-Նաիրիտի գործարանի 4 աշխատակիցներ ՀՀ վարչապետին նամակ էին ուղղել ,սակայն  նրանց հակադարձել էին `նշելով ,որ 4 անձի կարծիքը չի կարող արտահայտել  Նաիրիտի ողջ կոլեկտիվի դիրքորոշումը:Օրերս գործարանում տիրող իրավիճակի  մասին հայտարարությամբ հանդես եկաք նաև դուք,ինչ է կատարվում իրականում :

-2006-ից, երբ Վահան Մելքոնյանը հայտնվեց”Նաիրիտում”, մինագամից  հաստատվեցին ստալինյան 37 թվականների շունչը: Մարդիկ ազատվում էին  աշխատանքից, եթե համարձակություն էին ունենում հանդես գալ գործարանի  անգրագետ կառավարման դեմ… մինչ օրս նույն բարքերն են տիրում, հետևաբար 4  հոգի կամ 14 հոգի կամ 144 հոգի էլ, որ բողոքի միևնույն է, չեն դիտարկի այն  կոլեկտիվի դիրքորոշում… Ինչ է կատարվում իրականում. Իրականում ներկայիս  դրածո ղեկավարությունը գործարանի կառավարիչ փնտրելու շոուներ կազմակերպելով  ժամանակ են շահում` ավելացնելով գործարանի պարտքերը և դատապարտելով  հազարավոր մարդկանց գործազրկության…

-Դուք ձեր հայտարարության  մեջ նշել էիք ,որ դեռևս 2006 թվականից են եղել անօրինկանությունները ,ի՞նչը  ստիպեց ձեզ այսօր բարձրաձայնել այդ ամենի մասին:

-Ես նոր չեմ  բարձրաձայնում “Նաիրիտի” շուրջ տեղի ունեցող անօրինականությունների մասին:  Դուք հավանաբար տեղյակ չեք: Փնտրեք համացանցում և կտեսնեք իմ անպատասխան  մնացած տասնյակ հարցադրումներ: Կտեսնեք, որ ներկայիս վարչապետը վաղուց է  սկսել արշավ իմ դեմ:

-Կառավարությունը ձեր ելույթը համարեց  սպառնալիք ,շանտաժ ,ինչպես նաև քաղաքական ենթատեքս ,ինչպես կմեկնաբանեք:

– Կառավարությունը լավ կանի ցույց տա, թե ուր է անհետացել 31 միլիոն  դոլարը, մնացածը համարում եմ ղզիկություն…

-« Իմ առաջարկը  մնում է ուժի մեջ .կամ վավերացնում եք իմ ՀՌԱԿ ատենապետիս օրինական  ընտրությունները և ամենքն անցնում է իր գործին կամ ես ստիպված անցնում եմ  իմ խոստմանը ի կատար ածելուն »,- մեջբերում ձեր  հայտարարությունից:Տպավորությունն այնպիսին է ,որ եթե կառավարությունը  ընդառաջ գնա ձեր առաջարկին դուք պատրաստ եք լռել և չբարձրաձայնել Նաիրիտում  տիրող իրավիճակը:Այդպես է ,թե`ոչ:

– Իմ ֆաքսերով ես պահանջել եմ  օրենքի տառին և ոգուն համապատասխան գործողություններ և ուզեցել եմ ճշտել,  թե ” Նաիրիտի” բացահայտումները կատարելում եմ որպես ՀՀ քաղաքացի, թե որպես  ՀՌԱԿ ատենապետ: Եթե չլինեին նախորդ տարիների իմ ասուլիսները,  հեռուստաելույթները, միգուցե, կարելի էր մտածել իրենց նման: Բայց իրականում  և շանտաժը և սպառնալիքները իրենց կողմից են, ուղղակի սա այն դեպքն է, երբ  իսկական գողը ամենից բարձր է գոռում.
– Բռնե’ք գողին…