ԼՐԱՀՈՍ - Հեղինակ՝ . Thursday, June 28, 2012 23:20 - 1 քննարկում

«Չոռնի» Գագոն չվախեցավ կնանիքից, դաժե խնդաց Հովիկ Աբրահամյանի մկնիկական մտքերի վրա…

Ես փախնողի կեցվածք չունեմ

ՀԵՂԻՆԱԿ՝ ԳԱՅԱՆԵ ՍԱՐԻԲԵԿՅԱՆ
29/06/2012 | ՀԱՅԱՍՏԱՆՈՒՄ

Քաղաքապետի պաշտոնին հրաժեշտ տալուց հետո Գագիկ Բեգլարյանն անցել էր ընդհատակ: Չէր պատասխանում լրագրողների զանգերին, չէր մեկնաբանում իր անվան հետ կապված լուրերը:  Անգամ տրանսպորտի եւ կապի նախարար դառնալուց հետո էր հրաժարվում շփվել լրագրողների հետ: Կառավարության վերջին երկու նիստից հետո նա հրաժարվել էր պատասխանել լրագրողների հարցերին: Սակայն երեկ նա լռության ուխտը խախտեց: Կառավարության նիստից հետո աստիճանների մոտ հանդիպելով լրագրողներին՝ մի քանի հարցի այնուամենայնիվ պատասխանեց:Այդ ժամանակ դրսում բողոքող կանանցից մեկը, ում տունը հանուն պետության գերակա շահի խլել էին, Բեգլարյանի հետեւից  բացականչեց. «Ինչո՞ւ եք փախնում, կանգնեք՝ Ձեզ հարց ունեմ»: Բեգլարյանը, «փախչել» բառը լսելով, մռայլվեց ու ետ եկավ: Տպավորություն էր, թե հաշիվ էր պահանջելու, սակայն դեմառդեմ կանգնելով կնոջ առաջ՝ ասաց. «Փախնելն իմ կեցվածքը չէ»: Տիկնոջ բողոքը լսելուց հետո տեղեկացրեց, որ ինքը նախարար է:

Այսքանով սահմանափակվեց քաղաքացիների հետ հանդիպումը: Թերեւս տղայական շրջանակներում «փախնելու» մեղադրանքը ամենամահացու մեղադրանքներից է: Ապա, երբ պետք է հեռանար, պատասխանեց լրագրողների հարցերին, որոնք անսպասելիությունից իրար անցան ու հարցերի տարափ թափեցին նախկին քաղաքապետի գլխին: Ինքն էլ, ի հեճուկս լրագրողների, մինչեւ վերջին հարցը պատասխանեց:  Բանը նրան էր հասել, որ երբ լռում էինք, ինքն էր հրահրում՝  ուրի՞շ, այլ հարցեր կա՞ն….

– Պարոն Բեգլարյան, Դոմինգոյի «չարաբաստիկ» համերգը Ձեր կարիերային նպաստե՞ց, թե՞ հակառակը:

– Ի՜նչ հիշաչար մարդ եք, մոռացեք ամեն ինչ. նոր աշխատանք, նոր ոլորտ:

– Այլեւս  կգնա՞ք  Դոմինգոյի համերգին:

– Մեծ սիրով, բայց ես Դոմինգոյի համերգին չեմ էլ եղել:

– Ամեն դեպքում, իր արվեստով հետք թողեց Ձեր կենսագրության մեջ…

– Էդ դեռ չգիտենք՝ լավ հետք, թե վատ… ինչի՞ եք անընդհատ Դոմինգոյին մեղադրում … Ես միշտ իմ ճակատագրից գոհ եմ եղել, որովհետեւ իմ ճակատագիրը մեծամասնությամբ ես եմ կերտել:

– Կադրային փոփոխություն, ջարդ անելո՞ւ եք:

– Ինչ վատ բառ եք ասում՝ ջարդ… Մեզ մոտ սկզբունք կա, ով աշխատում է, լավ աշխատելու է միշտ:

– Քաղաքապետից հետո նախարարի պաշտոնին ինչպե՞ս եք վերաբերվում:

– Մոտ ապագայում կասեմ ձեզ:

 – Կվերադառնա՞ք քաղաքապետի պաշտոնին:

– Հիմա՝ չէ:

– Բայց, ասում են, հավակնում եք …

– Ո՞վ է ասում… Ես ուզում եմ իմ Հայաստանի, իմ պետության համար օգտակար բան անեմ, աշխատեմ՝ անկախ նրանից, թե որ ոլորտում կլինեմ:

– Տարոն Մարգարյանին արժանի իրավահաջորդ համարո՞ւմ եք:

– Տարոն Մարգարյանն իրականում արժանի քաղաքապետ է:

 – Խորհուրդներ տալի՞ս եք ինչ-որ հարցերում:

– Տարոն Մարգարյանը խորհուրդների կարիք չունի, իսկ որպես իրար հետ աշխատած լավ, մտերիմ ընկերներ, ինչի կարիք լինի, ես նրա կողքին կանգնած եմ:

  – Կիսատության զգացում ունե՞ք:  Չէ՞ որ անակնկալ հեռացաք:

– Քաղաքապետի աշխատանքը՝ ոչ մեկինը չի ավարտվում, Դուք երեւի չգիտեք, թե քաղաքապետն ինչ պաշտոն ա: Քաղաքում աշխատանքները երբեք չեն ավարտվում, քաղաքապետի աշխատանքը՝ նույնպես, շարունակական է, յուրաքանչյուր քաղաքապետ պետք է շարունակի նախորդի լավ արածները եւ վերացնի վատ արածները:

 – ՕԵԿ կադրերի հետ ինչպե՞ս եք յոլա գնում:

– Շատ լավ:

– Պարոն Բեգլարյան, տեսնո՞ւմ եք ինչ լավ է, որ շփվում եք լրագրողների հետ, իսկ Դուք խուսափում էիք:

– Լսեք, ես սովորություն ունեմ՝ իրականում աշխատում եմ, ցույց եմ տալիս իմ աշխատանքս: Ժողովուրդ ջան, փախնելը լավ բան չի, մենք ասում ենք՝ չենք պատասխանում, երբ որ ժամանակ չկա, կամ կոնկրետ աշխատանքներ ձեր տված հարցերով ոլորտում չկան, չենք պատասխանում: Փախչելը լավ չի՜…

 – Իսկ Դուք համաձա՞յն եք Հովիկ Աբրահամյանի այն  համոզմանը, թե ճշմարտությունը հիվանդանում է, բայց չի մեռնում:

– Պարոն Աբրահամյանը շատ լավ մտքեր ունի, ուշադիր եղեք նրա մտքերին (ծիծաղում է՝ Գ. Ս.):



1 քննարկում

You can follow any responses to this entry through the RSS 2.0 feed. You can leave a response, or trackback from your own site.

Վարդան
Jun 29, 2012 6:40


Fatal error: Uncaught Error: Call to undefined function mysql_query() in /home2/louyswor/public_html/wp-content/plugins/comment-rating/comment-rating.php:219 Stack trace: #0 /home2/louyswor/public_html/wp-content/plugins/comment-rating/comment-rating.php(249): ckrating_get_rating('20690') #1 /home2/louyswor/public_html/wp-content/plugins/comment-rating/comment-rating.php(380): ckrating_display_content() #2 /home2/louyswor/public_html/wp-includes/class-wp-hook.php(300): ckrating_display_filter('<p>\xD5\x80\xD5\xA1\xD5\xB5\xD5\xAF \xD4\xB4\xD5...') #3 /home2/louyswor/public_html/wp-includes/plugin.php(203): WP_Hook->apply_filters('<p>\xD5\x80\xD5\xA1\xD5\xB5\xD5\xAF \xD4\xB4\xD5...', Array) #4 /home2/louyswor/public_html/wp-includes/comment-template.php(995): apply_filters('comment_text', '\xD5\x80\xD5\xA1\xD5\xB5\xD5\xAF \xD4\xB4\xD5\xA5\xD5\xB4...', Object(WP_Comment), Array) #5 /home2/louyswor/public_html/wp-content/themes/News/comments.php(41): comment_text() #6 /home2/louyswor/public_html/wp-includes/comment-template.p in /home2/louyswor/public_html/wp-content/plugins/comment-rating/comment-rating.php on line 219