ԼՐԱՀՈՍ - Հեղինակ՝ Admin. Sunday, June 6, 2010 13:49 - չքննարկված
Երբ երկրի արտաքին հետախուզությունը և արտգործ նախարարությունը չեն աշխատում, պատժվումեն ներկայացուցիչները
«Հայկական ժամանակ». Ինչու է հետ
կանչվել Վահե Գաբրիելյանը
Մեծ Բրիտանիայում Հայաստանի դեսպան Վահե Գաբրիելյանին հետ կանչելու պատճառը, ինչպես փոխանցում են դիվանագիտական մեր աղբյուրները, սերտ առնչություն ունի Եվրոպական խորհրդարանի կողմից ընդունված թիվ 2216 բանաձևի հետ։
Ինչպես փոխանցում են մեր աղբյուրները, բանաձևն ընդունելուց 1 օր առաջ նախագահականից զանգահարել են Գաբրիելյանին և հրահանգել այնպես անել, որ բանաձևը չանցնի։ Դա, սակայն, մեր դեսպանին չի հաջողվել, քանի որ ԵԽորհրդարանում ամենամեծ կազմ ունեցող անգլիացի պատգամավորներն արդեն մեկնած են եղել Բրյուսել։ Եվ Գաբրիելյանին պաշտոնանկ են արել։ Դեռ անցյալ շաբաթ մենք տեղեկացրել էինք, որ Գաբրիելյանն այլևս դեսպան չէ։ Իսկ երեկ Սերժ Սարգսյանը հրամանագիր ստորագրեց նրան դեսպանի պարտականություններից ազատելու մասին։ Ըստ մեր տեղեկությունների, որոշ խնդիրներ կան նաև Բելգիայում ՀՀ դեսպան Ավետ Ադոնցի հետ։ Չի բացառվում նաև նրա պաշտոնանկությունը։ Ադոնցը, ի դեպ, ժամանակին զգուշացրել է, որ ԵՄ կառույցների հետ խնդիրներ կան։