Նախագահի վերահսկողական ծառայությունը բացահայտել է մի արտառոց դեպք։
-Երեւանի «Կենտրոնական» ավտոկայանը բանկերից մեկում դրվել է գրավ՝ 630 հազար դոլարի դիմաց,- ասաց երեկ ծառայության ղեկավար ՀՈՎՀԱՆՆԵՍ ՀՈՎՍԵՓՅԱՆԸ։ -Մեր գնահատմամբ, այդ գույքն արժե 4 միլիոնից ավելի։ Նախագահը խիստ հանձնարարական է տվել տրանսպորտի եւ կապի նախարարին՝ կարճ ժամկետում «Կենտրոնական» ավտոկայանը գրավադրումից ազատելու վերաբերյալ։ Գումարի կեսը արդեն իսկ մարված է, մյուս կեսը կմարվի եւ կհանվի։
Հ.Հովսեփյանի տեղեկացմամբ, «Կենտրոնական» ավտոկայանը գրավ է դրվել եւ վարկ վերցվել՝ ավտոբուսներ ձեռք բերելու եւ հետագայում շահագործելու համար։ Բայց եթե անգամ այդ ավտոբուսները աշխատեն, իրենք իրենց ծախսը չեն փակի։
Վարկը չմարելու դեպքում, «Կենտրոնական» ավտոկայանը որպես գրավ մնալու էր բանկին՝ իր իրական արժեքից 6-7 անգամ ցածր վարկի դիմաց։