ԼՐԱՀՈՍ - Հեղինակ՝ . Wednesday, August 29, 2012 12:06 - 9 քննարկում

Քրիստոնեական բարեհոգություն և ներողամտություն քարոզող քահանան իրենից երկուկոպեկ վերցրած ցանկացած հաշմանադամ որբի կարող է բանտ նստեցնել տալ հինգ տարի : Իմացիր ում էս փողտ տալիս:

2007 թվական: Նուբարաշենի գիշերօթիկի նախկին սան, երկկողմանի ծնողազուրկ Աշոտ Գրիգորյանը ձերբակալվեց: Նա մեղադրվում էր Երևանի Սուրբ Սարգիս եկեղեցու գանձանակը թալանելու և խոշոր չափի գումար յուրացնելու մեջ:

Աշոտին դատապարտեցին հինգ տարվա ազատազրկման: Դատավճռի օրը Սուրբ Սարգիս եկեղեցու հոգևոր հովիվ տեր Շահե քահանան դահլիճում հայտարարեց, որ երբ Աշոտը բանտից դուրս գա, ինքը նրան գրկաբաց կընդունի:

Վերաքննիչ դատարանում Աշոտի պատիժը մեղմացվեց մինչև երկուսուկես տարի. հաշվի առնվեց այն, որ նրա առողջական վիճակը կտրուկ վատացել է, և նա առաջին կարգի հաշմանդամ է դարձել: Բացի այդ, նա խորապես զղջացել էր իր արարքի համար: Երկուսուկես տարի դատապարտյալների կենտրոնական հիվանդանոցում պատիժը կրելուց հետո Աշոտն ազատ արձակվեց, բայց տեր Շահեն նրան ամենևին էլ գրկաբաց չընդունեց: Ավելին, Աշոտի` տեր հոր հետ հանդիպելու, նրանից ներողություն խնդրելու բոլոր ջանքերն ապարդյուն անցան: Նա Աշոտին տեսնել անգամ չէր ուզում: «Ես շատ վատ էի վարվել տեր Շահեի հետ, դատավարության ընթացքում նրան մեղադրել  ու զրպարտել էի այնպիսի բաներում, որոնք իրականում նա չէր արել,- խոստովանում է Աշոտը,- ես մոռացել էի ինքնասիրություն ու ամոթ, ամեն ինչ անում էի, որ դատարանում իմ նժարը մի քիչ ծանր լինի, և խուսափեմ խիստ պատժից»:

Բանտից դուրս գալուց հետո Աշոտը կաթողիկոսին նամակ է գրում` խնդրելով ներել իրեն: Կաթողիկոսարանի որոշմամբ նրա նամակը վերահասցեագրվում է Արարատյան հայրապետական թեմին, որի մեջ է մտնում Սուրբ Սարգիս եկեղեցին, սակայն մինչ օրս նրա նամակն անպատասխան է մնացել:

Ինչո՞ւ Աշոտը որոշեց թալանել այն եկեղեցու գանձանակը, որտեղ, հաշվի առնելով նրա որբ ու անտուն լինելը, նրան բանվորական աշխատանք էին տվել, որպեսզի օրվա հաց վաստակի: Այդ հարցի պատասխանը Աշոտը և՛ ունի, և՛ չունի. «Մարդ, որ մանկուց ենթարկվել է ֆիզիկական ու հոգևոր բռնության, տեսել հազար ու մի վատ բան, նման մարդուց ուրիշ ի՞նչ կարելի է սպասել: Չէ՞ որ ինձ նախ և առաջ հոգևորապես պետք է կրթեին: Մեր գիշերօթիկում գողանալը շատ սովորական բան էր, երեևի չկար մեկը, որ գողությամբ զբաղված չլիներ,- ասում է նա:- Ինչ վերաբերում է բռնությանը, ապացուցված փաստ է, որ բռնության ենթարկված ցանկացած մարդու հոգեբանությունն ինքնըստինքյան խեղաթյուրվում է»:

Այնուհանդերձ, նա իր արարքը չի արդարացնում. այն, ինչ արել է, սարսափելի է. «Ես պարբերաբար էի գողանում, և այդ ողջ ժամանակահատվածում հոգեպես շատ էի տանջվում, ամեն անգամ գողանալուց հետո խոնարհվում էի Աստծո առաջ, ներում խնդրում, ինձ արդարացնելու եղանակներ փնտրում»:

Պատմում է, որ գողության ժամանակահատվածում շատ անգամ է փորձել հետ կանգնել իր արարքից, բայց չի կարողացել: Մի օր էլ որոշել է ամեն ինչ պատմել տեր Շահեին, անգամ տեքստն է պատրաստել, թե ինչպես պետք է խոստովանի, բայց ամեն անգամ, երբ եկեղեցում մոտեցել է տեր հորը և հանդիպում խնդրել, ինչ-որ բան խանգարել է, և հանդիպումը չի ստացվել»:

Այս ողջ պատմության ամենազարմանալի ու թերևս ամենահետաքրքիր կողմերից մեկն էլ այն է, որ Աշոտը գողացած գումարի մի մասը ծախսել է բարեգործական նպատակներով: Բարեգործական կազմակերպություն է հիմնել, որի անունից էլ զբաղվել է բարեգործությամբ. «Մանկատներին, գիշերօթիկիներին, սոցիալապես անապահով ընտանիքներին էի օգնում, եկեղեցիների համար անհրաժեշտ պարագաներ էի գնում,- պատմում է նա,- հետո ինձ համար հանրակացարանային մի սենյակ գնեցի, ճիշտ է` շատ անբարեկարգ էր, բայց չունեցածից լավ էր: Մի խոսքով, ապրում էի երկակի կյանքով. ցերեկը բարեպաշտ հավատացյալ, որն իրականում Աստվածաշունչն էլ չէր կարդացել, իսկ գիշերը` ավազակ, ով թալանում էր եկեղեցին…»:

blognews.am



9 քննարկումներ

You can follow any responses to this entry through the RSS 2.0 feed. You can leave a response, or trackback from your own site.

Antarameg
Aug 29, 2012 18:20


Fatal error: Uncaught Error: Call to undefined function mysql_query() in /home2/louyswor/public_html/wp-content/plugins/comment-rating/comment-rating.php:219 Stack trace: #0 /home2/louyswor/public_html/wp-content/plugins/comment-rating/comment-rating.php(249): ckrating_get_rating('21859') #1 /home2/louyswor/public_html/wp-content/plugins/comment-rating/comment-rating.php(380): ckrating_display_content() #2 /home2/louyswor/public_html/wp-includes/class-wp-hook.php(300): ckrating_display_filter('<p>\xD4\xB1\xD5\xB7\xD5\xB8\xD5\xBF\xD5\xA8 \xD5...') #3 /home2/louyswor/public_html/wp-includes/plugin.php(203): WP_Hook->apply_filters('<p>\xD4\xB1\xD5\xB7\xD5\xB8\xD5\xBF\xD5\xA8 \xD5...', Array) #4 /home2/louyswor/public_html/wp-includes/comment-template.php(995): apply_filters('comment_text', '\xD4\xB1\xD5\xB7\xD5\xB8\xD5\xBF\xD5\xA8 \xD5\x87\xD5\xA1...', Object(WP_Comment), Array) #5 /home2/louyswor/public_html/wp-content/themes/News/comments.php(41): comment_text() #6 /home2/louyswor/public_html/wp-includes/comment-template.p in /home2/louyswor/public_html/wp-content/plugins/comment-rating/comment-rating.php on line 219