ԼՐԱՀՈՍ - Հեղինակ՝ . Thursday, June 5, 2014 20:39 - չքննարկված

Եթե մի օր Արցախյան հարցը լուծվի, այն կլինի մեզ համար առավել անբարենպաստ. Արծրուն Պեպանյան

NewsBook-ի զրուցակիցն է քաղաքական վերլուծաբան Արծրուն Պեպանյանը.

– Պարոն Պեպանյան, ո՞րն էր այն հիմնական մեսիջը, որ Պուտինն ուզում էր հասկացնել Սերժ Սարգսյանին՝ Նազարբաևի բերանով, Ադրբեջանի հոխորտանքով հայտարարելով, որ Հայաստանը Եվրասիական միություն պետք է մտնի առանց Լեռնային Ղարաբաղի՝ ՄԱԿ-ի ճանաչած սահմաններով: Եվ ինչո՞ւ էր, ըստ Ձեզ, մեսիջը փոխանցելու համար ընտրվել Ղազախստանի նախագահ Նազարբաևի ֆիգուրը:

– Բայց մի՞թե դուք չէիք զարմանա, եթե Եվրասիական միություն նախաձեռնողները համաձայնեյին, որ Հայաստանը անդամակցի Լեռնային Ղարաբաղի հետ միասին: Մենք պաշտոնապես Արցախը չենք հայտարարել Հայաստանի մաս, մեր նախագահը նաև նրանց նախագահը չէ, քանի որ չեն ընտրում նրան: Դուք տեսե՞լ եք Հայաստանի պաշտոնական քարտեզ, ուր ներառված կլինի Արցախը: Եթե մենք Արցախին Հայաստանի մաս չենք ճանաչում /իհարկե, մի շարք արդարացնող պատճառներից ելնելով/, ապա ուրիշն ինչու՞ պիտի համարի: Արցախը ներկայանում է աշխարհին որպես ինքնուրույն պետություն, որին դեռ չեն ճանաչել, այդ թվում` նաև Եվրասիական միություն նախաձեռնող երկրները: Եվ սպասելի է, որ նման պահանջ պիտի դրվեր: Անհարմար այդ վիճակից կարելի կլիներ խուսափել, եթե ընդհանրապես գործ չունենայինք Եվրասիական միության հետ, բայց մեր կարծիքը չեն հարցրել այդ հարցում:

– ՌԴ տնտեսական զարգացման նախարար Ալեքսեյ Ուլյուկաևի՝ Ադրբեջան կատարած պաշտոնական եռօրյա այցից հետո Ադրբեջանական մամուլը տեղեկություն տարածեց, թե ՌԴ-ն Ադրբեջանին հրավիրել է Եվրասիական միություն: Ադրբեջանի էկոնոմիկայի և արդյունաբերության նախարար Շահին Մուստաֆաևը հայտարարել է, որ Ադրբեջանը չի ծրագրում մտնել որևէ միություն, այդ թվում’ Եվրասիական տնտեսական միություն և Եվրամիություն: Բայց նաև հայտնել է, որ Ադրբեջանը ոչ մի խնդիր չունի Ռուսաստանի հետ առևտրի ռեժիմի հարցում’ նշելով, որ այդ ռեժիմը շատ հարմարավետ է: ՌԴ-Ադրբեջան հարաբերությունների ջերմացումն, ըստ Ձեզ, մինչև ո՞ւր կարող է հասնել և Հայաստանն ի՞նչ հետևություններ պետք է անի դրանից:

– Մենք փողոցային կնոջ նման էժան գնով տրվեցինք Ռուսաստանին, ու հիմա մենք նրա համար էլ հետաքրքիր չենք: Մենք իրենն ենք ու առանձնակի հմայք էլ չունենք, որ մեզ ուշադրություն դարձնի: Ադրբեջանն այս առումով իրեն ավելի ձիգ է պահում /հասկանալի է, թիկունք ունի/, և Ռուսաստանը հարկադրված է նրան սիրաշահել: Հայաստանի հետևությունն այն պիտի լինի, որ փալասի տեղը դռան տակն է: Մենք պիտի ուժ գտնենք մեր մեջ որձ պետություն կերտելու համար: Մենք` աշխարհի հայությունը, ունենք այդ ռեսուրսը:

– Հնարավոր համարո՞ւմ եք առաջիկա եռամսյակում ԼՂ հարցի կարգավորումը, խնդրի կարգավորման ինչպիսի՞ մեթոդ ու տարածքային կտրտվածքներ է ուրվագծվում, ըստ Ձեզ:

– Արցախի հարցը խաղաքարտ է աշխարհի հզորների համար /ինչպես նաև մեր Ցեղասպանության հարցը/, և այդ առումով խնդրի կարգավորումը գուցե շատերին ձեռնտու չլինի: Բայց եթե մենք շարունակենք այսպես անփույթ վարվել մեր երկրի հանդեպ ու շարունակաբար թուլացնենք այն, ապա Արցախյան հարցը մի օր եթե լուծվի, այն կլինի մեր համար առավել անբարենպաստ: Վերևներում կարծես թե չկա վտանգի գիտակցումը: Ներքևներում էլ վհատություն է: Բայց այսպես երկար չի շարունակվի. ազգի արթնացման կանխազգացում ունեմ:

Հարցազրույցը՝ Մարինա ԲաղդագյուլյանիՆյութի աղբյուրը ` http://newsbook.am/?33657&l=am/



Գրեք Ձեր կարծիքը

ՀՂՈՒՄՆԵՐ ԳՐԵԼՈՒ ԿԱՆՈՆՆԵՐ

- Չի խրախուսվում ամբողջովին մեծատառերով գրված հղումները,
- Մի գրեք փողոցային դարձվածքներով,
- Արգելվում է գովազդային հղումները,
- Մի գրանցեք անձնական վիրավորանքներ:

Գրառում կատարելուց հետո ստուգեք Ձեր էլ–փոստարկղը (Inbox եւ Spam) հավելյալ գործողությունների համար.

Comment



` 1 2 3 4 5 6 7 8 9 0 - = Back
TAB q w e r t y u i o p [ ] \
Caps a s d f g h j k l ; ' Enter
Shift z x c v b n m , . / Shift
Ctrl Alt   Alt Ctrl

Միացնել հայերենը

*

ՀԵՌՈՒՍՏԱԾՐԱԳՐԵՐ, Ս. ՔԻՐԵՄԻՋՅԱՆ - Aug 19, 2016 10:00 - չքննարկված

Ինչպես ընդունվեց Հայոց ցեղասպանության և ժխտման քրեականացման օրենքը Սլովակիայում :Ինչպես Հայաստանը ունեցավ Ռազմական ինքնաթիռներ:Ստեփան Քիրեմիջյանի հյուրն էր ԵՀՄՖ նախագահ Աշոտ Գրիգորյանը:

More In Ս. ՔԻՐԵՄԻՋՅԱՆ