Որոշ ԿՄ-ականների երդման տեքստը:

Ես` ընտրելով Արմեն Աշոտյանին քլնգելու չափազանց պատասխանատու և Կենդանի Մատյանում պատվաբեր ճանապարհը, հանդիսավոր երդվում եմ` պատեհ և անպատեհ առիթներով քլնգել Արմեն Աշոտյանի գործունեությունը։ Երդվում եմ։

Իմ ունեցած գիտելիքները, գրառումները, քոմենտները, հղումները, ստեղծագործական ողջ ներուժն ու հոգու չարությունը ամբողջությամբ նվիրել Աշոտյանին ամեն առիթով կպնելու գործին։ Երդվում եմ։

Երդվում եմ` լինել չարամիտ և աններելի, Աշոտյանին ցանկացած առիթով կպնելու գործին նվիրված և այդպիսին էլ դաստիարակել իմ ընթերցողներին, ամեն ինչ անել, որպեսզի նրանք Կենդանի Մատյան մտնեն Աշոտյանի նկատմամբ ատելության մեծ զգացումով։ Երդվում եմ։

Երդվում եմ` ամեն ինչ անել, որպեսզի մեր բլոգոսֆերայի համար դաստիարակեմ անբարեկիրթ, Աշոտյանին ձեռք առնելու ու անպատվելու սեփական ուժերին վստահ բլոգերներ։ Երդվում ենք։

Երդվում եմ` ցածր պահել և ամեն ձև հոլովել նախարարի ազգանունը։ Երդվում ենք։

http://pigh.livejournal.com/