ԼՐԱՀՈՍ - Հեղինակ՝ ADMIN. Sunday, August 21, 2011 3:27 - չքննարկված
Դատախազությունը որոգայթներ է սարքում ՀՌԱԿ-ի շուրջը: Դատախազ Աղվան Հավսեփյանը չի պատկերացնում, որ մեկ այլ Սարգսյան կբացի ԹԱՄԱՐԱ պաղպաղակի մեքենայությունները ԱՄՆ-ում:
ՀՌԱԿ անդամը Հարություն Առաքելյանին մեղադրում է կուսակցական գրասենյակի հետ կապված մեքենայությունների մեջ
Օգոստոս 21, 2011 | 02:22
ՀՌԱԿ անդամը Հարություն Առաքելյանին մեղադրում է կուսակցական գրասենյակի հետ կապված մեքենայությունների մեջ: Ինչպես NEWS.am-ին հայտնեց ՀՀ գլխավոր դատախազի մամուլի քարտուղար Սոնա Տռուզյանը, օգոստոսի 17-ին ՀՌԱԿ անդամ Սլավա Սարգսյանից դատախազություն բողոք է ստացվել, ըստ որի ՀՌԱԿ ատենապետ Հարություն Առաքելյանն օտարել է կուսակցության գրասենյակը եւ կուսակցության քարտուղար Կարեն Կակոյանի հետ մեքենայություններ իրականացրել:
Բողոքի հետ միասին Սարգսյանը դատախազություն է ուղարկել «Ազգ» թերթի հուլիսի 27-ի համարը: Նամակն ու հոդվածը օգոստոսի 19-ին փոխանցվել են ոստիկանություն` ստուգելու համար ներկայացված տեղեկությունների համապատասխանությունն իրականությանը: Արդյունքների մասին կտեղեկացվեն ինչպես դիմումատուն, այնպես էլ գլխավոր դատախազությունը: