• 04/07/2012 13:46

«Հայաստանում  անվճար զուգարան  չպետք է լինի, այլապես դրանք արագորեն վերածվում են աղբանոցի, քանի որ  հսկողությունից  դուրս են մնում»- լրագրողների հետ  հանդիպման ժամանակ econews-ի թղթակցին  պատասխանեց ՀՀ էկոնոմիկայի նախարարության զբոսաշրջության և տնտեսական զարգացման վարչության պետ Մեխակ Ապրեսյանը:

էկոնոմիկայի նախարարության զբոսաշրջության և տնտեսական զարգացման վարչության պետի խոսքերով` անցած  տարիների համեմատ բիոզուգարանները շատացել են:

Նա  համարում է, որ երկրում  կան  բավականաչափ  զուգարաններ, պարզապես    բացակայում է    զուգարաններից  օգտվելու  և դրանք չփչացնելու մշակույթը:

«Այդ ուղղությամբ   իրականացվեցին մի շարք  պիլոտային ծրագրեր:  Զուգարաններ են  կառուցվել  բենզալցակայանների և Նորավանքի հարևանությամբ, Գառնի-Գեղարդում և   Երևանի հրապարակում, պատմամշակության վայրերի  շրջակայքում: Կան նաև նոր կառուցված զուգարաններ, որոնք, ցավոք,  կարճ ժամանակահատվածում  վերածվել են աղբավայրի»,- ասաց Մ. Ապրեսյանը:

Ս. Աբրահամյան 

econews.am