ԼՐԱՀՈՍ - Հեղինակ՝ . Tuesday, September 4, 2012 5:17 - 1 քննարկում

ԿՈՎԿԱՍՅԱՆ ԽԱՆԵՐ ԵՎ ԱՂԱՆԵՐ. Ալիեվը հանցագործ է ազատում ըստ իր քեֆի, Սարգսյանը լրագրող է ջոկում ըստ իր ճաշակի…

Գյումրիում լրագրողները չհանդիպեցին Սերժ Սարգսյանի հետ. «Ասպարեզը» բացատրություններ է պահանջում09.04.2012 16:52 epress.am

Գյումրիում լրագրողները չհանդիպեցին Սերժ Սարգսյանի հետ. «Ասպարեզը» բացատրություններ է պահանջում

Այսօր Գյումրի կատարած այցի ժամանակ ՀՀ նախագահ Սերժ Սարգսյանի աշխատակազմը արգելել է նրա հետ հարցազրույցին մասնակցել մի շարք տեղական զանգվածային լրատվամիջոցների ներկայացուցիչների, այդ թվում՝ «Գյումրի-Ասպարեզ» օրաթերթի, www.asparez.am կայքի, «Հինգշաբթի» շաբաթաթերթի, «Ցայգ» և «ԳԱԼԱ» հեռուստաընկերությունների լրագրողներին, «Ազատություն» ռադիոկայանի և «Առավոտ» օրաթերթի տեղական թղթակիցներին: Այս մասին ասված է Ժուռնալիստների «Ասպարեզ» ակումբի տարածած հայտարարության մեջ:

«Մինչ Սերժ Սարգսյանի` Գյումրու նորակառույց հիվանդանոցի բացմանը ժամանելը նախագահական պալատի մամուլի պատասխանատուն հավաքված լրագրողներին տեղեկացրել է, թե վերջինիս հետ ոչ մի հարցազրույց չի նախատեսված: Մինչդեռ` Գյումրու մոր և մանկան ավստրիական մանկական հիվանդանոց կատարած շրջայցից հետո, հենց հիվանդանոցի ներսում կազմակերպվեց հարցազրույց, որին մասնակցել են երևանյան մի շարք լրատվամիջոցներ, Հ1 հեռուստաընկերության տեղական թղթակիցը և մարզի մյուս լրագրողների աչքի առաջ ներս են հրավիրել նաև «Շանթ»-ի Գյումրու թղթակցին: Տեղական մյուս լրատվամիջոցների լրագրողների այն հարցին, թե ինչո՞ւ լրատվամիջոցների միջև խտրականություն դրվեց և ինչո՞ւ մյուսներն էլ ներս չհրավիրվեցին` լրատվության պատասխանատուն պատճառաբանել է, թե «ներսում տեղ չկար», և առաջարկել է օգտվել իրենց արած հարցազրույցի տեսագրությունից, որն հրապարակվելու է ավելի ուշ», – նշում են հայտարարության հեղինակները:

Հայտարարության մեջ նաև նշվում է, որ Ժուռնալիստների «Ասպարեզ» ակումբը դատապարտում է տեղացի լրագրողների նկատմամբ տվյալ վերաբերմունքը, այն գնահատում է որպես խոսքի ազատության սահմանափակման խայտառակ դեպք, և խտրականություն նույն մասնագիտության ներկայացուցիչների տարբեր խմբերի նկատմամբ:

«Դժվարանում ենք կռահել այս վերաբերմունքի իսկական դրդապատճառները, գուցե աշխատակազմը մտահոգ է եղել, որ տեղացի լրագրողները չպլանավորած ու արտասցենարային հարցեր էին հղելու Սերժ Սարգսյանին: Իսկ ներսում տեղ չլինելու մասին պատճառաբանությունները ուղղակի ծիծաղելի են. հիվանդանոցը բազմաթիվ սպասասրահներ ու դահլիճներ ունի:

ՀՀ նախագահի աշխատակազմը պարտավոր է պատշաճ և հիմնավոր բացատրություններ ներկայացնել հանրությանը այն մասին, թե ինչով էր պայմանավորված այսօրվա խտրականությունը լրագրողների նկատմամբ:

Հրավիրում ենք ՀՀ Ոստիկանապետի ուշադրությունը վերը նկարագրված փաստերին և պահանջում քրեական գործ հարուցել ՀՀ Քրեական օրենսգրքի 164 հոդվածի առաջին մասի հատկանիշներով. «…1. Լրագրողի մասնագիտական օրինական գործունեությանը խոչընդոտելը կամ նրան տեղեկություններ տարածելուն կամ տարածելուց հրաժարվելուն հարկադրելը՝ պատժվում է տուգանքով՝ նվազագույն աշխատավարձի երկուհարյուրապատիկից չորսհարյուրապատիկի չափով…»», – նշված է հայտարարության մեջ:



1 քննարկում

You can follow any responses to this entry through the RSS 2.0 feed. You can leave a response, or trackback from your own site.

Hovhannes
Sep 4, 2012 9:08


Fatal error: Uncaught Error: Call to undefined function mysql_query() in /home2/louyswor/public_html/wp-content/plugins/comment-rating/comment-rating.php:219 Stack trace: #0 /home2/louyswor/public_html/wp-content/plugins/comment-rating/comment-rating.php(249): ckrating_get_rating('22017') #1 /home2/louyswor/public_html/wp-content/plugins/comment-rating/comment-rating.php(380): ckrating_display_content() #2 /home2/louyswor/public_html/wp-includes/class-wp-hook.php(300): ckrating_display_filter('<p>\xD4\xB5\xD6\x80\xD6\x87\xD5\xAB \xD5\xB4\xD5...') #3 /home2/louyswor/public_html/wp-includes/plugin.php(203): WP_Hook->apply_filters('<p>\xD4\xB5\xD6\x80\xD6\x87\xD5\xAB \xD5\xB4\xD5...', Array) #4 /home2/louyswor/public_html/wp-includes/comment-template.php(995): apply_filters('comment_text', '\xD4\xB5\xD6\x80\xD6\x87\xD5\xAB \xD5\xB4\xD5\xA5\xD6\x80...', Object(WP_Comment), Array) #5 /home2/louyswor/public_html/wp-content/themes/News/comments.php(41): comment_text() #6 /home2/louyswor/public_html/wp-includes/comment-template.p in /home2/louyswor/public_html/wp-content/plugins/comment-rating/comment-rating.php on line 219