Posts Tagged ‘hakob chaqrian’
ՀԵՌՈՒՍՏԱԾՐԱԳՐԵՐ - Friday, December 12, 2008 0:39 - 0 Comments
ՀԱՅՈՑ ՑԵՂԱՍՊԱՆՈՒԹՅՈՒՆՆ ԱՆՏԵՍԵԼՈՒ ԲԱՆ ԳԻ ՄՈՒՆԻ (չինարեն՝ «թունավոր խոտ») ԱՐԱՐՔԸ ԴԱՏԱՊԱՐՏԵԼԻ Է
- Դեկտեմբերի 9-ին, ինչպես տեղեկացրել էինք նախավերջին համարում, լրացավ ՄԱԿ-ի Ցեղասպանության հանցագործությունը կանխելու եւ դրա համար պատիժ սահմանելու կոնվենցիայի ընդունման 60-ամյակը: Նույն օրը 60-ամյակի առթիվ հանդիսավոր ելույթ է ունեցել ՄԱԿ-ի գլխավոր քարտուղար Բան Գի Մունը եւ ելույթում «ողջամտորեն» շրջանցել է Հայոց ցեղասպանության փաստը: Այս արարքը ինքնին տհաճ է եւ վրդովեցուցիչ: Չպետք է սակայն մոռանալ, որ Բան Գի Մունն ընդամենը ԱՄՆ նախագահ Ջորջ Բուշի վարչակարգի դրածոն է, վարչակարգն էլ՝ Իսրայելից ուղղորդվող «Նոր պահպանողականների»:
Դրածոյի հանգամանքը անհրաժեշտ է դարձնում, որ աշխարհում փոփոխությունների նախադրյալներ ստեղծելու համար ԱՄՆ-ը ձեւափոխելու հավակնություններ ունեցող նորընտիր նախագահ Բարաք Օբաման փոխի նաեւ ՄԱԿ-ի նկատմամբ պաշտոնական Վաշինգտոնի դիրքորոշումը: Այլապես նախատեսվող ձեւափոխումները, անկախ նպատակամղվածությունից, կստանան ձեւական բնույթ, եւ ՄԱԿ-ը ոչ միայն «համընդհանուր խաղաղության համար» չի ձեռնարկի ժողովուրդների իրավահավասարության եւ ինքնորոշման սկզբունքի վրա հիմնված միջոցառումներ, ինչպես միջազգային այս կառույցի կանոնադրությունն է պահանջում, այլ կշարունակի խնամքով քողարկել մի ժողովրդի նկատմամբ մյուսի շարունակական բռնարարքները, ինչպես շրջանցում է պաղեստինցիների պարագայում:
Այլ կերպ, ՄԱԿ-ը ոչ թե ապահովում է ժողովուրդների իրավահավասարությունը, այլ նրանց բաժանում առանձնաշնորհյալների եւ իրավազուրկների: Թերեւս դրանով էլ կոպտորեն խախտում է իր իսկ կանոնադրությունը: Սա խտրականության ակնհայտ դրսեւորում է:
Ցեղասպանության կոնվենցիայի 60-ամյակին նվիրված ելույթում շրջանցելով Հայոց ցեղասպանությունը, ՄԱԿ-ի գլխավոր քարտուղար Բան Գի Մունը ոչ միայն խտրականություն է դրսեւորում, այլեւ 1948-ի կոնվենցիայի դրույթների հետ միաժամանակ ոտնահարում է նույն թվին հենց ՄԱԿ-ում ընդունված Մարդու իրավունքների համընդհանուր հռչակագրի դրույթները, որովհետեւ 1973-ին ՄԱԿ-ի Մարդու իրավունքների հանձնաժողովի ազգային փոքրամասնությունների նկատմամբ խտրականության կանխման ենթահանձնաժողովի 26-րդ նստաշրջանում ընդունած զեկուցումը 30-րդ ենթակետով Օսմանյան կայսրությունում հայերի ջարդը որակել էր որպես «20-րդ դարի առաջին ցեղասպանություն»:
Նույն թվին այդ զեկուցումը բանաձեւի նախագծի տեսքով քննարկվել է նաեւ ՄԱԿ-ի Մարդու իրավունքների հանձնաժողովի 30-րդ նստաշրջանում: Թեեւ 1978-ին զեկուցումից հանվել էր հայերի ցեղասպանության մասին հիշատակող 30-րդ ենթակետը, սակայն մեկ տարի անց՝ 1979-ին ՄԱԿ-ի հանձնաժողովի 35-րդ նստաշրջանը քննարկման էր դրել ենթահանձնաժողովի ներկայացրած բանաձեւի օրինագիծը եւ ձայների ճնշող մեծամասնությամբ վերականգնել 30-րդ ենթակետը:
Եթե ՄԱԿ-ի գլխավոր քարտուղարը չգիտեր այս փաստերի մասին, գոնե ելույթից առաջ պարտավոր էր ծանոթանալ, որովհետեւ դա ոչ թե սովորական, այլ Ցեղասպանության կոնվենցիայի 60-ամյակին նվիրված հանդիսավոր ելույթ էր: Որքան էլ Բան Գի Մունը Բուշի վարչակարգի դրածոն լինի, շրջանցելով ելույթում Հայոց ցեղասպանությունը, կամա թե ակամա խրախուսում է ցեղասպանության թուրքական ժխտողականությունը: Ավելին, Բան Գի Մունը դրանով նախադրյալներ է ստեղծում, որ թուրքերը Հայոց ցեղասպանության միջազգային ճանաչման դեմ ժխտողականությամբ ուղղակի հակադրվելու փոխարեն գտնեն այլ դրածոներ եւս եւ նրանց հակադրեն, որպեսզի միջնորդավորված լինի Հայաստանի հետ մերձեցման տրամաբանությանը հակասող այս հակադրությունը:
ՄԱԿ-ի Ցեղասպանության կոնվենցիայի 60-ամյակին նվիրված ելույթում Հայոց ցեղասպանության փաստը շրջանցելու Բան Գի Մունի արարքը որպես խտրականության դրսեւորում, դատապարտելի է ինչպես կոնվենցիան արհամարհելու եւ Մարդու իրավունքների համընդհանուր հռչակագրի դրույթները ոտնահարելու, այնպես էլ հայ ժողովրդի արժանապատվությունը վիրավորելու առումներով: Թվում է, թե Հայաստանի հասարակական, քաղաքական կազմակերպությունները, գիտական շրջանակները, մտավորականները, առավել եւս կառավարությունը հակազդեցությամբ կարձագանքեն Բան Գի Մունի զբաղեցրած պաշտոնի անհարիր արարքին, որն անուղղակի կասկածի տակ է դնում Ցեղասպանության միջազգային ճանաչմանը հետամուտ լինելու նպատակահարմարությունը հայկական պետության համար:
Սակայն վերջիններիս ներկայացուցիչները, այսպես կոչված, իրավապաշտպանների գլխավորությամբ, դատապարտելու փոխարեն, ընդամենը մասնակցեցին Մարդու իրավունքների համընդհանուր հռչակագրի ընդունման 60-ամյակի առթիվ ՄԱԿ-ի հայաստանյան գրասենյակի կազմակերպած ընդունելությանը, առանց իհարկե մոռանալու շնորհակալական խոսքի մասին:
Այլ կերպ՝ Բան Գի Մունի արարքը չդատապարտվեց: Եթե որեւէ արարք չի դատապարտվում, ապա ինքնաբերաբար խրախուսվում է: Մնում է սպասել, թե այդ խրախուսանքով քաջալերված ՄԱԿ-ի գլխավոր քարտուղար Բան Գի Մունը հաջորդ անգամ ո՞ր ելույթում եւ ինչպիսի՞ ողջամտությամբ կշրջանցի Հայոց ցեղասպանության փաստը: Չէ՞ որ նա արդեն հայկական խրախուսանքը թուրքականի հետ համադրելու լայն հնարավորություն է ստացել:
- ՀԱԿՈԲ ՉԱՔՐՅԱՆ
- Հստակ գործողություններ ի պատասխան Էրդողանի վայրեհաչոցներին:
- Սերժ Սարգսյանի ընտանեկան կլանը պետք է կանգնի արդարադատության առջև
- Բոլոր դեպքերում, Հայաստանը այսօրվան հասցնողները պատասխանատվության են ենթարկվելու:
- Տարեմուտի խոսք ԵՀՄՖ նախագահ Պարոն Աշոտ Գրիգորյանին
- ՀԱՅԱՍՏԱՆ, ԺՈՂՈՎՐԴԱՎԱՐՈՒԹԻՒՆ, ԱՄԵՐԻԿԱ, ՌՈՒՍԱՍՏԱՆ… Կամ Հայ քաղաքական մտքի մերօրեայ դեգերումները
- ԳԱՐԵԳԻՆ ՆԺԴԵՀԻ ՑԵՂԱԿՐՈՆՈՒԹԻՒՆԸ ԵՎ ԴԱՇՆԱԿՑՈՒԹԻՒՆԸ
- ՆԵՐԿԱՅԻՍ ՀԱՅՈՒԹԵԱՆ ՄԻ ՄԱՍԻ ՍԻՆ ՅՈՅՍԵՐԸ, ՀԱՅՈՒԹԵԱՆ ՀՈԳԵՄՏԱՒՈՐ ԾՈՒԼՈՒԹԻՒՆԸ ԿԱՄ ԱՒԱՐԱՅՐԻ ԱՆՊԱՏԱՍԽԱՆԱՏՈՒ ՈԳԻ՞Ն…
- Ստրկամտությունն ու վախը ծնում են ստորություն
- Տաս տարի առաջ բայց կարծես այսօր
- «Նոր մետաքսե ուղու» համաշխարհային համագումարը՝ կրկին առանց Հայաստանի
- Հայաստանով անցնող նոր «մետաքսե ուղին» պաշտոնապես գրանցվեց Չինաստանի միջազգային համագումարում
- ԵՀՄՖ-ի նախագահության կոչը արտերկրի հայկական կազմակերպություններին, գործարարներին և գործիչներին
- Խալիֆաթ:Մաս 2
- Խալիֆաթ:
- Կեղծիքի և ստի հարուրամյա թավուտներում:Մաս 3
- Կեղծիքի և ստի հարուրամյա թավուտներում:Մաս 2
- Կեղծիքի և ստի հարյուրամյա թավուտներում:Մաս 1
- Մի բլոկնոտի Քարտեզի հետքերով:դեպի 1919 թվական :
- Արցախը կարող է դառնալ հայկական Շվեյցարիա. ուսումնասիրություններ
- ԱՊՐԻԼ 2 … ՀԱՂԹԱՆԱ՞Կ..
- ՎԱՃԱՌՎԵ՞Լ, ԹԵ՞ ՉՎԱՃԱՌՎԵԼ ..
- ԵՐԵԽԱՆԵՐԸ ՄԵՐ ԿՅԱՆՔԻ ԻՄԱՍՏՆ ԵՆ.
- ԱԲԻԿ ԳԱՆՏԻԼԵԱՆ
- ԿԱՆԹԵՂԻՆ Խօսքը Հիմնադրութեան երրորդ ամեակին առթիւ
- « ՃԱՆԱՉԵԼ ԶԻՄԱՍՏՈՒԹԻՒՆ ԵՒ ԶԽՐԱՏ, ԻՄԱՆԱԼ ԶԲԱՆՆ ՀԱՆՃԱՐՈՅ»
- Այսօր Հայաստանում տիպիկ աֆրիկյան բռնապետություն է:Հարցազրույց Եվրոպայի հայկական միությունների ֆորումի փոխնախագահ, ՀՌԱԿ նախկին ատենապետ Հարություն Առաքելյանի հետ
- Եվրոպայի հայկական միությունների ֆորումի նախագահություն արձագանքում է հայկական NEWSPRESS բաց նամակին
- ՆԵՐԱՌԱԿԱՆ ԿՐԹՈՒԹՅՈՒՆ:ՍՈՖՅԱ ԱՐԶՈՅԱՆ
- ԵՎ ԱՇԽԱՐՀԸ ԿԼՍԻ ՊՈԵՏՆԵՐԻ ՁԱՅՆԸ
- Преступный беспредел Комитета по науке
- 7 декабря 1988 года
- Ինչու է «պիսար» Վիգեն Սարգսյանը առաջ տանում «1000 դրամի» ծրագիրը
- Ո՞ւմ է պատկանում իշխանությունը:իշխանության պարադիգման