ՀԵՌՈՒՍՏԱԾՐԱԳՐԵՐ - Wednesday, April 13, 2011 10:57 - 0 Comments

ՄԵՂԱՎՈ՞ՐԸ ժԱՄԱՑՈՒՅՑՆ ԷՐ: Ի գիտություն Հայաստանի գյուղացիներին. «Այսուհետ ապրիլ ամսվա գիշերային ժամերը կհաշվարկվեն նորովի՝ գիշերվա 12:00-ին կհաջորդի 13:00, հետո 14:00, 15:00 և այդպես շարունակ: Ապրիլի 14-ին, գիշերվա 15:00-ին կսկսվի ցրտահարություն»… հաղորդում է ՇԱՆԹ հեռուստատեսությունը:

Հիդրոօդերևութաբանության և մոնիթորինգի պետական ծառայությունից հաղորդում են, որ ապրիլի 13-ի գիշերն ամենուրեք դիտվել են տեղումներ և ամպրոպ, լեռնային և նախալեռնային շրջաններում՝ ձյուն, քամու ուժգնացում 20-25 մ/վրկ: Ապրիլի 14-ի գիշերը Արարատյան դաշտում և նախալեռնային գոտիներում ցրտահարության տևողությունը կկազմի 3 ժամ և կսկսվի ժամը 15.00-ից:

Այս գիշեր սպասվող ցրտահարությունից խուսափելու համար անհրաժեշտ է իրականացնել նախապատրաստական աշխատանքներ: Ինչպես այսօր գյուղատնտեսության նախարարությունում լրագրողների հետ հանդիպման ժամանակ նշել է Հայաստանի ագրարային համալսարանի ագրոնոմիական ֆակուլտետի դեկան Գագիկ Սանթրոսյանը, պետք է այգիները ծխեցնել: Նրա խոսքով՝ շատ հաճախ գյուղացիները պարզապես այրվող նյութեր են կիրառում, որը ճիշտ չէ: Մասնագետները խորհուրդ են տալիս օգտագործել այնպիսի նյութեր, որոնք ծուխ են արձակում: Օդերևութաբանների կանխատեսումներով՝ ապրիլի 15-ից եղանակը կտրուկ տաքանալու է: