Ս. ՔԻՐԵՄԻՋՅԱՆ - Հեղինակ՝ ADMIN. Saturday, October 10, 2009 6:05 - չքննարկված
«Այսօրուան Թուրքիան Թալէաթներու ժառանգորդն է և լավագոյն կերպով կը շարունակէ անոնց թշնամական քաղաքականութիւնը՝ ընդդեմ Հայաստանի», – կ՜ըսէ Արմէն Այվազեան
Հ.- Ինչպէ՞ս կ՜արժեւորէք Դաշնակցութեան վերջին նախաձեռնութիւնները:
Ա. Ա.- Տարիներ շարունակ ես ինքս քննադատած եմ Դաշնակցութեան քոալիսոնի մէջ ըլլալը՝ ըսելով, որ ատիկա սխալ է:Նման կեցուածք երկկողմանի սխալ է՝ մէկ կողմէ ժողովուրդին մօտ Դաշնակցութեան հեղինակութիւնը կը նուազեցնէ, իսկ միւս կողմէ՝ Ազգային ժողովին մէջ Դաշնակցութիւնը շանթարգելի դեր կը կատարէ ազգային հարցերու առնչութեամբ:Ժողովուրդը տեսնելով, որ Դաշնակցութիւնը կառավարութեան մէջ է, ինք ազգային հարցերու պաշտպանն է, ուրեմն ան հանգիստ է:Ֆութպոլային դիւանագիտութեան սկիզբը Դաշնակցութիւնը պէտք էր դուրս գար, սակայն անոնք դուրս եկան ապրիլ 27-ին, երբ ստորագրուեցաւ ճանապարհային քարտէսը:Ներկայիս բաւարար չէ այն, ինչ որ կ՜ընէ Դաշնակցութիւնը, որովհետեւ ինք կրնայ շատ աւելի բաներ ընել՝ ե՛ւ տեղեկատուական ոլորտին մէջ, ե՛ւ ժողովուրդին հետ աշխատանքի իմաստով ե՛ւ իր գործողութիւններով:Ժամանակը չի սպասեր, պէտք է արագ շարժիլ:Դաշնակցութիւնը այսօր պէտք է հրաւիրէ ընդհանուր համագումարի եւ հոն վճռորոշ որոշումեր տայ տարբեր ուղղութիւններով՝ Երեւանի մէջ, մինչեւ հոկտեմբեր 13, որովհետեւ անկէ ետք իմաստ չունի: