Թուրքիայի ոստիկանությունը մի քանի տասնյակ ցուցարարների է ձերբակալել, որոնք Ստամբուլի կենտրոնում քարեր են նետել Իսրայելի հյուպատոսարանի վրա՝ ի դժգոհություն հումանիտար օգնության բեռներով բեռնավորված շրջափակված Գազային օգնության մեկնած նավերի վրա գրոհած իսրայելցի զինվորականների գործողություններից։

Վերջին տեղեկություններով՝ «Ազատության ռազմատորմ»-ից  19 մարդ է մահացել։ Թուրքիայում Իսրայելի դեսպանն արդեն հրավիրվել է երկրի արտաքին գործերի նախարարություն՝ միջադեպը քննարկելու համար, ինչը լարվածություն է առաջացրել երկու երկրների միջև։

Այս պահինշրջափակված Գազային օգնության մեկնած հումանիտար  բեռներով  իսրայելցի զինվորականների կողմից առգրաված նավը Հայֆա նավահանգստի ճանապարհին է։

Թուրքիայի և Իսրայելի միջև հարաբերությունները զգալի չափով վնասվել են այն բանից հետո, երբ Գազայի հատվածում Իսրայելը սկսեց վարել ցեղասպանական գործողություններ ընդդեմ խաղաղ արաբ բնակչության, որի դեմ Դավոսում Էրդողանը սուր ելույթ ունեցավ: