ԼՐԱՀՈՍ - Saturday, August 11, 2012 14:15 - 0 Comments

Աշոտ Գրիգորյանը պատասխանում Նինայի հարցին. «Եթե մի ինչ-որ տեղ հանդիպեք Վանոյին, ի՞նչ կանեք»:

Պարոն Գրիգորյան, նախօրոք կներեք հարցիս համար.
-եթե մի ինչ որ տեղ հանդիպեք Վանոյին, ինչ կանեք՞. NINA

-Nina-ի հարցին պատասխանում եմ օրերս կատարած մեր հաղորդագրությամբ, տված հայկական մամուլում: Աշոտ Գրիգորյան

Սիրադեղյանին պետք է վերադարձնել Հայաստան

Եվրոպայի Հայկական Միությունների Ֆորումի /ԵՀՄՖ/ մամլո քարտուղարությունից հայտնում են, որ վերջերս facebook-ի էջերում և մամուլում քննարկվում է Վանո Սիրադեղյանի Հայաստան ետ բերելու հարցը: Ըստ ԵՀՄՖ-ի նախագահ Աշոտ Գրիգորյանի կարծիքի պետք է օգտագործել այդ անձի շուրջ տեղի ունեցող ակտիվացումները և անկասկած նրան վերադարձնել Հայաստան` անմիջապես ձեռնակալներ հագցնելով ու դատարանի դահլիճ տեղափոխելով: Անկասկած արդարադատության ճիշտ կիրառման դեպքում նա կարժանանա ցմահ բանտարկության իր կողմից կազմակերպված աղմկահարույց սպանությունների համար: Սա ակնհայտ և բոլորին հայտնի փաստ է, որի մասին շատ է գրվել և գլխավոր դատախազությունում կուտակվել են տասնյակ հատորներում ամփոփված նյութեր: Սակայն այն փաստը, որ սիրադեղյանների կողմից Հայաստանից վտարվել են հսկայական թվով ակտիվ գործիչներ, նշում եմ ակտիվ գործիչներ և որի հիման վրա սկսվել է մեծ արտագաղթը` վերածվելով <>, սրա մասին քիչ է խոսվել ու խոսվում:

Բերեմ կոնկրետ իմ օրինակը: Շատերը գիտեն, որ ես ընտանյոք հանդերձ 1993թ-ի փետրվարին հեռացել եմ Հայաստանից` այդ հանցագործի կողմից հանձնարարված բանդայի միջոցով առևանգվելուց հետո, երբ իմ առաջ դրվեց պայման. հեռանալ երկրից: Եթե իմ նման գործիչների վրա ճնշումներ էին գործադրվում երկրից հեռացնելու պահանջով, ապա այլ հարյուր հազարները երկիրը լքեցին համանման ճնշումներից խուսափելու միտումով: Վաղուց անցել է այն պահը, որ Սիրադեղյանը պետք է պատասխան տար իր և իր բանդաների կողմից կատարած հանցագործությունների համար: Այսօր նրա համախոհները` լտպ-ն և ՀՀՇ-ականները ոչ միայն փորձում են ռեաբիլիտացվել և մաքրել իրենց դեմքին կուտակված կեղտաշերտը, այլև լկտիաբար հրապարակավ փորձում են վերականգնել իրենց նախկին գործընկերոջ կարգավիճակը:

ԵՀՄՖ-ը կոչ է անում օգտագործելով իրավիճակն իսկապես վերադարձնել Ինտերպոլով հետախուզվող այդ միջազգային հանցագործին Հայաստան և դատել: Արտերկրում գտնվող այդ հանցագործի կողմից տասնյակ տուժվածներ, հավատացեք որ, պատրաստ են աներկբայորեն հայտնվել դատարանում և տալ բազմաթիվ ցուցմունքներ, որոնց արդյունքում նախատեսվող պատիժն անկասկած կհասցվի առավելագույնի:

ԵՀՄՖ-ի մամլո քարտուղարություն