ԼՐԱՀՈՍ - Հեղինակ՝ ADMIN. Thursday, May 19, 2011 11:53 - չքննարկված
Խաղը կուլիսներից տեղափոխվում է բեմի կենտրոն. «Եբրայությունից՝ եղբայրություն»:
Ինչպես հաղորդում է իսրայելական ռուսալեզու «Յոթերորդ ալիք» կայքը, Իսրայելի կողմից Հայոց Ցեղասպանության ճանաչումը կարող է իրականություն դառնալ մոտ ժամանակներս:
Քնեսսետի կրթության և մշակույթի հանձնաժողովին հանձնարարված է քննարկել և ներկայացնել բանաձևը խորհրդարանի հաստատմանը:Այդ որոշումը պատգամավորների կողմից ընդունվեց միաձայն:
Խնդրի քննարկումը ընթացել է մայիսի 18-ի լիագումար նիստի ժամանակ: Ցեղասպանության ճանաչման կետը առօրյա է ներառվել պատգամավոր Զաավա Գալյոնի (ՄԵՐԵՑ)միջնորդությամբ, ունենալով խորհրդարանական Լիկուդի կուսակցական խմբակցության նախագահ Զեէվի Էլկինի ակտիվ աջակցությունը:
Ելույթ ունենալով Քնեսսետի ամբիոնից նա հայտարարել է, որ եբրայական պետությունը` հուզումնալից վերաբերվելով “Հոլոքոստ”-ի զոհերի հիշատակին, պահանջելով վերջինիս նկատմամբ հարգալից վերաբերմունք այլ պետություններից, չունի բարոյական իրավունք անտեսելու Հայ ժողովրդին պատուհասած արհավիրքը:
«Իսրաել պետությունը,պահանջելով ամբողջ աշխարհից ճանաչելու պատմական արդարությունը և պահպանելու բարոյական չափանիշները, չի կարող ինքը գործել հակառակ այդ կոչերի, ղեկավարվելով լոկ նեղ քաղաքական նկատառումներով:
Եկել է ժամանակը վերջ դնելու Թուրքիային հաճոյանալու քաղաքականությանը և վերջապես ճանաչելու Հայոց ցեղասպանությունը:Եբրայական պետությունը պարտավոր էր առաջիններից մեկը հայտարարել պաշտոնապես ճանաչման մասին:
Ցավոք, Իսրայելը Արևմուտքի վերջին երկրներից է, որ մինչ այժմ դա չի արել: Բայց ավելի լավ է ուշ, քան երբեք » ,_ նշել է Զ.Էլկինը:
Հիշեցնենք , որ մի քանի շաբաթ առաջ խորհրդարանական խմբակցության նախագահ Զեէվ Էլկինը այս թեմայով ելույթ էր ունեցել ,Հայաստանում կազմակերպված ջարդերի 96-ամյա տարելիցին նվիրված կոնֆերանսին,որը կազմակերպել էր Եբրայական համալսարանը:
Քնեսսետի այսօրվա որոշումը ` պատմական է: Երկար տարիներ Իսրայելի խորհրդարանը ձեռնպահ էր մնում այս հարցի վերաբերյալ միանշանակ որոշումներ կայացնելուց:
Ամենամյա քննարկումները վերջանում էին ,հարցը պաշտպանության և արտաքին գործերի հանձնաժողով փոխանցելով,որտեղ այն արգելափակվում էր:
Այժմ Ցեղասպանության ճանաչումը քննարկվելու է խորհրդարանի կրթության և մշակույթի հանջնաժողովում, և աշխատանքի ավարտմամբ բանաձևի նախագիծը կներկայացվի Քնեսսետի հաստատմանը:
Հ.Գ. հենց հաշվի առնելով վերջին տարիների կանխատեսելի զարգացումները, թերահավատորեն ենք մոտենում վերը այսքան դրականորեն ներկայացված իրադարձությունների հայանպաստ ավարտին: Մեր կարծիքով սա դիվանագիտական ևս մի խաղ է Թուրքիայի վրա ճնշումներ գործադրելու համար: