ԼՐԱՀՈՍ - Հեղինակ՝ ADMIN. Thursday, July 22, 2010 10:13 - չքննարկված
Հաագայի դատարանը անուղղակիորեն ճանաչել է ԼՂ անկախությունը:
Բագապշ. Կոսովոյի վերաբերյալ Հաագայի դատարանի որոշումը հաստատում է Աբխազիայի անկախության իրավունքը
Հուլիս 22, 2010 | 22:22
ՄԱԿ-ի Հաագայում տեղակայված միջազգային դատարանի որոշումը, որով Կոսովոյի միակողմանի անկախության հռչակումը համարվել է միջազգային օրենքներին չհակասող, եւս մեկ անգամ հաստատում է, որ Աբխազիայի եւ Հարավային Օսիայի անկախություններն իրավաչափ են: Այս մասին հուլիսի 2-ին հայտարարել է Աբխազիայի նախագահ Սերգեյ Բագապշը: Նա հույս է հայտնել, որ «այդ որոշումը կխթանի Աբխազիայի եւ Հարավային Օսիայի անկախության ճանաչումը այլ երկրների կողմից»:
Ավելի վաղ NEWS.am-ը տեղեկացրել էր, որ հուլիսի 22-ին ՄԱԿ-ի միջազգային դատարանը որոշումը, որով միջազգային օրենքներին չհակասող է համարվել 2008 թվականին Կոսովոյի միակողմանի անկախության հռչակումը, կրում է խորհրդատվական բնույթ եւ պարտադիր ուժ չունի: Սակայն փորձագետներն ու քաղաքական գործիչները չեն կասկածում, որ նման որոշումը քաղաքական հետեւանքներ կունենա:
NEWS.am-ի թղթակից հետ զրույցում Գլոբալիզացիայի եւ տարածաշրջանային համագործակցության վերլուծական կենտրոնի ղեկավար, քաղաքագետ Ստեփան Գրիգորյանը հայտարարել է, որ Հաագայի դատարանը անուղղակիորեն ճանաչել է ԼՂ անկախությունը: «Մթնոլորտը փոխվում է, իրավիճակը փոխվում է, ամեն ինչ փոխվում է: Այդ որոշման արդյունքները վճռորոշ են լինելու ԼՂ խնդրի կարգարվորման հարցում` մեր օգտին»,- ասել է նա: