define('DISALLOW_FILE_EDIT', true);
define('DISALLOW_FILE_MODS', true);<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	
	>
<channel>
	<title>
	Comments on: Գործ ունենք 99,999 տոկոսանոց զտված կեղտի հետ&#8230;	</title>
	<atom:link href="https://www.louysworld.com/2011/07/01/%D5%A3%D5%B8%D6%80%D5%AE-%D5%B8%D6%82%D5%B6%D5%A5%D5%B6%D6%84-99999-%D5%BF%D5%B8%D5%AF%D5%B8%D5%BD%D5%A1%D5%B6%D5%B8%D6%81-%D5%A6%D5%BF%D5%BE%D5%A1%D5%AE-%D5%AF%D5%A5%D5%B2%D5%BF%D5%AB-%D5%B0%D5%A5/feed/" rel="self" type="application/rss+xml" />
	<link>https://www.louysworld.com/2011/07/01/%d5%a3%d5%b8%d6%80%d5%ae-%d5%b8%d6%82%d5%b6%d5%a5%d5%b6%d6%84-99999-%d5%bf%d5%b8%d5%af%d5%b8%d5%bd%d5%a1%d5%b6%d5%b8%d6%81-%d5%a6%d5%bf%d5%be%d5%a1%d5%ae-%d5%af%d5%a5%d5%b2%d5%bf%d5%ab-%d5%b0%d5%a5/</link>
	<description></description>
	<lastBuildDate>Sun, 03 Jul 2011 16:13:50 +0000</lastBuildDate>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	<generator>https://wordpress.org/?v=6.9.4</generator>
	<item>
		<title>
		By: David		</title>
		<link>https://www.louysworld.com/2011/07/01/%d5%a3%d5%b8%d6%80%d5%ae-%d5%b8%d6%82%d5%b6%d5%a5%d5%b6%d6%84-99999-%d5%bf%d5%b8%d5%af%d5%b8%d5%bd%d5%a1%d5%b6%d5%b8%d6%81-%d5%a6%d5%bf%d5%be%d5%a1%d5%ae-%d5%af%d5%a5%d5%b2%d5%bf%d5%ab-%d5%b0%d5%a5/#comment-14043</link>

		<dc:creator><![CDATA[David]]></dc:creator>
		<pubDate>Sun, 03 Jul 2011 16:13:50 +0000</pubDate>
		<guid isPermaLink="false">http://www.louysworld.com/?p=13132#comment-14043</guid>

					<description><![CDATA[Ահա ՀԳԱԱ-ի պատասխանը Ռասելին, 
Ոզբա՜մ զքեզ, Հայաստան  ես ի՞նչ օրի հասար…


29.06.2011
Հայագիտությունը հանձնեցին Գարգանտյուային

Հայկազ ՍԻՄՈՆՅԱՆ

Տերովին տերն է տարել, անտերին գելն է կերել։

ՀՀ ԳԱԱ կոչվող մարազմատիկ կազմակերպության նախագահի, ակադեմիկոս-քարտուղարների և նախագահության անդամների ընտրություններից խելքը գլխին որևէ բան սպասելը նույնն է, թե հավատալ մեռելհարցուկին: Տարբեր սերունդների պատկանող պատվավոր «թոշակառուների» կաստայի վերածված այս կազմակերպության ներսում տեղի ունեցող կեղտոտ խաղերը վաղուց արդեն հոգնեցրել են մեր հասարակությանը: «Բազմավաստակների ու ականավորների» այս ծաղկեփունջը վաղուց թառամել է, ու ժամանակն է ԳԱԱ նախագահության շենքի դռանը մի մեծ ամբարային կողպեք կախել: Պետական գույքի կառավարման վարչության նոր երիտասարդ պետն էլ այն կհանի աճուրդի, ու գիտության որևէ օլիգարխ-հովանավոր այն կգնի շան մսի գնով: Համ պետությանն է լավ, համ էլ գիտությունը կազատվի մակաբույծներից:

Այն, որ բնագետները, կիրառական կամ տեխնիկական գիտությունների բնագավառի աշխատողներն առանց ակադեմիա կոչվածի էլ իրենց օրվա հացը կվաստակեն, փաստ է: Մի երկու սոցհարցում ու PR ապահովող գրանտներ կկպցնեն նախկին փիլիսոփաները գլխավոր սոցիոլոգի քավորությամբ՝ էլի փաստ է: Բայց ի՞նչ կլինի ակադեմիայի վերացումից հետո (մի՛ մտածեք, չեն վերացնի) հայագիտական ինստիտուտների ու ընդհանրապես հայագիտության վիճակը մեր երկրում: Այն, որ մեր երկրում ազգային դեմքի ցուցիչ հանդիսացող երկու բնագավառի` մշակույթին ու հայագիտությանը, նայում են «հին ու բարի» մնացուկային մոտեցման տեսանկյունից, նույնպես փաստ է: Բյուջե կոչված «խրախճանքի առատ սեղանից» այս բնագավառներին հատկացված կրծած ոսկորներն ու փշրանքները թույլ են տալիս միայն թերսնվել, մի խոսքով ասած՝ պահպանել թշվառ գոյությունը: Դե, հայոց մշակույթը, տիկին Պողոսյանի «հզոր ինտելեկտի» և «անձնվեր աշխատանքի» շնորհիվ, միայն «հաջողություններ» է գրանցում: Իսկ խեղճ ու կրակ հայագիտությունն ի՞նչ կարող է անել, ո՞ր պատին խփի իր անտեր-անտիրական գլուխը, ո՞ւմ մոտ գնա գանգատ անի: Բոլորն էլ թքած ունեն հայագիտության վրա, ի՜նչ մի գիտաճյուղ է սա, որ պետական հովանավորություն ստանա, չնայած ընդունվել ու հաստատվել են ոչինչ չասող ու չպարտավորեցնող որոշումներ հայագիտության ճյուղերի զարգացման մասին: Երևի դրա հետևանքով էր, որ թեմատիկ ֆինանսավորում կոչվածից վարչապետի լռելյայն համաձայնությամբ (գուցե նաև հրահանգով, մեղք առնելը լավ բան չէ) դուրս շպրտվեցին հայագիտական համարյա բոլոր թեմաները:

Գլուխը քարը թեմաներն ու ֆինանսավորման աղբյուրները: Սրանք վերջին քսան տարվա մեջ փոփոխվել են մեր հարափոփոխ վարչապետերի քանակին ուղիղ համեմատական կարգով: Ո՞վ է մոտակա տարիներին պատասխանատու լինելու հայագիտությանն ու հասարակական մյուս գիտություններին: Չեք սխալվում` բուհական համակարգից դուրս գրված մի «շա~տ ականավոր տնտեսագետ»` Յու.Սուվարյանը: Թե ինչ են հայկական տնտեսագիտական միտքն ու դրա արգասիք տնտեսագետ կառավարիչները՝ կարող եք համոզվել Հայաստանի տնտեսության արդի վիճակը տեսնելով կամ մաշկի վրա զգալով: Մուլտի, մակրո, մեգա և այլ խուճուճ բառեր արտաբերելուց և տխմար ճամարտակություններ անելուց բացի ինչի են ընդունակ մեր վերլուծաբան-տնտեսագետները՝ հայտնի չէ: Չէ, սխալվեցի երևի, լավ էլ հայտնի է, երկիրը թալանվում է գիտականորեն. «անոնք գիտությամբ կչալեն»,- կասեր «Եռանկյունու» հերոս ուստա Մկրտիչը: Կարող է և պ-ն Սուվարյանի հարցում սխալվում եմ: Մարդը բավական մեծ քանակությամբ զանազան օլիգարխիկների բալիկների ու այսօրվա «տնտեսական հրաշագործների» դիպլոմներ է տվել և գուցե կարողանա նրանցից ինչ-ինչ միջոցներ մուրալ հայագիտության ու հասարակագիտության համար: Գուցե:

Մյուս ճչացող անխոհեմությունը, որին չեմ կարող չանդրադառնալ, ՀՀ ԳԱԱ նախագահության կազմում հասարակագիտությունն ու հայագիտությունը ներկայացնողների անձերի հարցն է: Դե, Սուվարյանն ի պաշտոնե ընդգրկվել է նախագահության կազմում, բայց, տեսեք, որպես ազատ անդամներ ովքեր են ընտրվել: Ոչ գիտես փիլիսոփա, ոչ գիտես սոցիոլոգ Գ.Պողոսյանը և հայագիտության Գարգանտյուան` անմոռանալի ու «պանծալի» «մարքս-լենինյան շարժիչով բոցաշունչ նժդեհական» Արամ Հրաչիկովիչը` նախկին լաբորանտ, նախկին լենինիստ և ներկա «մայրավանքի միաբանության» վանահայր, վա՜յ, կներե՛ք, անոր փորի մեծությունը սխալեցուց զիս, պետք է ասեի մայր բուհի ռեկտոր: Կարծես ԳԱԱ իսկական կամ թղթակից-անդամ այլ պատվարժան հայագետներ չկային և փառահեղ Գարգանտյուան պետք է ներկայացնի այս գիտաճյուղը: Վա~յ մեզ, վա~յ մեզ, էս ինչքան մեղք ենք գործել, որ հայագիտությանն այսպես պատժում են ու տալիս են խժռելու իր փորի շրջագծին ոչ համապատասխան լղարիկ ու թխաբան հատորների հեղինակին: Հին համալսարանականները լավ են հիշում պրոֆ. Մ.Մկրյանին ու ակադեմիկոս Մ.Աբեղյանին պատկերող մի հին ծաղրանկար: Բարձրահասակ Մկրյանի ոտքերի տակ գցված էր մի լղարիկ տետր, իսկ նրա դիմաց կանգնած փոքրամարմին Աբեղյանի կողքին վեր էր խոյանում հաստափոր հատորների լեռը: Լղարիկ տետրի տերը, վերից նայելով ականավոր գիտնականին, ասում էր. «Դուք սխալվում եք, պրոֆեսո´ր»:

 

Հ.Գ.

Աստված փրկի Հայաստանը սուվարյանական տնտեսագետներից, իսկ հայագիտությունը`«պատմաբան» Գարգանտյուայից:]]></description>
			<content:encoded><![CDATA[