define('DISALLOW_FILE_EDIT', true);
define('DISALLOW_FILE_MODS', true);<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	
	>
<channel>
	<title>
	Comments on: Մոսկվայում կնքված զինադադարի պայմանագիրը տապալված փաստաթուղթ է. Կոմանդոս	</title>
	<atom:link href="https://www.louysworld.com/2012/05/12/%D5%B4%D5%B8%D5%BD%D5%AF%D5%BE%D5%A1%D5%B5%D5%B8%D6%82%D5%B4-%D5%AF%D5%B6%D6%84%D5%BE%D5%A1%D5%AE-%D5%A6%D5%AB%D5%B6%D5%A1%D5%A4%D5%A1%D5%A4%D5%A1%D6%80%D5%AB-%D5%BA%D5%A1%D5%B5%D5%B4%D5%A1%D5%B6/feed/" rel="self" type="application/rss+xml" />
	<link>https://www.louysworld.com/2012/05/12/%d5%b4%d5%b8%d5%bd%d5%af%d5%be%d5%a1%d5%b5%d5%b8%d6%82%d5%b4-%d5%af%d5%b6%d6%84%d5%be%d5%a1%d5%ae-%d5%a6%d5%ab%d5%b6%d5%a1%d5%a4%d5%a1%d5%a4%d5%a1%d6%80%d5%ab-%d5%ba%d5%a1%d5%b5%d5%b4%d5%a1%d5%b6/</link>
	<description></description>
	<lastBuildDate>Thu, 17 May 2012 04:26:39 +0000</lastBuildDate>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	<generator>https://wordpress.org/?v=6.9.4</generator>
	<item>
		<title>
		By: HAKOB M.		</title>
		<link>https://www.louysworld.com/2012/05/12/%d5%b4%d5%b8%d5%bd%d5%af%d5%be%d5%a1%d5%b5%d5%b8%d6%82%d5%b4-%d5%af%d5%b6%d6%84%d5%be%d5%a1%d5%ae-%d5%a6%d5%ab%d5%b6%d5%a1%d5%a4%d5%a1%d5%a4%d5%a1%d6%80%d5%ab-%d5%ba%d5%a1%d5%b5%d5%b4%d5%a1%d5%b6/#comment-20069</link>

		<dc:creator><![CDATA[HAKOB M.]]></dc:creator>
		<pubDate>Thu, 17 May 2012 04:26:39 +0000</pubDate>
		<guid isPermaLink="false">http://www.louysworld.com/?p=18005#comment-20069</guid>

					<description><![CDATA[ԱՐԵՎԵԼՅԱՆ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
«Ներկա Հայաստանը կազմում է հազիվ 1/12-ը մեր պատմական հայրենիքի: Դա հայրենիք չէ, այլ` հայրենի անկյուն: Այժմյան իր սահմաններում նա չի կարող տեղ տալ ի սփյուռս աշխարհի ցաք ու ցրիվ եղած հայրենազուրկ հայությանը»: ՆԺԴԵՀ (գրվ. 1929թ. և խոսքը Խորհրդային Հայաստանի մոտ 29000 քառ կմ-ի մասին է,- Ն.Ն.)

 Ընդհանրապես, կարծիքն արտացոլելով արտահայտողի գիտակցական մակարդակը, որքան հիմնավորվում է գիտելիքով` այնքան որակապես ավելի բարձր է: Այդու հասարակական յուրաքանչյուր կարծիք չէ, որ ազգանպաստության առումով գոյության իրավունք ունի:
Տվյալ դեպքում հայ հասարակայնության մեջ «Հայաստանի Հանրապետությունը համայն հայության հայրենիքն է» կարծիքը ձեռք է բերվել մեր շրջապատի նեղմիտ մտավորականության և թուլամիտ քաղաքական վերլուծաբանների ջանքերով` հայ ժողովրդի հակառակորդ քաղաքական ուժերի «օգնությամբ»: Առաջին հայացքից այն չունի հայրենասիրությունը մեր միջից վերացնելու միտում, բայց թուլացնելու հետևանք թողում է: Հարց է առաջանում, արդյո՞ք ՀՀ շարքային քաղաքացիները քաջատեղյակ են հայ ժողովրդի պատմությանը, նրա իղձերին, նպատակներին: Պատասխանը մասամբ բացասական է: Թեև քաղաքական կուսակցությունները ունեն քաղաքականության խնդիրների վերլուծաբանական և տեղակատվական մեծ հնարավորություններ, այնուամենայնիվ, հայկական հարցի վերաբերյալ ժողովրդին նրանց տված բացատրական աշխատանքները ռազմավարական նկատառումներով ենթակա են վերանայման: Քանի որ հայկական հարցը լուրջ է, խորքային և հիմնարար, ապա ժողովրդին պետք է արիություն հաղորդել, որպեսզի փոխվեն նրա մակերեսային մոտեցումները: Իսկ ազգայնականի մոտեցումներն այնպիսին են, որ Հայրենիքը հարկ է սիրել անվերապահ չափանիշներով, որպեսզի դյուրությամբ հնարավոր լինի հրաժարվելու այն ամենից, ինչը վնասում է հայրենիքին: Թուրքիայից հողային պահանջներ չունենալու վերաբերյալ հայից լսվող հայտարարությունները, մեզ օգուտ չեն կարող բերել: Ներկա հանրապետական Թուրքիան ներկա հանրապետական Հայաստաանի հետ դիվանագիտական հարաբերություններ չունի` հիմնականում հայերի հողային պահանջների լուծված չլինելու պատճառով: Հայոց Ցեղասպանության վերջնական ճանաչման գործընթացի ավարտմանը ի վերջո հետևելու են Թուրքիայից տարածքային պահանջները, անկախ դրա մասին ՀՀ որևէ պաշտոնյայի արտահայտած կարծիքների, կամ նույնիսկ Թուրքիային ԱՄՆ նախագահի տված երաշխիքի: Հրապարակայնորեն կորուսյալ հայրենիքի գաղափարից հրաժարումը կարող է վնաս տալ միայն մեզ` և՛ ի սփյուռս փռված, և՛ հայրենի այս անկյունում դեգերած հայերիս:
Սա այն մերկ ճշմարտությունն է, որ «դիվանագիտական խաղ» կոչվածին ենթակա չէ:
 Հայրենասիրությունը պահանջում է հանուն այս ճշմարտության հրաժարվել տգիտությունից, որը, ինչպես ընդգծում է Նժդեհը «հայրենասիրության անհաշտ թշնամին է»: Գաղափարախոսական դաշտում ազգային վերածննդի ընթացքը թափ է առել, և հատկապես հայ մտավորականությունը, որի աշխարհընկալման վրա արդեն ազդեցություն ունի նաև հայ ազգայնականը, պարտավոր է ստանձնել մտավորականի իր կոչումն ընդհուպ, եթե հայրենասիրության պահպանման համար նրանից անձնական զոհաբերություն պահանջվի:
Հանուն հայրենիքի գաղափարի շուրջ ազգային բոլոր ազդու ուժերն էլ զորու են միավորելու իրենց վերկուսակցական և՛ մտավոր, և՛ նյութական, և՛ իրավագիտական, և՛ հոգևոր ունեցվածքները, իսկ մտավորականությունը պետք է կրի աներեր առաջնորդի պարտավորությունը:
Պայմանները բարենպաստ են, քանի որ կան հանգամանքներ, որոնցից պետք է ուղակի օգտվել.
ա) հայրենի հողի մեծագույն մասի` հայրենիքի արևմտյան տարածքների թուրքերի տիրապետության տակ լինելը դեռևս ջնջված չի հայերի մեծամասնության մտքից.
բ) արդեն գոյություն ունի հայկական կորուսյալ տարածքի վերատիրման նախադեպ` ԼՂՀ-ն, որն ի վերջո պետք է միավորվի ՀՀ-ին.
գ) վերջին ժամանակները աշխարհի շատ երկրներ ճանաչել են հայերի հանդեպ կատարված ցեղասպանության փաստը և պաշտոնական ճանաչումը մյուս երկրներում շարունակվում է, ինչին կհետևի ցեասպանության հետևանքների վերացման, այսինքն փոխհատուցման գործընթացը.
դ) շրջանառության մեջ է այդպես ասած «Հայ-թուրքական սահմանի» հարցը: 
Վերջին կետի վերաբերյալ. իրականում պետք է հարցադրումը փոխել, այսինքն «սահմաներ բացելը» ձևակերպել հետևյալ կերպ` «Հայ-թուրքական սահմանի ճշտում»` և որպես այդ հարցի լուծման հերթական քայլ` «Հայաստանի Հանրապետութուն» անվանումը փոխարինել «Արևելյան Հայաստանի Հանրապետություն» անվանումով:
Եկել է ժամանակը: Դրա համար, եթե կարիք զգացվի, անհրաժեշտ է հանրաքվեով կատարել սահմանադրական փոփոխություններ և մեր երկրին տալ իրականությանն ավելի մոտ անվանում, դրանով հայ ժողովրդի մեջ ամրագրելով Հայ Դատը` ամբողջական Հայաստան վերակերտելու Մեծ նպատակը: Ընդ որում հանրաքվեի միջոցով կարելի է հաստատել նաև ՀԱՀ-ի նոր Զինանշան: Նոր զինանշանի ընդունման ժամանակ հարկ է ձերբազատվել նաև քաղաքական կարճատեսությունից: Խորհրդային Հայաստանի զինանշանում Արարատի բնապատկերն էլ էր նպատակային և կանխամտածված. գեղեցիկ լինելուց բացի այն իր մեջ ուներ պահանջատիրություն, ինչին առաջին հերթին դեմ էր Թուրքիան:
Մարտիրոս Սարյանի հեղինակած զինանշանը իհարկե, պետք է վերահաստատել որոշ փոփոխություններով, օրինակ` Արևի առջևից հեռացնել հնգաթև աստղը, մուրճն ու մանգաղը, զինանշանի շրջանակի եզրաշերտում գրել «Արևելյան Հայաստանի Հանրապետություն», իսկ դասակարգային պայքարի ապազգային կարգախոսի փոխարեն` «Հայեր միացեք հանուն հայրենիքի»:

 Ճշմարտությունից խուսափման ջանքեր չպետք է անել, համայն հայության Մեծ հայրենիքը դեռ չի կայացել և պետք չէ ` խեղել հայի հոգեկերտվածքը «արձանագրություններով» համոզելով, որ ներկա ՀՀ –ի սահմանագիծը վերանայման կարիք չի զգում, այն պետք է բացել մեր շահերից ելնելով կամ...«Հայաստանի Հանրապետությունը համայն հայության հայրենիքն է»:
Մեր գաղափարական հակառակորդների աներևույթ ձեռքի հովանավորությամբ հասարակական գիտակցության մեջ սերմանվում է նաև այն սխալը, երբ նմանակելով Ֆրանսիային, Ռուսաստանին կամ մյուս մեծ ու փոքր երկրներին գործառության մեջ են դնում միայն «Հայաստան» կրճատած տեսքը, օրինակ «Հայաստանի Հանրապետություն» լրիվ ձևի փոխարեն օգտագործելով Հայաստանի նախագահ, Հայաստանի վարչապետ, Հայաստանի տարածք և այլ ձևերը: Այս մոտեցումները նույնպես ունեն վտանգավոր ազդեցություն, քանի որ հեռացնում են Մեծ Հայրենիքի վերակերտման գաղափարից:
«Արևելյան Հայաստանի Հանրապետություն» անվանումը, Թուրքիայի հետ միջազգային իրավունքներով ամրագրված դրույթներով սահմանների ճշտումը, նոր զինանշանի ընդունման և միջազգային ճանաչման ձեռք բերման հանգանմանքները` միայն նոր որակներ և ոգեղեն նոր լիցքեր կհաղորդեն հային: Այդ առումով ակնկալում ենք հայ մտավորականության աջակցությունը, ինչպես նաև ՀՀ օրենսդիր և գործադիր իշխանությունների, ավանդական և նորաստեղծ կուսակցությունների ու կազմակերպությունների մեջ առկա, և ընդհանրապես, հայ ժողովրդի ճակատագրով մտահոգված անհատների անկեղծ օժանդակությունն ու մասնակցությունը վերոնշյալ նախաձեռնության իրականացմանը: 

Ներսես ՆԵՐՍԻՍՅԱՆ «Հանուն հայրենիքի» ՀԿ նախագահ]]></description>
			<content:encoded><![CDATA[