք պարզել կայանի մոտ ծովում ռադիացիայի մակարդակի բարձրացման աղբյուրը, և հնարավոր է՝ այդ ճեղքը պատճառներից մեկն է»,- հայտարարել է Ճապոնիայի արդյունաբերական և միջուկային անվտանգության գործակալության փոխտնօրեն Խիդեխիկո Նիսիյաման: