ՀԵՌՈՒՍՏԱԾՐԱԳՐԵՐ - Հեղինակ՝ . Thursday, August 11, 2011 14:10 - չքննարկված

Նման ոստիկանապետով երկիր չես պահի: Նա վախենում է բոլորից՝ նախագահից, ՀԱԿ-ից և նրա թուլեքից…

Հայաստանի ոստիկանապետը ներկայացրել է ՀԱԿ ակտիվիստների հետ միջադեպի իր վարկածը

Օգոստոս 11, 2011 | 17:20

Հայաստանի ոստիկանապետ Ալիկ Սարգսյանն այսօր` օգոստոսի 11-ին կայացած մամուլի ասուլիսում ներկայացրել է ՀԱԿ ակտիվիստների հետ օրերս տեղի ունեցած միջադեպի իր վարկածը:

Բավական զգացմունքային կերպով, իր ենթակաների պատմածով ներկայացնելով իրադարձությունների ընթացքը, ոստիկանապետը հայտարարել է, թե հրահրողներն ու ագրեսիվ հարձակվողները եղել են հենց ՀԱԿ-ի ակտիվիստները:

Ըստ Սարգսյանի` միջադեպը եղել է հետեւյալ կերպ. Օգոստոսի 9-ին ոստիկանները պարեկություն անելիս են եղել Երեւանի Կարապի լճի շրջակայքում եւ նկատել են մի երիտասարդի, ով շրջում  էր առանց դնչկալի շան հետ: Ոստիկանները նրան դիտողություն են արել, ինչին ի պատասխան երիտասարդը խոստացել է այլեւս չկրկնել դա եւ հեռացել է: Սակայն միջադեպը դրանով չի ավարտվել:

ՀԱԿ ակտիվիստները, ովքեր ըստ Սարգսյանի, իսկական որս են սկսել ոստիկանների դեմ, իրենց պարտքն են համարել միջամտել: Մոտենալով ոստիկաններին` Տիգրան Առաքելյանն ու նրա ուղեկիցը ոստիկաններին դիտողություն են արել, բանը հասել է ձեռնամարտի: Սարգսյանն անընդհատ շեշտել է, թե հարձակվողները եղել են ՀԱԿ ակտիվիստները: Ոստիկաններն ու ակտիվիստները օգնություն են կանչել:

Ծեծկռտուքը, որին ըստ ոստիկանապետի, անգամ աղջիկներ են մասնակցել, տեւել է մոտ 20 րոպե, արդյունքում 7 ընդդիմադիրներին բերման են ենթարկել: Ոստիկանապետը նշել է, թե Առաքելյանը մեքենայում հարվածել է ոստիկանի դեմքին ու կոտրել է նրա քիթը:

Ձերբակալվածները մոտ 40 րոպե հայհոյել են նաեւ ոստիկանատանը, վիրավորել ոստիկանության աշխատակիցներին, խանգարել աշխատանքին, լուսանկարվել: «Ես սրտի ցավով արձանագրում եմ ՀԱԿ երիտասարդ ներկայացուցիչների վիրավորական պահվածքը, որին իմ ենթակաները ստիպված են եղել պատասխանել մեծ զգուշությամբ, որպեսզի տեղի ունեցածը նրանց հասցեին մեղադրանքների առիթ չդառնա»,- ասել է ոստիկանապետը:

Փաստի առթիվ քրեական գործ է հարուցվել իշխանության ներկայացուցչի դեմ բռնության եւ խուլիգանության հոդվածներով: Ըստ փորձաքննության Տիգրան Առաքելյանն ու նրա երկու ընկերները եղել են ալկոհոլի ազդեցության տակ: Վաղը կալանքի որոշում է կայացվելու եւ ձերբակալվածներին մեղադրանք է ներկայացվելու:

Ի դեպ, ՀԱԿ-ի երիտասարդների վրա ակնհայտ են ծեծի հետքերը, որը նաեւ տեսանկարահանվել է: Այն կարող եք դիտել ԱՅՍՏԵՂ:

Ալիկ Սարգսյանը հայտարարել է, թե շահագրգռված է իշխանություն-ընդդիմություն երկխոսությամբ եւ անգամ դժվարանում է ասել, թե ում էր ձեռնտու այս միջադեպը: Նա հայտարարել է,թ ե անձամբ հանդիպել է Դավիթ Հարությունյանի եւ Լեւոն Զուրաբյանի հետ եւ ներկայացրել իր ունեցած տվյալները:

Խոսելով Տիգրան Առաքելյանի նախորդ ձերբակալության մասին` Ալիկ Սարգսյանը նշել է, թե անձամբ է խնդրել, որ նրան ազատ արձակեն, քանի որ առողջական խնդիրներ է ունեցել: (Ի դեպ, նշենք, որ Տիգրան Առաքելյանի դեմ հարուցված քրեական գործը կարճվել էր, իսկ ներկայումս դատարանում քննվում է Տիգրան Առաքելյանի հայցն ընդդեմ Ալիկ Սարգսյանի: ՀԱԿ ակտիվիստը ոստիկանապետին մեղադրում է իրեն հանիրավի մեղադրելու եւ անմեղության կանխավարկածը խախտելու մեջ` նրանից 1 դրամ բարոյական փոխհատուցում պահանջելով- խմբ.):

Ալիկ Սարգսյանն իր խոսքում այնքան նշեց Տիգրան Առաքելյանի անունը, որ մի պահ լեզվի սայթաքում արեց եւ ասաց Տիգրան Կարապետյան` հարուցելով դահլիճում հավաքված լրագրողների ծիծաղը:

Ոստիկանապետը հերքել է տեղեկությունները, թե Կենտրոնի ոստիկանատանը թույլ չեն տվել փաստաբաններին` հանդիպեն ՀԱԿ-ի ակտիվիստների հետ: «Ոստիկաններն ավելի շատ փաստաբանի կարիք ունեին»,- ասել է նա` վերջում ընդգծելով, որ պահելու է «մունդիրի պատիվը մինչեւ վերջ»:



Գրեք Ձեր կարծիքը

ՀՂՈՒՄՆԵՐ ԳՐԵԼՈՒ ԿԱՆՈՆՆԵՐ

- Չի խրախուսվում ամբողջովին մեծատառերով գրված հղումները,
- Մի գրեք փողոցային դարձվածքներով,
- Արգելվում է գովազդային հղումները,
- Մի գրանցեք անձնական վիրավորանքներ:

Գրառում կատարելուց հետո ստուգեք Ձեր էլ–փոստարկղը (Inbox եւ Spam) հավելյալ գործողությունների համար.

Comment



` 1 2 3 4 5 6 7 8 9 0 - = Back
TAB q w e r t y u i o p [ ] \
Caps a s d f g h j k l ; ' Enter
Shift z x c v b n m , . / Shift
Ctrl Alt   Alt Ctrl

Միացնել հայերենը

*

ՀԵՌՈՒՍՏԱԾՐԱԳՐԵՐ, Ս. ՔԻՐԵՄԻՋՅԱՆ - Aug 19, 2016 10:00 - չքննարկված

Ինչպես ընդունվեց Հայոց ցեղասպանության և ժխտման քրեականացման օրենքը Սլովակիայում :Ինչպես Հայաստանը ունեցավ Ռազմական ինքնաթիռներ:Ստեփան Քիրեմիջյանի հյուրն էր ԵՀՄՖ նախագահ Աշոտ Գրիգորյանը:

More In Ս. ՔԻՐԵՄԻՋՅԱՆ