28 Հուլիսի 2012 – 14:21

HayNews.am-ին հենց նոր հայտնեցին, որ Դավիթաշենի կամրջի վրա մի երիտասարդ ցանկանում է ինքնասպան լինել:

Ըստ աղբյուրի` տարածքում 100-ից ավել մարդ է հավաքվել, որոնք համոզում են նրան հետ կանգնել այդ քայլից: Նշված վայրում նաև ոստիկաններ են աշխատում:Ինքնասպանության փորձ կատարողը մոտ 35 տարեկան է: Այս պահին նա դեռ կամրջի սկզբնամասում է. նրան դեռևս համոզել չի հաջողվել: Երիտասարդն անցել է կամուրջի ճաղավանդակների մյուս կողմը եւ 2 ձեռքով բռնված է. միայն ձեռքերը բաց թողնի եւ վայր կընկնի։

Ներկա է նաեւ նրա եղբայրը, որը նույնպես համոզում է նրան, որ հանկարծ չցատկի, սակայն դեռ ոչինչ չի ստացվում։

Հենց նոր մեզ հայտնեցին, որ նրա հարազատներն ու ոստիկանները թույլ չեն տվել, որ այդ տարածքում լրագրողներ հայտնվեն: Վերջիններս տարածքում կուտակված մարդկանց հորդորել են հեռանալ այնտեղից` նշելով, որ ինքնասպանության փորձ կատարողին արդեն գրեթե համոզել են հետ կանգնել այդ քայլից, բայց նա չի ցանկացել դա անել` կարծես անհարմար զգալով մարդկանց բազմության առջև անել դա:

HayNews.am