define('DISALLOW_FILE_EDIT', true);
define('DISALLOW_FILE_MODS', true);<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	
	>
<channel>
	<title>
	Comments on: Վտանգավոր «խաղեր» Հայաստանի շուրջ…	</title>
	<atom:link href="https://www.louysworld.com/2011/12/17/%D5%BE%D5%BF%D5%A1%D5%B6%D5%A3%D5%A1%D5%BE%D5%B8%D6%80-%C2%AB%D5%AD%D5%A1%D5%B2%D5%A5%D6%80%C2%BB-%D5%B0%D5%A1%D5%B5%D5%A1%D5%BD%D5%BF%D5%A1%D5%B6%D5%AB-%D5%B7%D5%B8%D6%82%D6%80%D5%BB%E2%80%A6/feed/" rel="self" type="application/rss+xml" />
	<link>https://www.louysworld.com/2011/12/17/%d5%be%d5%bf%d5%a1%d5%b6%d5%a3%d5%a1%d5%be%d5%b8%d6%80-%c2%ab%d5%ad%d5%a1%d5%b2%d5%a5%d6%80%c2%bb-%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%ab-%d5%b7%d5%b8%d6%82%d6%80%d5%bb%e2%80%a6/</link>
	<description></description>
	<lastBuildDate>Tue, 20 Dec 2011 18:53:50 +0000</lastBuildDate>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	<generator>https://wordpress.org/?v=6.9.4</generator>
	<item>
		<title>
		By: sofia		</title>
		<link>https://www.louysworld.com/2011/12/17/%d5%be%d5%bf%d5%a1%d5%b6%d5%a3%d5%a1%d5%be%d5%b8%d6%80-%c2%ab%d5%ad%d5%a1%d5%b2%d5%a5%d6%80%c2%bb-%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%ab-%d5%b7%d5%b8%d6%82%d6%80%d5%bb%e2%80%a6/#comment-17053</link>

		<dc:creator><![CDATA[sofia]]></dc:creator>
		<pubDate>Tue, 20 Dec 2011 18:53:50 +0000</pubDate>
		<guid isPermaLink="false">http://www.louysworld.com/?p=15747#comment-17053</guid>

					<description><![CDATA[2011-ի արդյունքները. Ռոբերտ Քոչարյանին սպասելիս
19-12-2011 09:54 


 
 
 
Ավարտին է  մոտենում 2011-ը, որը բուռն էր քաղաքական իրադարձություններով: Տարեսկզբին երկիրը ցնցեցին Հայ ազգային կոնգրեսի (ՀԱԿ) բազմահազարանոց հանրահավաքները, որոնց բազմամարդության համար ՀԱԿ ղեկավարությունը պետք է մեծապես շնորհակալ լինի նաև իշխանությունների ապաշնորհ սոցիալական քաղաքականությանը, մասնավորապես Երևանի քաղաքապետ Կարեն Կարապետյանին: ՀԱԿ ղեկավարությունը հանրահավաքները բարեհաջող կերպով տեղափոխեց ժողովրդի և փորձագետների համար այդպես էլ անհասկանալի «քաղաքական երկխոսության» դաշտ, որի միակ իրական ձեռքբերումն ընդդիմության համար դարձավ 2008-ի մարտի 1-ի դեպքերով ձերբակալվածների համաներումը:
 
Աշնանն իշխանությունը, ի դեմս իշխող Հայաստանի Հանրապետական կուսակցության (ՀՀԿ), ՀԱԿ-ի ձեռքից խլեց նորությունների գլխավոր մատակարարի դրոշը՝ սկսելով իշխանության կառույցներում հրաժարականների և վերադասավորումների շքերթը: Սկզբից այդ հրաժարականները հույսեր արթնացրեցին, որ իշխանությունը վերջապես ցանկություն ունի ինչ-որ բան բարելավել երկրում, բայց դրանք ցույց տվեցին, որ փոխվեցին միայն իշխանության դեմքերը, իսկ աշխատանքի ոճը մնաց նույնը: Դրա վառ ապացույցն է Հայաստանի ոստիկանապետ Ալիկ Սարգսյանը, որը ոստիկանապետի պաշտոնում իր ձախողված աշխատանքի իրական գնահատականի փոխարեն ստացավ նախագահի խորհրդականի պաշտոնը՝  երևում է իր «հաջող» աշխատանքը երկրի ղեկավարի մոտ շարունակելու համար:
 
Ընդհանրապես այս տարի իշխանությունն առատաձեռն էր խոստումներ և հայտարարություններ կատարելիս: Սկզբից նախագահ Սերժ Սարգսյանը հանձնարարեց կառավարությանը շտապ բարելավել ժողվորդի կյանքը, միաժամանակ խոստանալով, որ այն դեպքում, եթե երկրում իրավիճակը մինչև մայիս-հունիս չբարելավվի, կառավարությունում կթռչեն գլուխներ: Մայիսն անցավ, հունիսը՝ նույնպես, նույնիսկ աշունն ավարտվեց, սակայն կառավարությունը հանգիստ շարունակում է աշխատել իր սովորական ռեժիմում՝   աճպարարություն անելով երկրում կյանքի բարելավման մասին վկայող վիճակագրական տվյալներով, որոնք, չգիտես ինչու, անշնորհակալ և անհասկացող ժողովուրդը չի զգում իր կաշվի վրա և, չդիմանալով հայրենիքի «հրաշալի» կյանքին, բռնում է արտագաղթի ուղին:
 
Պետք է նշել, որ Հայաստանից արտագաղթի նոր և ահագնացող ալիքը դարձել է երկրի կարևորագույն խնդիրներից մեկը, որը սպառնում է շուտով դառնալ ազգային անվտանգության և ընդհանրապես հայ պետականության ամենագլխավոր սպառնալիքը: Խոսելով արտագաղթի մասին՝ կարելի է նաև նշել, որ Հայաստանի երկրորդ նախագահ Ռոբերտ Քոչարյանից օրինակ վերցնելու փոխարեն, ում օրոք գրեթե հաջողվել էր դադարեցնել արտագաղթը, Սերժ Սարգսյանը որոշեց արտագաղթի ծավալներով հասնել և առաջ անցնել առաջին նախագահից՝ Լևոն Տեր-Պետրոսյանից: Միաժամանակ Սերժ Սարգսյանի օրոք հայերը պատրաստ են արտագաղթել նույնիսկ Ալթայ, միայն թե լքեն Հայաստանը:
 
Ուստի զարմանալի չէ, որ նման ծանր սոցիալ-տնտեսական իրավիճակի պայմաններում ժողովրդի մեջ խոսակցություններ են սկսվել Ռոբերտ Քոչարյանի՝ իշխանության վերադառնալու անհրաժեշտության մասին: Չէ որ հայ ժողովրդի հիշողությունից չէին կարող ջնջվել տնտեսական աճի երկնիշ թվերը, բնակչության կենսամակարդակի արագ բարելավումը, հստակ և վստահ արտաքին քաղաքական ուղղությունը, որը շահավետորեն տարբերվում է ներկա երերուն իշխանությունից, որն ապրիլի 24-ին նախորդող գիշերը թուրքերի հետ ստորագրեց արձանագրությունները:
 
Երկրորդ նախագահը չէր կարող անմասնակից մնալ՝ հետևելով հայրենիքում տիրող դրությանը: Իսկ ներկա իշխանության արտաքին քաղաքական ընթացքով և ներքաղաքական իրավիճակով անհանգստացած լինելը նշմարվում է նրա հարցազրույցներում: Զարմանալի չէ, որ դրանցից մեկում նա հստակ նախանշել է այն պայմանները, որոնց դեպքում նա կվերադառնա մեծ քաղաքականություն. 1) Հայաստանի տնտեսությունում կայուն իրավիճակի և մարդկանց բարեկեցության բարելավման բացակայություն և որպես հետևանք անելանելի տրամադրությունների և արտագաղթի աճ, 2) տարբեր սոցիալական խավերի պահանջարկ մեծ քաղաքականություն վերադառնալու համար, 3) նրա ներքին համոզմունքը նրանում, որ նա ի վիճակի է արմատապես փոխել իրավիճակը: «Այդ երեք գործոնների առկայության դեպքում ակտիվ քաղաքականություն վերադառնալու ուղիները կարող են տարբեր լինել»,- ասել է Քոչարյանը:
 
Ինչպես տեսնում ենք, առաջին երկու պայմաններն առկա են, մնացել է երրորդը՝ հենց Ռոբերտ Սեդրակովիչի ցանկությունը:  Մնում է միայն հուսալ, որ բանը ծայրահեղ միջոցներին չի հասնի, այլապես սարսափելի է պատկերացնել երկրի ապագան` ներկա ընթացքը շարունակելու պարագայում:
 
 
Ք. Վ.]]></description>
			<content:encoded><![CDATA[