Այսօր Էմինեմի ծննդյան օրն է

12:59 17 Հոկտեմբեր, 2011

1972թ հոկտեմբերի 17-ին է ծնվել ամերիկացի ռեփեր, դերասան, երգահան և երգի պրոդյուսեր Էմինեմը` ԱՄՆ-ի Միսսուրի նահանգի Սենտ Ժոզեֆ քաղաքում: Իսկական անունը Մարշալ Բրյուս Մեթթերս III է (անգլ. Marshall Bruce Mathers III):13 Գրեմմի մրցանակի հաղթող է։ Ամբողջ աշխարհում վաճառվել է նրա ալբոմների մոտավորապես 86.5 միլիոն օրինակ, ինչը Էմինեմին դարձնում է 2000-ական թվականների սկզբի ամենավաճառվող երգիչներից և բոլոր ժամանակների ամենահանրաճանաչ ռէպերներից մեկը։ Էմինեմին գտել է ռեպեր և պրոդյուսեր Dr. Dre-ն։

Նա եղել է միակ զավակն իր ընտանիքում։ Նա շոտլանդական, անգլիական, գերմանական, շվեյցարական, լեհական և գուցե լյուքսեմբուրգյան ծագում ունի։ Նրա հայրը լքել է ընտանիքը, երբ Էմինեմը 18 ամսական է եղել, և նա ապրել է բացառապես մոր հետ չքավորության մեջ։ 12 տարեկանում նա և իր մայրը տեղփոխվել են մի քանի տարբեր քաղաքներ և հաստատվել Միչիգան նահանգի Ուորրեն քաղաքում, որը Դետրոյթի արվարձան է։

Էմինեմը հետաքրքրված էր Հիպ Հոպ-ով և 14 տարեկանում միացավ Bassmint Productions կոչվող խմբին և նրանք թողարկեցին առաջին երգը – Steppin’ Onto The Scene։ Հետո նրանք փոխեցին իրենց անունը Soul Intent-ին և 1995 նրանք թողարկեցին իրենց Fuckin’ Backstabber կոչվող առաջին սինգլը։ 17 տարեկանում նա դուրս շպրտվեց դպրոցից։

1LUR.AM