Թել Ավիվի գլխավոր շտաբի բազայում զինվորականին կղանքով սպագետի են մատուցել

Օգոստոս 18, 2011 | 12:54

Թել Ավիվի գլխավոր շտաբի բազայում՝ շարքային անձնակազմի ճաշարանում, զինվորականը սպագետիի մեջ կղանք է հայտնաբերել, հայտնում է Newsru.co.il-ը՝ վկայակոչելով «Մաարիվ» թերթը։

Միջադեպը տեղի է ունեցել անցած շաբաթ։ Թերթի տվյալներով, մթերքը ճաշարան հասնում է պատրաստի վիճակում, հետեւաբար պատասխանատվությունն ընկնում է գլխավոր շտաբի ճաշարանի կապալառուի վրա։

ՑԱԽԱԼ-ի մամուլի ծառայությունը հայտնել է, որ զինվորական ղեկավարությունը սկսել է միջադեպի քննությունը։