Ցեղասպանության ժխտման դեմ հայցն ընդունվել է դատարանի վարույթ

-Ս.թ. հոկտեմբերի 16-ին «Արարատ» ռազմավարագիտական կենտրոնը Երևանի Կենտրոն և Նորք-Մարաշ համայնքների ընդհանուր իրավասության դատարանից ծանուցում ստացավ առ այն, որ «Արարատ» կենտրոնի հայցն ըննդեմ «Կովկասյան ինստիտուտ» հիմնադրամի, դատարանում վարույթ է ընդունվել (որոշումը կայացվել է ս.թ. հոկտեմբերի 7-ին)։ Տեղեկացվել է նաև, որ դատական նիստի ժամանակի և վայրի մասին պատշաճ ձևով լրացուցիչ կծանուցվի,-այս մասին «7օր»-ի հետ զրույցում ասել է «Արարատ» ռազմավարագիտական կենտրոնի տնօրեն Արմեն Այվազյանը։ Հիշեցնենք, որ «Արարատ» ռազմավարագիտական կենտրոնը դատական հայց էր ներկայացրել Ալեքսանդր Իսկանդարյանի դեմ Ցեղասպանության փաստը կասկածի տակ դնելու համար։