ԼՐԱՀՈՍ - Հեղինակ՝ . Saturday, February 25, 2012 6:44 - 1 քննարկում

Այսօր Զորավար Անդրանիկի ծննդյան օրն է

Այսօր լրանում է ֆիդայական շարժման ականավոր դեմքերից մեկի` Անդրանիկ Զորավարի ծննդյան 147-ամյակը:

Անդրանիկ Թորոսի Օզանյանը ծնվել է 1865թ. փետրվարի 25-ին Արեւմտյան Հայաստան Շապին-Գարահիսար բնակավայրում: Դեռեւս պատանի հասակում ըմբոստանալով թուրքական սոցիալական եւ ազգային ճնշման դեմ` դարձել է ֆիդայի, ղեկավարել ժողովրդի ինքնապաշտպանությունը։ Չհավատալով երիտթուրքերին` նա համոզված է եղել, որ նրանց, այսպես կոչված ‹‹հեղափոխությունը››, միայն նոր աղետներ կբերի հայ ժողովրդին։

Անդրանիկն իր կամավորական ջոկատով մասնակցել է Բալկանյան պատերազմներին (1912-1913թթ.)` օգնելով բուլղար ժողովրդին ընդդեմ թուրքական բռնակալության եւ արժանացել սպայի կոչման։ Առաջին աշխարհամարտի տարիներին նա նշանակվում է հայկական կամավորական 1-ին ջոկատի հրամանատար եւ մասնակցում Կովկասյան ռազմաճակատում ծավալված ռազմական գործողություններին` ընդդեմ թուրքական զավթիչների։ Ճակատամարտերում դրսեւորվում են նրա ռազմական տաղանդն ու մարտական գործողություններ վարելու արվեստը։ Հոկտեմբերյան հեղափոխությունից հետո Ռուսաստանը դադարեցնում է պատերազմական գործողությունները, եւ Արեւմտյան Հայաստանի ազատագրումը մնում է անիրագործելի։ Անդրանիկն իր ջոկատով անցնում է Արեւելյան Հայաստան: Իշխանության հետ ունեցած տարաձայնությունների պատճառով 1919թ.-ին, զորամասը ցրելով, իսկ գույքն էլ հայոց կաթողիկոսին պահ տալով` Անդրանիկը մեկնում է երկրից եւ հաստատվում ԱՄՆ-ի Ֆրեզնո քաղաքում։

Հայ ժողովուրդը նրան մեծարում է որպես ազգային հերոսի։ Նրա մասին հյուսվել են երգեր, գրվել վեպեր, բանաստեղծություններ։ Զորավար Անդրանիկը մահացել է 1927թ. Ֆրեզնոյում, թաղվել Փարիզի Պեր-Լաշեզ գերեզմանատանը։ Հայաստանի անկախացումից հետո նրա մասունքները տեղափոխվել են Երեւան եւ ամփոփվել Եռաբլուր պանթեոնում։



1 քննարկում

You can follow any responses to this entry through the RSS 2.0 feed. You can leave a response, or trackback from your own site.

sofia
Feb 25, 2012 12:28


Fatal error: Uncaught Error: Call to undefined function mysql_query() in /home2/louyswor/public_html/wp-content/plugins/comment-rating/comment-rating.php:219 Stack trace: #0 /home2/louyswor/public_html/wp-content/plugins/comment-rating/comment-rating.php(249): ckrating_get_rating('18490') #1 /home2/louyswor/public_html/wp-content/plugins/comment-rating/comment-rating.php(380): ckrating_display_content() #2 /home2/louyswor/public_html/wp-includes/class-wp-hook.php(300): ckrating_display_filter('<p>\xD5\x8D\xD4\xBB\xD5\x90\xD4\xB5\xD4\xBC\xD4\xBB...') #3 /home2/louyswor/public_html/wp-includes/plugin.php(203): WP_Hook->apply_filters('<p>\xD5\x8D\xD4\xBB\xD5\x90\xD4\xB5\xD4\xBC\xD4\xBB...', Array) #4 /home2/louyswor/public_html/wp-includes/comment-template.php(995): apply_filters('comment_text', '\xD5\x8D\xD4\xBB\xD5\x90\xD4\xB5\xD4\xBC\xD4\xBB \xD4\xB6...', Object(WP_Comment), Array) #5 /home2/louyswor/public_html/wp-content/themes/News/comments.php(41): comment_text() #6 /home2/louyswor/public_html/wp-includes/comment-temp in /home2/louyswor/public_html/wp-content/plugins/comment-rating/comment-rating.php on line 219