define('DISALLOW_FILE_EDIT', true);
define('DISALLOW_FILE_MODS', true);<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	
	>
<channel>
	<title>
	Comments on: Զեղծարարություն USArmenia-ի եթերում:	</title>
	<atom:link href="https://www.louysworld.com/2011/11/25/%D5%A6%D5%A5%D5%B2%D5%AE%D5%A1%D6%80%D5%A1%D6%80%D5%B8%D6%82%D5%A9%D5%B5%D5%B8%D6%82%D5%B6-usarmenia-%D5%AB-%D5%A5%D5%A9%D5%A5%D6%80%D5%B8%D6%82%D5%B4/feed/" rel="self" type="application/rss+xml" />
	<link>https://www.louysworld.com/2011/11/25/%d5%a6%d5%a5%d5%b2%d5%ae%d5%a1%d6%80%d5%a1%d6%80%d5%b8%d6%82%d5%a9%d5%b5%d5%b8%d6%82%d5%b6-usarmenia-%d5%ab-%d5%a5%d5%a9%d5%a5%d6%80%d5%b8%d6%82%d5%b4/</link>
	<description></description>
	<lastBuildDate>Sun, 27 Nov 2011 15:47:48 +0000</lastBuildDate>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	<generator>https://wordpress.org/?v=6.9.4</generator>
	<item>
		<title>
		By: sofia		</title>
		<link>https://www.louysworld.com/2011/11/25/%d5%a6%d5%a5%d5%b2%d5%ae%d5%a1%d6%80%d5%a1%d6%80%d5%b8%d6%82%d5%a9%d5%b5%d5%b8%d6%82%d5%b6-usarmenia-%d5%ab-%d5%a5%d5%a9%d5%a5%d6%80%d5%b8%d6%82%d5%b4/#comment-16631</link>

		<dc:creator><![CDATA[sofia]]></dc:creator>
		<pubDate>Sun, 27 Nov 2011 15:47:48 +0000</pubDate>
		<guid isPermaLink="false">http://www.louysworld.com/?p=15442#comment-16631</guid>

					<description><![CDATA[Դավադրություն Հայաստանի դեմ` ընդդեմ պահանջատիրության 14:31 25/11/2011

Հայաստանում գրանցված եւ գործող մի շարք հայրենակցական միություննների ղեկավարներ, իրավաբաններ (&quot;Վասպուրականի նոր սերունդ&quot; հայրենակցական հասարակական կազմակերպության ղեկավար Մարինե Վահրադյան, &quot;Խարբերդ&quot; հայրենակցական հասարակական կազմակերպության ղեկավար, իրավագետ Անդրանիկ Ստեփանյան, հրապարակախոս Մարի Բարսեղյան-Խանջյան) այսօր &quot;Ուրբաթ&quot; մամուլի ակումբում կայացած ասուլիսի ժամանակ հայտարարեցին, որ դեկտեմբերի 10-ին Փարիզի Սեւր արվարձանում Արեւմտահայոց երրորդ համագումար է հրավիրված (1-ինը հրավիրվել է 1917թ., 2-րդը` 1918 թ. Երեւանում), որում հայրենակցական միությունների անունից  նախաձեռնող խմբի ներկայացուցիչ Կարեն Միքայելյանը ապազգային եւ հակասահմանադրական հայտարարություն է տարածելու:
 

Ըստ &quot;Վասպուրականի նոր սերունդ&quot; հայրենակցական միության նախագահ Մարինե Վահրադյանի` նոյեմբերի 20-ին Երեւանում տեղի է ունեցել պատվիրակների ընտրություն, որին, բանախոսի հավաստմամբ, հայրենակցական միությունների մեծ մասը չի մասնակցել եւ ընտրված պատվիրակները իրավասու չեն ներկայացնելու Հայաստանի դիրքորոշումը Փարիզում, առավել եւս`  հայտարարություններ անել: Վահրադյանն ասաց, որ հրապարակվել է տեղեկություն այն մասին, թե պատվիրակների ընտրությունը կատարվել է մի շարք հայրենակցական միությունների ղեկավարների ներկայությամբ եւ նշվել են անուններ, որոնք պարզապես ներկա չեն եղել այդ միջոցառմանը, մասնավորապես` &quot;Կարին&quot;, &quot;Էրզրում&quot;, &quot;Թվանջ&quot; հայրենակցական միությունների նախագահները:

Մարինե Վահրադյանի խոսքով` Կարեն Միքայելյանը մինչեւ վերջերս իրենց հավաստիացրել է, որ համագումարի ընթացքում որեւէ պաշտոնական հայտարարություն չի արվելու, սակայն գեներալ-մայոր Արկադի Տեր-Թադեւոսյանի հորդորով նա օրեր առաջ ներկայացրել է զեկույցի տեքստը, որում արծարծված է թյուր միտք, թե իբր ՀՀ-ն սահմանադրորեն հայտարարված չէ որպես Հայաստանի Առաջին Հանրապետության իրավահաջորդ, եւ ըստ նրա, &quot;Հայաստանի Հանրապետությունն առնվազն տեսանելի ապագայում ի վիճակի չէ ստանձնելու արեւմտահայության ապագային եւ ճակատագրին առնչվող խնդիրների, հատկապես պահանջատիրության խնդրի լուծման առաքելությունը&quot;:

Հայրենակցական միությունների ղեկավարները քաղաքական դիտավորություն որակեցին դեկտեմբերի 10-ին նախանշված  հայտարարությունը: Նրանք նշեցին, որ վերոնշյալ խնդրով նախատեսում են դիմել պատկան մարմիններին` ՀՀ ԱԳՆ, Սահմանադրական դատարան, դատախազություն` կասեցնելու հայադավ գործունեությունը:

Այս հարցի առնչությամն Report.am-ը փորձեց մեկնաբանություն ստանալ պատմական գիտությունների դոկտոր, պրոֆեսոր Բաբկեն Հարությունյանից: Նրա խոսքով` ինքը մասամբ տեղյակ է այս պատմությունից, սակայն իր իրազեկությունը մեծ չէ, քանի որ չի մասնակցել նրանց հանդիպումներին. &quot;Բոլոր դեպքերում, Արեւմտյան Հայաստանի վերաբերյալ որոշում կարող են կայացնել հայրենակցական բոլոր միությունները: Միությունները պետք է հավաքվեն, ընտրեն մարմին, որը հանդես գա  Արեւմտյան Հայաստանի ժառանգների անունից: Ինչ վերաբերում է ՀՀ-ի` իրավահաջորդ լինելուն, ապա նշեմ, որ ուզում ենք, թե չենք ուզում, Հայաստանի Առաջին Հանրապետությունը դա էր, եւ ուզենք-չուզենք  իրավահաջորդն ենք&quot;,- ասաց Բաբկեն Հարությունյանը` հավելելով, որ ինքն էլ սրտացավ է հարցի վերաբերյալ`  ծագումով  լինելով Արեւմտյան Հայաստանից:

Report.am-ը փորձեց կապ հաստատել նաեւ Կարեն Միքայելյանի հետ: Նրա բջջայինն անջատված էր, եւ մեր տեղեկություններով` նա արդեն մեկնել է Փարիզ:

ՍԻՐԱՆ ԳՐԻԳՈՐՅԱՆ]]></description>
			<content:encoded><![CDATA[