http://noni-no.livejournal.com/

Ես չեմ հասկանում որ ի՞նչ են Աֆղանստանում հայկական մատուռ կառուցում։ Տեռորիստների, նարկոտրեֆիկինգի, մարդասպանների ու անհանդուրժող կիսաթշնամական երկրի ո՞ր հատկանիշի վրա ենք հույս դնում։

Հա, հասկանում եմ (ինձ բացատրել պետք չի), որ հոգևոր հարցեր կան, որ կարևոր են։ Բայց սա ավելի շատ նման է մեր խաղաղապահների էժան աշխատուժի դիմաց ամերիկյան դեմոկրատիկ փոխհատուցման։ Փոխանակ թարգեն էս հիմար խաղաղապահ-խաղաղապահ խաղալը, մի բան էլ անիմաստ արմատներ են գցում… Մի օր էլ «ես քեզ – դու ինձ» տարբերակով աֆղանական մզկիթ մեր տարածքու՞մ պիտի ուզեն։

Ընդհանրապես, նկատե՞լ եք, թե ինչքան են շատացել խաղաղապահի համազգեստավոր զինվորականները մեր փողոցներում։ Փոխանակ հայկական բանակ ծառայության մտնելու ու մեր երկրում խաղաղության պահպանմանը մասնակցելու, մարդիկ իրենց կյանքն ու առողջությունը վտանգում են ինչ-որ անհասկանալի ու մեզ համար բացարձակ անպիտան երկրներում տեռորիստների դեմ կռիվ տալով։ Գոնե մեր երկրին օգուտ տված կլինեն։ Ախր մենք էլ խոմ շվեյցարացի չենք, որ պարապությունից այլ երկրների թագավորական զորքերում ռեսուրսներ ծախսենք։ Բա՞ մերը։

Չէ, ես շատ լավ գիտեմ, թե ինչ դժվարություններ են ստեղծում մարդկանց համար, ովքեր ուզում են պայմանագրային զինծառայության անցնել։

Ու էս մեր երկրի հերթական աբսուրդներից մեկն է։

Ես՝ էլի չուզող։)) comme toujours, bonjour:)