Ջերսի կղզում տղամարդը դանակահարել է ընտանիքի անդամներին, զոհվածների թվում կան երեխաներ

Օգոստոս 15, 2011 | 10:36

Բրիտանական Ջերսի կղզում` ֆրանսիական ծովափից 65 կմ հեռավորության վրա գտնվող Լա-Մանշ նեղուցում, հանցագործը դանակով հարձակվել է ընտանիքի անդամների վրա: Դրա հետեւանքով` 6 մարդ, այդ  թվում 2 երեխա մահացել է, հաղորդում է «Ազատություն» ռադիոկայանը:

Հանցագործության կասկածանքով 30-ամյա տղամարդը ձերբակալվել է: Անցկացվում է հետաքննություն:

Հարձակման պատճառները դեռեւս անհայտ են: Նախնական տվյալներով, տղամարդը սպանությունը կարող էր կատարել կենցաղային հիմքի վրա, հաղորդում է RBC-ն:

Ջերսի կղզին համարվում է բրիտանական թագավորական ընտանիքի տիրույթներից մեկը, սակայն ֆորմալ ձեւով ընդգրկված չէ Մեծ Բրիտանիայի կազմում: