ՀԵՌՈՒՍՏԱԾՐԱԳՐԵՐ - Հեղինակ՝ Admin. Friday, February 19, 2010 1:55 - 6 քննարկում
Եթե կինդ հրեա է, ուրեմն դու էլ մարգարե ես, թեկուզ աշխարհին նայում ես մի աչքով..
Լևոն Տեր-Պետրոսյանի կանխատեսումը իրականություն է դառնում. ՀԱԿ
10:09 • 18.02.10
Հայ ազգայի կոնգրեսի ներկայացուցիչ Դավիթ Շահնազարյանն այսօր կայացած մամուլի ասուլիսում խոսելով հայ-թուրքական հարաբերությունների մասին` ասաց, որ Հայաստանի իշխանությունների ջանքերով այդ գործընթացը դարձավ նոր՝ երկրորդ հակամարտություն, և մի նոր՝ երկրորդ արտաքին քաղաքական ճակատ բացվեց այդ ֆուտբոլային դիվանագիտության արդյունքում։
«Օրեցօր իրականություն են դառնում Կոնգրեսի բոլոր նախազգուշացումները, հատկապես նկատի ունեմ Լևոն Տեր-Պետրոսյանի այն կանխատեսումը, որ միջազգային հանրությունն ստիպելու է, որպեսզի Հայաստանի Հանրապետությունը առաջինը վավերացնի այդ արձանագրությունները»,– ասաց Շահնազարյանը՝ ընդգծելով, որ շատ մոտ ապագայում խորհրդարանն առանց վերապահումների կվավերացնի այդ արձանագրությունները։
Դավիթ Շահնազարյանի կարծիքով՝ Հայաստանն այժմ հայտնվել է շատ ծանր իրավիճակում։ Նրա խոսքով՝ ԱՄՆ–ը փորձում է փրկել իրավիճակը և այդ նպատակով ճնշում է գործադրում Հայաստանի վրա, որպեսզի այն առաջինը վավերացնի Արձանագրությունները։
Բանախոսի կարծիքով՝ գործընթացի իրական նախաձեռնողը Ռուսաստանն էր: «Ռուսաստանին պետք էին արձանագրությունները, բայց ոչ երբեք սահմանի բացումը: Արդյունքում Հայաստանը հայտնվել է շատ ծանր իրավիճակում»,- նշեց Դավիթ Շահնազարյանը:
Ինչ վերաբերում է այն կանխատեսումներին, որ ապրիկի 24-ին ԱՄՆ նախագահը կարտասանի Ցեղասպանություն բառը, Շահնազարյանն ասաց, որ
իշխանություններն իրենք իրենց համար վերջնաժամկետ են սահմանել ապրիլի 24-ը. «Ակնհայտ է, որ Միացյալ Նահանգները Ցեղասպանությունը չի ճանաչելու ոչ ապրիլի 24-ին, ոչ մյուս տարի, ոչ էլ տեսանելի ապագայում»,- նշեց ՀԱԿ ներկայացուցիչը: