Հայաստանի Ազգային անվտանգության ծառայության աշխատակիցների կողմից ձեռնարկված օպերատիվ-հետախուզական միջոցառումների արդյունքում` կաշառք ստանալու պահին հունիսի 27-ին ձերբակալվել է Երեւանի քաղաքապետարանի աշխատակազմի հասարակական կարգի պահպանության ծառայության երկրորդ բաժնի գլխավոր մասնագետ Վրեժ Դավթյանը:

ԱԱԾ մամուլի կենտրոնից հայտնում են, որ Դավթյանը Երեւանի բնակչի կողմից իրականացվող շինարարակական աշխատանքների կապակցությամբ համապատասխան խախտումներ չարձագանքելու համար նրանից պահանջել եւ ստացել է 150 հազար դրամ գումար:

Փաստի առթիվ հարուցված քրեական գործի նախաքննությունը կատարում է ԱԱԾ քննչական վարչությունը:

Տեղեկացնում է «news.am»-ը: