ԼՐԱՀՈՍ - Հեղինակ՝ . Friday, April 19, 2013 13:22 - չքննարկված

Մոսկվայում Հայաստանի հյուպատոսը ծեծել է ՀՀ քաղաքացուն, առգրավել անձնագիրը և անձնական իրերը. :Հետաքրքիր է որ բոլոր դեսպանատներից նույն ահազանգն է գալիս.

Այսօր shamshyan.com-ի թղթակցի հետ Մոսկվայից կապ հաստատեց մեր հայրենակից Ժիրայր Թադևոսյանն ու հայտնեց, որ իր բարեկամներից մեկը` Արտակ Հակոբյանը գնացել է ՌԴ-ում Հայաստանի հյուպատոսարան` ընկերոջ անձնագիրը վերցնելու և մուտքի մոտ տեսել է երիտասարդ մի հայ կնոջ` մանկահասակ երեխայի հետ, ում չեն թույլատրում իր երեխային իր հետ բերել Հայաստան` հոր հուղարկավորությանը մասնակցելու:

Նա, փորձելով օգնել կնոջը, ներգրավվել է խոսակցության մեջ, որի ժամանակ Մոսկվայում Հայաստանի Հանրապետության հյուպատոս Գարիկ Մելիքսեթյանն անձամբ դուրս է եկել շենքից, մոտեցել Հակոբյանին ու հրավիրել իր աշխատասենյակ:

Աշխատասենյակում Գարիկ Մելիքսեթյանը ծեծի է ենթարկել 60-ամյա Արտակ Հակոբյանին, վերցրել անձնագիրը, բջջային հեռախոսը, դրամապանակը` 32 000 ռուբլի գումարով ու մյուս անձնական իրերը, ահաբեկել` ասելով, որ ոչ մի տեղ չպատմի կատարվածի մասին ու դուրս հրավիրել հյուպատոսարանից:

Հակոբյանն առանց գումարի ու կապի միջոցի, ոտքով գնացել է տուն, որի արդյունքում հիվանդացել ու այժմ գտնվում է մոսկովյան հիվանդանոցներից մեկում` թոքերի բորբոքումով:

Նույնիսկ մոսկովյան հիվանդանոցներում են հասկացել իրավիճակն ու առանց փաստաթղթերի ընդունել հիվանդին:

Ներկա պահին մեր հայրենակիցը խնդրում է shamshyan.com-ին լուսաբանել այս մասին ու ԱԳՆ-ի օգնությամբ հետ վերցնել հիվանդի անձնագիրը` հիվանդանոց ներկայացնելու համար:

«Միայն մի բան չեմ հասկանում, օտար երկրում ինչ էլ որ հայրենակիցդ արած լինի, իրավունք չունես ցավ պատճառելու: Էլ չեմ խոսում այն մասին, որ նման կերպ է վարվել մեր ազգը Ռուսաստանում ներկայացնող անձը»,- վրդովված ասաց պրն. Թադևոսյանը:

Այս նյութի հետ կապված մենք ակնկալում էինք Արտաքին Գործերի նախարարության մեկնաբանությունը, բայց քանի որ ԱԳՆ-ից մեզ տեղակացրին, որ տվյալ գործի փաստով նյութեր են նախապատրաստվում, այդ իսկ պատճառով առայժմ որևէ տեղեկատվություն հրապարակման ենթակա չէ:

Այդուհանդերձ, նախնական վարկածի համաձայն՝ Արտակ Հակոբյանը, ով բողոքել է, թե իբր իրեն ծեծել են, կեղծ տեղեկատվություն է տարածել:

Shamshyan.com



Գրեք Ձեր կարծիքը

ՀՂՈՒՄՆԵՐ ԳՐԵԼՈՒ ԿԱՆՈՆՆԵՐ

- Չի խրախուսվում ամբողջովին մեծատառերով գրված հղումները,
- Մի գրեք փողոցային դարձվածքներով,
- Արգելվում է գովազդային հղումները,
- Մի գրանցեք անձնական վիրավորանքներ:

Գրառում կատարելուց հետո ստուգեք Ձեր էլ–փոստարկղը (Inbox եւ Spam) հավելյալ գործողությունների համար.

Comment



` 1 2 3 4 5 6 7 8 9 0 - = Back
TAB q w e r t y u i o p [ ] \
Caps a s d f g h j k l ; ' Enter
Shift z x c v b n m , . / Shift
Ctrl Alt   Alt Ctrl

Միացնել հայերենը

*

ՀԵՌՈՒՍՏԱԾՐԱԳՐԵՐ, Ս. ՔԻՐԵՄԻՋՅԱՆ - Aug 19, 2016 10:00 - չքննարկված

Ինչպես ընդունվեց Հայոց ցեղասպանության և ժխտման քրեականացման օրենքը Սլովակիայում :Ինչպես Հայաստանը ունեցավ Ռազմական ինքնաթիռներ:Ստեփան Քիրեմիջյանի հյուրն էր ԵՀՄՖ նախագահ Աշոտ Գրիգորյանը:

More In Ս. ՔԻՐԵՄԻՋՅԱՆ