define('DISALLOW_FILE_EDIT', true);
define('DISALLOW_FILE_MODS', true);<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	
	>
<channel>
	<title>
	Comments on: Կարգալույծ արված հոգեւորականը բացահայտումներ է արել	</title>
	<atom:link href="https://www.louysworld.com/2014/05/02/%D5%AF%D5%A1%D6%80%D5%A3%D5%A1%D5%AC%D5%B8%D6%82%D5%B5%D5%AE-%D5%A1%D6%80%D5%BE%D5%A1%D5%AE-%D5%B0%D5%B8%D5%A3%D5%A5%D6%82%D5%B8%D6%80%D5%A1%D5%AF%D5%A1%D5%B6%D5%A8-%D5%A2%D5%A1%D6%81%D5%A1%D5%B0/feed/" rel="self" type="application/rss+xml" />
	<link>https://www.louysworld.com/2014/05/02/%d5%af%d5%a1%d6%80%d5%a3%d5%a1%d5%ac%d5%b8%d6%82%d5%b5%d5%ae-%d5%a1%d6%80%d5%be%d5%a1%d5%ae-%d5%b0%d5%b8%d5%a3%d5%a5%d6%82%d5%b8%d6%80%d5%a1%d5%af%d5%a1%d5%b6%d5%a8-%d5%a2%d5%a1%d6%81%d5%a1%d5%b0/</link>
	<description></description>
	<lastBuildDate>Mon, 05 May 2014 19:25:19 +0000</lastBuildDate>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	<generator>https://wordpress.org/?v=6.9.4</generator>
	<item>
		<title>
		By: ԿԱԹՈՂԻԿՈՍԻՑ ՔՇՎԱԾՆԵՐԸ		</title>
		<link>https://www.louysworld.com/2014/05/02/%d5%af%d5%a1%d6%80%d5%a3%d5%a1%d5%ac%d5%b8%d6%82%d5%b5%d5%ae-%d5%a1%d6%80%d5%be%d5%a1%d5%ae-%d5%b0%d5%b8%d5%a3%d5%a5%d6%82%d5%b8%d6%80%d5%a1%d5%af%d5%a1%d5%b6%d5%a8-%d5%a2%d5%a1%d6%81%d5%a1%d5%b0/#comment-29450</link>

		<dc:creator><![CDATA[ԿԱԹՈՂԻԿՈՍԻՑ ՔՇՎԱԾՆԵՐԸ]]></dc:creator>
		<pubDate>Mon, 05 May 2014 19:25:19 +0000</pubDate>
		<guid isPermaLink="false">http://www.louysworld.com/?p=26614#comment-29450</guid>

					<description><![CDATA[ԿԱԹՈՂԻԿՈՍԻՑ ՔՇՎԱԾՆԵՐԸ

Վերջին շրջանում քննարկվող քաղաքական-հասարակական թեմաների հիթ շքերթը շարունակում է գլխավորել կաթողիկոս Գարեգին Բ-ն: Ազգային ժողովի վերջին նստաշրջանի կուլիսային բոլոր խոսակցությունները լրագրողների եւ պատգամավորների միջեւ շոշափում էին նաեւ Գարեգին Բ-ի գործունեության որոշ դրվագներ: Նույնիսկ պատգամավորներից շատերը չէին թաքցնում, որ այն, ինչ գրվում է մամուլում, արտացոլում է իրականությունը, բայց իրենք դրա մասին չեն կարող բարձրաձայնել, քանի որ քաղաքական պատեհապաշտությունը իրենց այլ բան է թելադրում:

Պատգամավորների պատմություններին` կապված կաթողիկոսի հետ, կանդրադառնանք առաջիկայում: Փոխարենն ավելացնենք, որ օրերս խմբագրություն էր այցելել Էջմիածնին շատ մոտ կանգնած մի անձնավորություն, ով պատմեց այն ամենը, ինչ մտահոգում է իրեն` որպես եկեղեցու նվիրյալի եւ պարզապես հայ մարդու: Անձնավորությունն առայժմ չցանկացավ ներկայանալ, բայց դեմ չեղավ, որպեսզի մենք ձայնագրենք իրեն: Ստորեւ ներկայացվող փաստերը տրամադրել է այդ աղբյուրը, եւ մենք կաշխատենք դրանք ներկայացնել առանց սեփական մեկնաբանությունների: Եվ այսպես:

Մոտ երկու տարի առաջ կաթողիկոսից վիրավորված եւ զզված (որակումները քաղաքացունն են) Էջմիածնից հեռացել եւ այժմ Ստամբուլում է բնակվում Ծայրագոյն վարդապետ Հայր Վազգեն Նանյանը: Վերջինս եղել է Ամենայն Հայոց Գարեգին Բ կաթողիկոսի գավազանակիրը, որից հետո զբաղեցրել է Մայր Աթոռ սուրբ Էջմիածնի ճեմարանի գլխավոր տեսուչի պաշտոնը: (Տեսուչի պաշտոնը համազոր է ռեկտորի պաշտոնին): Բայց ահա երկու տարի առաջ Հայր Վազգեն Նանյանը, թողնելով ճեմարանը, հայտնվել է Ստամբուլում, որտեղ էլ մինչեւ օրս ապրում է իր տիկնոջ հետ: Նա իր մտերիմ շրջանակների մոտ բազմիցս հայտարարել է, որ այսօրվա կաթողիկոսին եւ Մայր Աթոռ Էջմիածնին հոգեւորականներ պետք չեն: Քաղաքացու պնդմամբ` մինչեւ օրս նա եկեղեցու հետ ընդհանրապես կապ չի պաշտպանում, ավելին` հայտարարել է, որ քանի դեռ այս կաթողիկոսն է «պաշտոնավարում», ինքը չի վերադառնա Հայաստան:

Թե ի՞նչ է տեղի ունեցել Վեհափառի եւ հոգեւորականի միջեւ, եւ ինչի արդյունքում է նա հեռացել եկեղեցուց, մեր աղբյուրը միայն ասաց, որ Հայր Նանյանն իր շրջապատում չի ցանկանում առանձնապես մեկնաբանել սեփական քայլը, միայն բարձրաձայնում է, որ այդ միջավայրում եւ նման կաթողիկոսի հետ աշխատելն այլեւս անհնար էր: Եվ բացի այս, դեռ երկու տարի առաջ Ստամբուլում մի հավաքի ժամանակ Նանյանը հայտարարել է, որ դեռ պիտի տեսնեք, թե ինչեր են կատարվելու ապագայում: Խմբագրություն այցելած քաղաքացին պատմեց նաեւ, որ Ստամբուլում հայկական եկեղեցի կա, եւ Հայր Նանյանին հրավիրել են այնտեղ, սակայն հոգեւորականի վիրավորանքն այնքան մեծ է եղել, որ վերջինս արձագանքելով այդ առաջարկին` ասել է, որ նման ցանկություն չունի: «Չի կարելի ենթադրել, որ բարձր կրթությամբ եւ ազնվագույն համբավ ունեցող այդ բարձրաստիճան հոգեւորականը անհիմն պատճառներով վեր է կացել, հրաժարվել եկեղեցուց եւ հեռացել իր հայրենիքից». եզրակացնում է եկեղեցուն մոտ կանգնած այդ մարդը:

Այնուհետեւ վերջինս պատմեց Գերմանիայում գտնվող Հայր Գարեգինի մասին, որը նորից կարգալույծ է արվել Գարեգին Բ-ի կողմից: Ըստ քաղաքացու` Հայր Գարեգինը օժտված է այնպիսի գիտելիքներով, որ նրան պատրաստի գիտնական կարելի է համարել: Պատմածի համաձայն` Վեհափառը նրան կանչել է էջմիածին ծառայության, սակայն Հայր Գարեգինը պատասխանել է, որ մեկ քննություն դեռեւս ունի, եւ Էջմիածին կգա այն հանձնելուն պես: Կաթողիկոսը երկար չի սպասել եւ որոշել է իրեն հակաճառելու համար կարգալույծ անել: «Զինվորական համակարգ է` գեներալին չենթարկվելու համար «ռազժալովատ» են անում, թե իմ հրամանն ինչո՞ւ չես կատարել: Նման հոգեւորականների կորստով ո՞ւր պետք է հասնի հայոց եկեղեցին». հարցադրում արեց քաղաքացին: Ապա շարունակելով բերեց ավելի թարմ օրինակ: Վերջերս կարգալույծ արվեց Հայր Ղուկաս Ծայրագոյն վարդապետը, ով ազնվագույն հոգեւորական էր եւ մեծ հարգանք էր վայելում Մայր աթոռում: Քաղաքացին վրդովված էր, թե ինչո՞ւ բոլոր հեռուստաընկերությունների եթերով հնչում է, որ կարգալույծ են արվել այս եւ այլ հոգեւորականներ, բայց չի նշվում, թե ինչի՞ համար են նրանց զրկել հոգեւորականի կոչումից:

Այս օրերին կարգալույծ է արվել նաեւ քահանա Գլճյանը (Տեր Տիրայրի եղբայրը)` եւս հակաճառելու համար: «Ասեք թող իմանան, թե ի՞նչ պատճառներով են կարգալույծ արվել. մեր եկեղեցու ամբողջ պատմության մեջ այնքան հոգեւորական կարգալույծ չի արվել, ինչքան Գարեգին Բ-ի օրոք»: Ի դեպ` նա նաեւ նկատեց. «Վեհափառը մշտապես մասնակցում է Ազգային անվտանգության ծառայությանն ու ՀՀ ոստիկանությանը առնչվող տոնական արարողություններին: Դուք ուշադիր եղեք, եւ հեռուստատեսությամբ կտեսնեք, որ այդ մարդը հատուկ սեր ունի այդ կառույցների նկատմամբ: Մարդը, փաստորեն, բանուգործ չունի, ավելի ճիշտ` նա բացի հոգեւոր կյանքից, զբաղվում է ամեն ինչով»:

Նա հիշեցրեց նաեւ արքեպիսկոպոս Անանիա Սրբազան Արաբաջյանին, ով ներկայիս կաթողիկոսի հետ նույն կուրսում է սովորել եւ պատկանում է նույն սերնդի հոգեւորականների շարքին: Սրբազանը դարձյալ կարգալույծ է արվել, եւ այսօր աշխատում է Նյու Յորքի խանութներից մեկում: «Հայ առաքելական եկեղեցու սրբազանների եւ վարդապետների կարգավիճակի մասին ո՞վ պետք է մտածի»:

Քաղաքացու վերոնշյալ բոլոր հարցադրումներն, իսկապես մտահոգիչ են, եւ մենք ժամանակ առ ժամանակ փորձել ենք անդրադառնալ այս խնդիրներին: Եվ փոխանակ Էջմիածինն ու «իշխանամետ» հոգեւորականները փորձեն հիմնավոր պատասխաններ հնչեցնել եւ փարատել մարդկանց հոգիներում բույն դրած կասկածը, ճիշտ հակառակն են անում` միաբերան բարձրաձայնելով, որ կաթողիկոսի դեմ խոսողները մեղսագործներ եւ նենգ չարամիտներ են, ովքեր հարված են հասցնում Հայոց առաքելական եկեղեցուն: Սա հորինված եւ կեղծ մոտեցում է, եւ այդպիսի բան պնդողներն իրենք էլ գիտակցում են, որ ստի ու կեղծիքի հետեւում թաքնվելն այս պարագայում ավելի հարմար է, քան դառը ճշմարտության կողքին կանգնելը: Հասարակությունը հոգնել է ստից ու կեղծիքից, եւ ժամանակն է, որ դրա հետ հաշվի նստեն շարքային չինովնիկից մինչեւ Հայոց Վեհափառ Հայրապետ:

ԳՈՀԱՐ ՎԵԶԻՐՅԱՆ 

Աղբյուրը՝   «ՉԻ»   No 747 (ինտերնետային No 907) Մայիսի 2 2008 թ.]]></description>
			<content:encoded><![CDATA[