define('DISALLOW_FILE_EDIT', true);
define('DISALLOW_FILE_MODS', true);<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	
	>
<channel>
	<title>
	Comments on: Կարճ ասած ստեղծվելու է հերթական վաշխառու հիմնարկը&#8230;	</title>
	<atom:link href="https://www.louysworld.com/2011/04/08/%D5%AF%D5%A1%D6%80%D5%B3-%D5%A1%D5%BD%D5%A1%D5%AE-%D5%BD%D5%BF%D5%A5%D5%B2%D5%AE%D5%BE%D5%A5%D5%AC%D5%B8%D6%82-%D5%A7-%D5%B0%D5%A5%D6%80%D5%A9%D5%A1%D5%AF%D5%A1%D5%B6-%D5%BE%D5%A1%D5%B7%D5%AD%D5%A1/feed/" rel="self" type="application/rss+xml" />
	<link>https://www.louysworld.com/2011/04/08/%d5%af%d5%a1%d6%80%d5%b3-%d5%a1%d5%bd%d5%a1%d5%ae-%d5%bd%d5%bf%d5%a5%d5%b2%d5%ae%d5%be%d5%a5%d5%ac%d5%b8%d6%82-%d5%a7-%d5%b0%d5%a5%d6%80%d5%a9%d5%a1%d5%af%d5%a1%d5%b6-%d5%be%d5%a1%d5%b7%d5%ad%d5%a1/</link>
	<description></description>
	<lastBuildDate>Sat, 09 Apr 2011 12:09:33 +0000</lastBuildDate>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	<generator>https://wordpress.org/?v=6.9.4</generator>
	<item>
		<title>
		By: Papin		</title>
		<link>https://www.louysworld.com/2011/04/08/%d5%af%d5%a1%d6%80%d5%b3-%d5%a1%d5%bd%d5%a1%d5%ae-%d5%bd%d5%bf%d5%a5%d5%b2%d5%ae%d5%be%d5%a5%d5%ac%d5%b8%d6%82-%d5%a7-%d5%b0%d5%a5%d6%80%d5%a9%d5%a1%d5%af%d5%a1%d5%b6-%d5%be%d5%a1%d5%b7%d5%ad%d5%a1/#comment-13546</link>

		<dc:creator><![CDATA[Papin]]></dc:creator>
		<pubDate>Sat, 09 Apr 2011 12:09:33 +0000</pubDate>
		<guid isPermaLink="false">http://www.louysworld.com/?p=12042#comment-13546</guid>

					<description><![CDATA[«Իմաստուն միմոսի պատյանը հագնելով` Արմեն Ջիգարխանյանն ինքն էլ չգիտի, թե ի՞նչ է խոսում: Կարծում եմ` մարդ չպետք է կորցնի իր արմատները, դավաճանի հոր ու մոր արյունը, որովհետեւ դավաճանությունը բոլոր ժամանակներում պատժվել է»:

Ադրբեջանական Vesti.az կայքէջում ՀՀ վաստակավոր արտիստ Արմեն Ջիգարխանյանի հարցազրույցը մտահոգության ու հիասթափության լուրջ տեղիք է տվել: Երեկ հարցազրույցը սոցիալական ցանցերի, արվեստագետների ուշադրության կենտրոնում էր: Ջիգարխանյանին ներկայացնելով որպես հայտնի դերասանի, ԽՍՀՄ վաստակավոր արտիստի, թատրոնի ղեկավարի, մարդու, ում շատ են հարգում Ադրբեջանում, չի նշվում, որ նա հայ է, ՀՀ վաստակավոր արտիստ: Սակայն առավել զարհուրելի են Ջիգարխանյանի մեկնաբանությունները ղարաբաղյան հակամարտության մասին: «Այն հենց սկզբից կրոնական հողի վրա էր հիմնված: Մեկը մի ձեւ է աղոթում, մյուսները` մեկ այլ»:

Ցավոք, հայտնի դերասանը մոռացել է, որ ատելության հիմքը դրել են ադրբեջանցիները 1988-ին, երբ Սումգայիթ քաղաքում հարյուրավոր հայերի ադրբեջանցիները սպանեցին ու վառեցին, այնուհետեւ այդ ատելությունը շարունակվեց 1990-ի հունվարին, երբ շուրջ մեկ շաբաթ Բաքվում հայերին վառում էին, բռնաբարում, խոշտանգումների ենթարկում: Այդ ժամանակ պատերազմը դեռ չէր սկսվել: Կրոնական ոչ մի խնդիր երկու երկրների միջեւ երբեք չի եղել:

Միակ խնդիրն այն էր, որ Ղարաբաղը ԽՍՀՄ փլուզումից հետո մնացած այլ պետությունների օրինակով ցանկանում էր ինքնորոշում, ինչին Ադրբեջանը պատասխանում էր անմեղ քաղաքացիներին սպանելով:

Դեռ պատերազմը չէր ավարտվել, երբ 1992-ի ապրիլի 10-ին տեղի ունեցավ Մարաղայի ողբերգությունը: Ադրբեջանցիները հարձակվեցին Մարաղա գյուղի վրա, սպանեցին մի քանի հարյուր հայերի: Ցավալի է, որ Ջիգարխանյանն այս ամենը մոռացել է, սակայն հիշել է, որ Մոսկվայում «Թեհրան-43» ֆիլմի նկարահանման ժամանակ հանդիպել է Հեյդար Ալիեւին:

«Ինձ շատ ջերմ ընդունեց իր գրասենյակում: Ավելին, Ալիեւն ինձ օգնեց Մոսկվայում տուն ձեռք բերել: Միշտ ասում եմ, որ Հեյդար Ալիեւի շնորհիվ եմ Մոսկվայում բնակարան ձեռք բերել»:

Նրա մեկնաբանությամբ` հայերի ու ադրբեջանցիների միջեւ երբեք խնդիրներ չեն առաջացել, եւ հարցերը լուծել են առաջնորդները:

«Կոնֆլիկտի հիմքում կրոնն էր: Մի քանի անգրագետներ կարողացան կրոնական հողի վրա կրքեր բորբոքել: Ինչ-որ կիսաֆաբրիկատ մարդիկ կարողացան երկու ազգերի միջեւ վեճ գցել ու կրոնական հողի վրա մարդկանց դարձնել թշնամի: Մենք ոչ միշտ է, որ սիրում ենք մեր հարեւանին` մեզ նմանին: Մեզ դուր է գալիս ապրել նրանց կողքին, ովքեր մեզ նման չեն: Այդ պատճառով էլ հայերի ու ադրբեջանցիների համար իրար կողք լինելը հետաքրքիր է եւ հարմարավետ: Ես ողջ կյանքում ապրել եմ ադրբեջանցիների հետ կողք կողքի»:

Լրագրողի հարցին, «Այնուամենայնիվ գոյություն ունի տարածքային խնդիր: Ինչպիսի՞ լուծում կառաջարկեք տարածքային խնդիրները լուծելու համար», Ջիգարխանյանն ասել է. «Չգիտեմ»: Խոսելով հակամարտության մասին Ջիգարխանյանը հիշել ու զուգահեռներ է անցկացրել Հովհաննես Թումանյանի «Մի կաթիլ մեղր» պատմվածքի հետ:

Նշանավոր դերասանը հայտարարել է, որ ոչ թե հաճույքով, այլ վազելով կգնար Բաքու:

Ջիգարխանյանի հայտարարություններին երեկ արձագանքել է ԽՍՀՄ ժողովրդական դերասան, «Համազգային թատրոնի» ղեկավար Սոս Սարգսյանը:

«Իմաստուն միմոսի պատյանը հագնելով` Արմեն Ջիգարխանյանն ինքն էլ չգիտի, թե ի՞նչ է խոսում: Կարծում եմ` մարդ չպետք է կորցնի իր արմատները, դավաճանի հոր ու մոր արյունը, որովհետեւ դավաճանությունը բոլոր ժամանակներում պատժվել է»:


Հ.Գ. Երեկ մենք փորձեցինք կապվել Արմեն Ջիգարխանյանի հետ, սակայն ապարդյուն: Հեռախոսը ոչ ոք չէր վերցնում: Այնուամենայնիվ հույս ենք փայփայում, որ vesti.az-ում տպագրված հարցազրույցը կամ խեղաթյուրված է, կամ ոչ ամբողջական:]]></description>
			<content:encoded><![CDATA[