define('DISALLOW_FILE_EDIT', true);
define('DISALLOW_FILE_MODS', true);<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	
	>
<channel>
	<title>
	Comments on: Համշենահայերենի հմայքը	</title>
	<atom:link href="https://www.louysworld.com/2013/09/26/%D5%B0%D5%A1%D5%B4%D5%B7%D5%A5%D5%B6%D5%A1%D5%B0%D5%A1%D5%B5%D5%A5%D6%80%D5%A5%D5%B6%D5%AB-%D5%B0%D5%B4%D5%A1%D5%B5%D6%84%D5%A8/feed/" rel="self" type="application/rss+xml" />
	<link>https://www.louysworld.com/2013/09/26/%d5%b0%d5%a1%d5%b4%d5%b7%d5%a5%d5%b6%d5%a1%d5%b0%d5%a1%d5%b5%d5%a5%d6%80%d5%a5%d5%b6%d5%ab-%d5%b0%d5%b4%d5%a1%d5%b5%d6%84%d5%a8/</link>
	<description></description>
	<lastBuildDate>Fri, 27 Sep 2013 22:02:16 +0000</lastBuildDate>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	<generator>https://wordpress.org/?v=6.9.4</generator>
	<item>
		<title>
		By: С.С.		</title>
		<link>https://www.louysworld.com/2013/09/26/%d5%b0%d5%a1%d5%b4%d5%b7%d5%a5%d5%b6%d5%a1%d5%b0%d5%a1%d5%b5%d5%a5%d6%80%d5%a5%d5%b6%d5%ab-%d5%b0%d5%b4%d5%a1%d5%b5%d6%84%d5%a8/#comment-28185</link>

		<dc:creator><![CDATA[С.С.]]></dc:creator>
		<pubDate>Fri, 27 Sep 2013 22:02:16 +0000</pubDate>
		<guid isPermaLink="false">http://www.louysworld.com/?p=25366#comment-28185</guid>

					<description><![CDATA[Հրեշտակի արտաքինով հրեշը․ Ով է իրականում Արմեն Սարգսյանը                           Նյութը պատրաստ էր հրապարակման, երբ հայտնի դարձավ, որ Արմեն Սարգսյանը երրորդ անգամ դեսպան է նշանակվել Մեծ Բրիտանիայի և Հյուսիսային Իռլանդիայի Միացյալ Թագավորությունում: Դիվանագիտական պրակտիկայում գրեթե աննախադեպ երևույթ է, որ նույն անձնավորությունը նույն երկրում երրորդ անգամ դեսպան է նշանակվում: Սա գրեթե ռեկորդային ցուցանիշ է, որը կարող է հավանաբար միայն Հայաստանում կատարվել: Ինչևէ:

«Առաջին լրատվական»-ի տրամադրության տակ է հայտնվել Անգլիայում Հայաստանի նախկին ու արդեն նորանշանակ դեսպան Արմեն Սարգսյանի քաղաքական ու բիզնես գործունեությանը, այդ ոլորտներում ունեցած նրա կապերին վերաբերող ուշագրավ տեղեկություններ, որոնք ամփոփված են մի շարք երկրների գաղտնի ծառայությունների պատրաստած ամփոփագիր-զեկույցում:

Եվ այսպես, ով է Արմեն Սարգսյանը: Հայտնի է, որ նա 1992 թվականից զբաղեցրել է եվրոպական տարբեր երկրներում և միջազգային կառույցներում դիվանագիտական պաշտոններ:

«1996թ. նոյեմբերին նախագահ Լևոն Տեր-Պետրոսյանը նրան նշանակում է վարչապետ: Այդ ժամանակ նախագահը մտածում էր «դրսից տղա» բերելու մասին, որը ներքաշված չէր լինի  ներքաղաքական ինտրիգների մեջ: Բայց Ա.Սարգսյանը չի պահում նախնական պայմանավորվածությունները և 1997թ. փետրվարին պաշտոնանկ է արվում»,-  նշված է գրության մեջ, բայց չի նշված, թե խոսքն ինչ պայմանավորվածությունների է վերաբերում:

Այնուհետև նշվում է, որ վարչապետ աշխատելու 3 ամիսներին Ա.Սարգսյանն իր համար մեծ PR-կամպանիա է կազմակերպում: Իսկ հետո լուրեր էին շրջանառվում, որ նա պաշտոնանկ է արվել տեղական կլաններին դեմ դուրս գալու և ծանր հիվանդության պատճառով: Նշվում է, որ Ա.Սարգսյանը ցանկանում էր կարճ ժամանակով վարչապետ լինել միայն այն բանի համար, որ հետո իրեն կոչեն «նախկին վարչապետ»: Նրան այդ պաշտոնում հաջորդող` ԼՂ նախագահ Ռոբերտ Քոչարյանը նույնպես «դրսից տղա» էր: Իսկ պաշտոնանկությունից հետո Արմեն Սարգսյանը կրկին վերադառնում է Անգլիա` ՀՀ դեսպանի պաշտոնին:

Ի դեպ, զեկույցը բաժանված է հատվածների, որոնք վերնագրված են: Հաջորդ`«Ա.Սարգսյանը և Վաչե Մանուկյանը» հատվածում արդեն պատմվում է, որ անգլիահայ մուլտիմիլիոնատեր Վաչե Մանուկյանը մեծ դեր է խաղացել Ա.Սարգսյանի քաղաքական և բիզնես գործունեության մեջ և նրա նկատմամբ մեծ համակրանք է ունեցել: Լոնդոնում ՀՀ դեսպանատան ողջ ծախսերը ՀՀ արտգործնախարարության անունից առանց որևէ վերահսկողության հատկացրել է Վ.Մանուկյանը: «Հավանաբար այդ գումարներն էլ դառնում են Ա.Սարգսյանի նախնական կապիտալը, որը նա հետագայում բազմապատկում է իր բիզնես գործարքների միջոցով: Վ.Մանուկյանը Հայաստան է բերում այնպիսի համաշխարհային բրենդներ, ինչպիսիք են Coca-Cola-ն և HSBS բանկը: Նա նաև ՀՀ-ում սկսում է կառուցել դեղագործական գործարան GlaxoSmithKline-ի հովանու ներքո: Իսկ Ա.Սարգսյանը միշտ մասնակցություն է ունեցել նրա բիզնես ծրագրերում: Բայց 2000-2001 թթ. Վ.Մանուկյանի հարաբերությունները վատանում են ՀՀ կառավարության և Ռ.Քոչարյանի հետ, ու նա վաճառում է Coca-Cola-ում և HSBS բանկում ունեցած բաժնեմասերն ու իր ակտիվները հանում է Հայաստանից: Այդ ընթացքում Ա.Սարգսյանը ներգրավված է լինում տարբեր բիզնեսներում, և Վ.Մանուկյանը նրան ներկայացնում է Անգլիայի վերնախավին»,- նշված է զեկույցում:

Այնուհետև ինչ-որ Ասատուր Գուզելյան-ի (Assadur Guzelian) մասին է խոսվում, որը չի համարվում անկախ դեմք, և որը համարվում է Ա.Սարգսյանի օգնականը և գործակալը: Նաև ասվում է, որ նախորդ զեկույցում ներկայացված են Ա.Գուզելյանի ունեցած կապերը խորհրդային, հետո` ռուսական գաղտնի ծառայությունների հետ` այդպիսով կարծես թե ակնարկելով, թե այդ նույն կապերն ունի նաև Ա.Սարգսյանը:

«Networking» բաժնում նշվում է, որ Ա.Սարգսյանի քաղաքական և բիզնես հաջողությունները ցանցեր ստեղծելն է: Իր դեսպանության տարիներին Վ.Մանուկյանի օգնությամբ ծանոթանում է հայկական սփյուռքի այնպիսի ներկայացուցիչների հետ, ինչպիսիք են ամերիկացի մուլտիմիլիարդատեր Քըրք Քըրքորյանը, Լուիս Սիմոն Մանուկյանը, Կիլիկիայի կաթողիկոս Գարեգին Առաջինը, որը հետո դառնում է Ամենայն հայոց կաթողիկոս, ծանոթանում է նաև հայկական կուսակցությունների և լոբբիստական խմբերի ղեկավարների հետ: Վ.Մանուկյանի միջոցով ծանոթանում և դառնում է անգլիական քաղաքական վերնախավի ներկայացուցիչների, ինչպես նաև Եղիսաբեթ Երկրորդ թագուհու և արքայազն Չարլզի ընկերը: Ծանոթանում է նաև հետխորհրդային երկրներում հայտնի առաջնորդներ Յուլիա Տիմոշենկոյի, Նուրսուլթան Նազարբաևի, Անատոլի Չուբայսի և այլոց հետ:

Նշվում է, որ վարչապետության մի քանի ամիսներին նա հնարավորություն է ունենում տարբեր ակտիվներ ձեռք բերել: Հետո թվարկվում է նրա ունեցած կապերը այնպիսի ընկերությունների հետ, ինչպիսիք են «Բրիթիշ պետրլիումը», «Ալկատելը» և այլն:

Բավականին հետաքրքիր կերպով ներկայացվում է, որ Արմեն Սարգսյանը «Վաչե Մանուկյան» հիմնադրամի և այլ բարեգործական ընկերությունների միջոցով բազմաթիվ հայ երիտասարդների համար Անգլիայի և ԱՄՆ առաջատար բուհերում սովորելու հնարավորություն է ստեղծում: Սակայն հետո այդ երիտասարդներին միավորում է իր ստեղծած տարբեր ցանցային միավորումների մեջ, որոնք հետո գործակալական ցանցի նման պետք է աշխատեն իր համար: Հետաքրքիր է, որ զեկույցում նշվում է, որ այդ երիտասարդների ներգրավմամբ նրա ստեղծած British Alumni Association կազմակերպությունը հիմք է դառնում Հայաստանում ՄԻԱԿ կուսակցության համար: «2008թ. նախագահական ընտրություններին ՄԻԱԿ-ականները համարվում էին ամբիցիոզ և առանց բարոյական սահմանների երիտասարդներ, որոնց կոչում էին «Hitleryugend»: Այս կուսակցությունը պաշտպանում էր Սերժ Սարգսյանին, որն իշխանության է եկել կեղծված ընտրությունների միջոցով, և որն ուներ հասարակական շատ վատ ընկալում»,- նշված է զեկույցում:

«2010թ. փետրվարյան այցելությունը Մեծ Բրիտանիա»

«Քաղաքական վերջին զարգացումներից հետո (հավանաբար նկատի ունի 2008թ. ընտրություններն ու հետընտրական զարգացումները.- թարգմանիչ) Ա.Սարգսյանը կազմակերպում է ՀՀ բարձրաստիճան պատվիրակության` Սերժ Սարգսյանի, Գարեգին Երկրորդ կաթողիկոսի, Էդվարդ Նալբանդյանի, Գագիկ Բեգլարյանի այլ պաշտոնյաների մասնավոր այցը Լոնդոն (ընթերցողները կհիշեն այդ հայտնի այցը.- թարգմանիչ): Պատվիրակությունն այնտեղ հանդիպում է Եղիսաբեթ Երկրորդ թագուհու, արքայազն Չարլզի, Անգլիայի արտգործնախարար Դեյվիդ Միլիբենդի հետ: Ս.Սարգսյանը ելույթ է ունենում Չաթըմ Հաուզում: Այդ այցը կազմակերպվել էր՝ աջակցելու Ս.Սարգսյանին, որն այդ ընթացքում գտնվում էր միջազգային մեկուսացման մեջ և հայ-թուրքական հարցն ու Ղարաբաղի հակամարտությունը լուծելու ճնշման տակ: Ու թեև այցը մասնավոր էր, քաղաքական վերնախավի հետ հանդիպումները հնարավորություն էին տվել այն ներկայացնել որպես պաշտոնական այց: Եվ դա մեծ PR էր Ս.Սարգսյանի համար»,- նշված է այս հատվածում:

Զեկույցի եզրափակիչ մասում նշված է, որ 2010թ. գարնանը նախկին նախագահ Ռ.Քոչարյանը ակնարկ է անում քաղաքականություն վերադառնալու և վարչապետ նշանակվելու մասին: Եվ այդ ժամանակ էլ հայկական մամուլում սկսում են շրջանառվել լուրեր, որ վարչապետի ամենահավանական թեկնածուն Ա.Սարգսյանն է:

«Դժվար է ասել, թե Ա.Սարգսյանը ցանկանո՞ւմ է վերադառնալ Հայաստանի քաղաքականություն, բայց մենք ավելի շատ հակված ենք ասելու՝ ԱՅՈ, քան՝ ՈՉ»,- այսպես է ավարտվում զեկույցը, որի բովանդակությունից կարելի է եզրակացնել, որ այն պատրաստվել է մեկ-երկու տարի առաջ:
http://www.1in.am/arm/armenia_politics_217768.html]]></description>
			<content:encoded><![CDATA[