Բակո Սահակյանն ընդունել է Տիգրան Կարապետիչին

08:52 • 05.08.10

Արցախի նախագահ Բակո Սահակյանը օգոստոսի 4-ին ընդունել է Ժողովրդական կուսակցության մի խումբ ներկայացուցիչների՝ կուսակցության առաջնորդ, «ԱԼՄ Հոլդինգ» ընկերության նախագահ Տիգրան Կարապետյանի գլխավորությամբ (հանրությանը հայտնի՝ Տռռան Կառապետիչ):

Հանդիպման ընթացքում քննարկվել են երկու հայկական պետությունների ներքին և արտաքին քաղաքականությանը վերաբերող մի շարք հարցեր:

Երկուստեք նշվել է ներհայկական կապերի շարունակական ամրապնդման անհրաժեշտությունը՝ այն համարելով հայոց անկախ պետականության զորացման կարևոր նախապայմաններից մեկը: Այս մասին հայտնում են Արցախի նախագահի մամուլի գրասենյակից։