Թուրքիայի կրթության նախարարությունը պատրաստվում է հայերեն դասագրքեր հրատարակել երկրում գործող հայկական կրթօջախների համար:

Թուրքական NTV հեռուստաալիքի փոխանցմամբ` Թուրքիայի կրթության նախարարությունը, մասնավորապես, 2011-2012 ուսումնական տարվա համար պատրաստվում է տպագրել և հայկական դպրոցներին անվճար բաժանել բնագիտության և մաթեմատիկայի շուրջ 24 հազար հայերեն դասագրքեր:

Թուրքիայի կրթության նախարարությունը վստահեցնում է, որ նման նախաձեռնությամբ է հանդես եկել ազգությամբ հայ մի ուսուցչի նամակը ստանալուց հետո: Ուսուցիչը, որի անունը չի նշվում, կրթության նախարար Նիմեթ Չուբուքչուին հղած նամակում խնդրել էր հայկական կրթօջախներին նույնպես տրամադրել անվճար դասագրքեր: Նախարարությունն ընդառաջել է հայ ուսուցչին և դպրոցներին անվճար դասագրքեր բաժանել:

Իսկ որոշ ժամանակ անց Չաբուքչուն կարգադրել է հայերեն դասագրքեր տպագրել և բաժանել հիմնականում Ստամբուլում գործող հայկական կրթօջախներին: