ՀԵՌՈՒՍՏԱԾՐԱԳՐԵՐ - Հեղինակ՝ . Friday, May 25, 2012 4:29 - 1 քննարկում

Браво! Господин Царукян. Народ Вас не забудет никогда. Народ с Вами. Առաջ! Բառգավաճ! (ՀՀԿ-ն ընկավ իր սարքած ծուղակը ).

19:37 – 24.05.2012
«Ես պատրաստ եմ ունենալ կորուստներ»,- այսօր հայտարարության ձեւով ասել է ԲՀԿ առաջնորդ Գագիկ Ծառուկյանը:

Փորձենք հասկանալ, թե ինչ կորուստների մասին է խոսքը: Ժողովրդավարական երկրում քաղաքական գործիչը կարող է կորցնել սոսկ հեղինակություն, այն էլ` վատ աշխատանքի արդյունքում: Իր հայտարարությամբ Գագիկ Ծառուկյանը փաստել է այլ բանի մասին: Նա ակնարկել է, որ կորուստներ հնարավոր են միայն ժողովրդի կողքին կանգնելու դեպքում, այսինքն` ժողովրդին կոալիցիայից գերադասելու դեպքում: ԲՀԿ առաջնորդը հասկացնում է` երկիրը ժողովրդավարական չէ եւ, միայնակ կառավարություն կազմելու հնարավորություն ունեցող կուսակցության կողքին կանգնելով, մտադիր չէ դառնալ հակաժողովրդավարականության բաժնետեր:

Ըստ իս` կարիք չկա Գագիկ Ծառուկյանի հայտարարության ամեն տողի մեջ փնտրել տողատակ, բայց այս դեպքում հնարավոր է, որ «ես պատրաստ եմ ունենալ կորուստներ» ձեւակերպումը կարեւորելով, Գագիկ Ծառուկյանը պարզորեն հասկացրել է, թե ինչ է ուզում ասել: Նա խոսում է ինքնազոհաբերման հնարավորության մասին: Հնարավոր է, որ նրա բերանով մեկ ուրիշն է խոսում: Հնարավոր է, որ Գագիկ Ծառուկյանը պատրաստվում է խաղից դուրս գալ` ԲՀԿ-ի հեղինակությունը փրկելու համար:

Վարդան Օսկանյանը դերասանություն չէր անում` ՀՀԿ-ին քննադատելով: Հիմա նրա հետ է ամբողջ ԲՀԿ-ն: Ըստ ամենայնի` Գագիկ Ծառուկյանը պիտի փորձի ազատվել ԲՀԿ-ի գործարար հեղինակություններից` միայնակ կրելով կուսակցության ֆինանսավորման գործը: ԲՀԿ-ն գնում է զուտ քաղաքական կուսակցություն դառնալու ճանապարհով: Գնում է հանուն այն բանի, որ առանց Ծառուկյանի էլ ԲՀԿ-ն մնա կուսակցություն: Որովհետեւ, եթե ինքը պատրաստ է կրել կորուստներ, այդ կորուստները չպետք է տարածվեն կուսակցության վրա: Գագիկ Ծառուկյանը գործարար է եւ հայտարարում է, որ «նպատակահարմար չի գտնում մասնակցել կոալիցիոն կառավարության ձեւավորմանը»: Դժվար է ասել` ԲՀԿ-ն երկա՞ր է մտածել այս մասին, սակայն փաստ է, որ որոշ տրամադրություններ կային:

ՀՀԿ-ն ընկավ իր սարքած ծուղակը: Նա կարծում էր, որ ԲՀԿ-ն այսպես թե այնպես կմնա կոալիցիայում, իսկ ինքը ԱԺ-ում կունենա մի մեծամասնություն, որը ծիծաղելի վիճակում կդնի ԲՀԿ-ին, այսինքն` կստիպի մտածել, որ մտնելու դեպքում շահում է, չմտնելու դեպքում ՀՀԿ-ին վատություն չի անելու: Հիմա արդեն պարզ է, որ ՀՀԿ-ն, մեծամասնություն վերցնելով, ԲՀԿ-ի քմահաճույքներին պատրաստ չէր: Հիմա չկա մի մեղադրանք, որ, ՀՀԿ-ից բացի, մեկ ուրիշին վերաբերվի: Նույնիսկ ՕԵԿ-ը ցանկացած մեղադրանքից դուրս կմնա, քանի որ այդ կուսակցությունն այլեւս ընկալելի չէ: Ինչպես ասում են` մարդ կալարի այդ կուսակցությանը ներկայացնել մահացու մեղադրանքներ, որոնք ավելի սազական են ՀՀԿ-ին:

Փաստն այն է, որ ԲՀԿ առաջնորդի հայտարարությունը որոշակիորեն կանխատեսելի է դարձնում երկրի քաղաքական ապագան: Գալիս է կուսակցություն, որը ՀՀԿ-ի փոխարեն լուծում է, ասենք, արտագաղթը կանգնեցնելու խնդիրը, արտագաղթը կանգնեցնելը, մենք գիտենք, ՀՀԿ-ին ձեռնտու չէ (վարչապետի ականջը կանչի): ԲՀԿ-ն, մի խոսքով, այսօր հայտ ներկայացրեց բոլոր առումներով երկրի գլխավոր կուսակցություն դառնալ, եթե, իհարկե, ՀՀԿ-ն արդեն` որպես միանձնյա կուսակցություն, արագորեն չկողմնորոշվի եւ չորոշի ԲՀԿ-ն հիմնահատակ ոչնչացնել: Սրա դեմն առնելու համար է, որ ԲՀԿ-ն պիտի ԱԺ մտցնի միայն քաղաքական գործիչների եւ ոչ մի գործարարի:

Սեյրան ՀԱՆՈՅԱՆ



1 քննարկում

You can follow any responses to this entry through the RSS 2.0 feed. You can leave a response, or trackback from your own site.

Ակսել Վարդանյան
May 25, 2012 12:42


Fatal error: Uncaught Error: Call to undefined function mysql_query() in /home2/louyswor/public_html/wp-content/plugins/comment-rating/comment-rating.php:219 Stack trace: #0 /home2/louyswor/public_html/wp-content/plugins/comment-rating/comment-rating.php(249): ckrating_get_rating('20256') #1 /home2/louyswor/public_html/wp-content/plugins/comment-rating/comment-rating.php(380): ckrating_display_content() #2 /home2/louyswor/public_html/wp-includes/class-wp-hook.php(300): ckrating_display_filter('<p>\xD5\x86\xD5\xA1\xD5\xAD\xD5\xA1\xD5\xA3\xD5\xA1...') #3 /home2/louyswor/public_html/wp-includes/plugin.php(203): WP_Hook->apply_filters('<p>\xD5\x86\xD5\xA1\xD5\xAD\xD5\xA1\xD5\xA3\xD5\xA1...', Array) #4 /home2/louyswor/public_html/wp-includes/comment-template.php(995): apply_filters('comment_text', '\xD5\x86\xD5\xA1\xD5\xAD\xD5\xA1\xD5\xA3\xD5\xA1\xD5\xB0\xD5...', Object(WP_Comment), Array) #5 /home2/louyswor/public_html/wp-content/themes/News/comments.php(41): comment_text() #6 /home2/louyswor/public_html/wp-includes/comment-t in /home2/louyswor/public_html/wp-content/plugins/comment-rating/comment-rating.php on line 219