Աղթամարի եկեղեցու վրա խաչ տեղադրելուց հետո կղզի այցելողների թիվը կրկնակի ավելացել է

Հուլիս 13, 2011 | 00:15

Վանի Աղթամար կղզու Սուբ Խաչ եկեղեցու խաչը տեղադրելուց հետո Վան այցելող զբոսաշրջիկների թիվը կրկնակի ավելացել է:

Թուրքական Cihan գործակալության փոխանցմամբ՝ Թուրքիայի մշակույթի եւ տուրիզմի վարչության Վանի նահանգային կառույցի հայտարարության մեջ նշվել է, որ 2009 թվականին Վանի թանգարան է այցելել 10 հազար, Աղթամար կղզի՝ 23 հազար 932, Վանի բերդ՝ 9 հազար 376 հոգի:

«2010-ին Վանի Աղթամարի կղզի է այցելել 30 հազար 804 հոգի, իսկ 2011-ի առաջին 6 ամսում Աղթամարի կղզի այցել է 25 հազար 500 հոգի, որը 100 տոկոս ավել է նախորդ տարվա նույն ժամանակահատվածի համեմատությամբ։

Նշենք, որ Հայոց ցեղասպանությունից  95 տարի անց՝ 2010-ի սեպտեմբերի 19-ին Աղթամարի Սուրբ Խաչ եկեղեցում առաջին անգամ իրականացվել է պատարագ, իսկ սեպտեմբերի 30-ի երեկոյան եկեղեցու գմբեթին խաչ է տեղադրվել։