define('DISALLOW_FILE_EDIT', true);
define('DISALLOW_FILE_MODS', true);<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	
	>
<channel>
	<title>
	Comments on: Թուրք միասեռական ազգայնականը մամուլի ասուլիս է կազմակերպել	</title>
	<atom:link href="https://www.louysworld.com/2010/10/04/%D5%A9%D5%B8%D6%82%D6%80%D6%84-%D5%B4%D5%AB%D5%A1%D5%BD%D5%A5%D5%BC%D5%A1%D5%AF%D5%A1%D5%B6-%D5%A1%D5%A6%D5%A3%D5%A1%D5%B5%D5%B6%D5%A1%D5%AF%D5%A1%D5%B6%D5%A8-%D5%B4%D5%A1%D5%B4%D5%B8%D6%82%D5%AC/feed/" rel="self" type="application/rss+xml" />
	<link>https://www.louysworld.com/2010/10/04/%d5%a9%d5%b8%d6%82%d6%80%d6%84-%d5%b4%d5%ab%d5%a1%d5%bd%d5%a5%d5%bc%d5%a1%d5%af%d5%a1%d5%b6-%d5%a1%d5%a6%d5%a3%d5%a1%d5%b5%d5%b6%d5%a1%d5%af%d5%a1%d5%b6%d5%a8-%d5%b4%d5%a1%d5%b4%d5%b8%d6%82%d5%ac/</link>
	<description></description>
	<lastBuildDate>Mon, 04 Oct 2010 21:21:16 +0000</lastBuildDate>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	<generator>https://wordpress.org/?v=6.9.4</generator>
	<item>
		<title>
		By: Կարինե Հայրապետյան		</title>
		<link>https://www.louysworld.com/2010/10/04/%d5%a9%d5%b8%d6%82%d6%80%d6%84-%d5%b4%d5%ab%d5%a1%d5%bd%d5%a5%d5%bc%d5%a1%d5%af%d5%a1%d5%b6-%d5%a1%d5%a6%d5%a3%d5%a1%d5%b5%d5%b6%d5%a1%d5%af%d5%a1%d5%b6%d5%a8-%d5%b4%d5%a1%d5%b4%d5%b8%d6%82%d5%ac/#comment-9906</link>

		<dc:creator><![CDATA[Կարինե Հայրապետյան]]></dc:creator>
		<pubDate>Mon, 04 Oct 2010 21:21:16 +0000</pubDate>
		<guid isPermaLink="false">http://www.louysworld.com/?p=8921#comment-9906</guid>

					<description><![CDATA[Ռամկավար Մամուլ Հոկտեմբեր 4, 2010
ԽՈՀԵՐ
ԲԱՄԲԱՍԱ՞ՆՔ, ԹԷ՞ ԶԱՒԵՇՏ
ՍԱՄՈՒԷԼ ՅՈՎԱՍԱՓԵԱՆ
Լսե՞լ ես. Հայաստանի նախկին նախագահ պարոն Ռոպերթ Քոչարեանը եւ ներկայիս նախագահ պարոն Սերժ Սարգսեանը իրենց զաւակների հարսանիքների առթիւ թոնաներով վարդ են բերել տուել Հոլանտայից եւ շաղ են տուել Երեւանի վրայ:
Լսել եմ, լսում եմ, սակայն չեմ ուզում լսել, չեմ ուզում հաւատալ, չեմ կարողանում այդ լուրը ինչ որ տեղ դասաւորել, չեմ կարողանում այն որպէս իրական, բամբասանք, թէ որպէս զաւեշտ ընդունել: Ու հաշւում եմ ու հաշւում, մէկ վարդը արժէ 2,5 եւրօ, ուրեմն ի՞նչ, ասել է թէ հարիւր հազարներ…
Լսե՞լ ես, Հայաստանի մերօրեայ հաւատացեալ ու բարեսիրտ հարուստները, իրենց ապարանքներում, նաեւ շատ սփիւռքահայ հաւատացեալներ Վեհափառ Հայրապետի օրհնութեամբ ամէնուր Աստուծոյ տաճարներ են կառուցել ու կառուցելու են, որպէսզի այնտեղ, սովեալներին` հաց, հիւանդներին` առողջութիւն, աղքատներին` հարստութիւն խնդրեն եւ օր ու գիշեր աղօթեն նրանց եւ հայ ազգի հոգու փրկութեան եւ մեղքերի թողութեան համար:
Լսե՞լ ես, կան բնապաշտ ու գազանասէր հայեր, ովքեր իրենց սեփական կենդանաբանական այգիներն են կառուցում, վտանգուած առիւծներին, վագրերին ու էշերին սովեալ հայերից պաշտպանելու համար:
Այո, անշուշտ որ այդ բոլորը բամբասանք է, զաւեշտ, որովհետեւ ես չեմ կարողանում այդ բոլորին հաւատալ, ինչ որ տեղ դասաւորել եւ ինձ հաստատելու համար մատներս ակամայ անգամներ սեղմում են համակարգիչի ամենակարող մկնիկի վրայ եւ փնտռում եմ աւելի ահաւոր բամբասանքներ հաստատող կայքէջեր` «Աղքատութիւնը Հայաստանում»: Ո՛վ քեզ խելացի մկնիկ, փնտռում եւ գտնում է 44,800 տեղեկագրութիւն, ամէն մէկը էջե՜ր բացատրութիւններով`
Աղքատութիւնը Հայաստանում:
-Ֆորալպերկ, (Գերմանիա) կաթոլիկ եկեղեցու Քարիթաս բարեգործական կազմակերպութիւն:
«Հայաստանում մեծ է չքաւորութիւնը, աշխատանքը պակաս, Քարիթասը ծանրանում է այնտեղ, ուր ամենաշատ կարիք կայ: Գիւմրի, Վարդակերտ գիւղի դպրոցում, Փետրուար 2009 թուական, աշակերտները դասարաններում նստած են ձեռնոցներով, վերարկուներով եւ գլխարկներով, գրքերի եւ գրական պիտոյքի պակասութիւն կայ: Շատ դասարաններ ձմրանը չեն կարող տաքացուել, եթէ երեխաները իրենց հետ վառելափայտ չբերեն, իսկ վառելափայտը սակաւ ապրանք է, թէ տանը, թէ դպրոցում եւ այն էլ ձմրանը` մինուս 30 աստիճանի դէպքում: Դպրոցի սանիթարական կառոյցները, մեղմ ասած, գտնուում են ողբերգական վիճակում, դասասենեակների պատերը բորբոսնած են, հոսող ջուր բոլորովին գոյութիւն չունի…»
-Word Vision`
«Սոսկալի չքաւորութիւն Հայաստանում:
Հայաստանում տիրում է համընդհանուր աղքատութիւն, ամէնից առաջ գիւղացիութեան մօտ, հայութեան կէսից աւելին ապրում են օրական միայն 1.5 շուեցարական ֆրանքով: Բոլորից առաջ երախաներն են տառապում նման անբարենպաստ պայմաններում, քանի որ նրանք մեծանում են սոսկալի չքաւորութեան մէջ եւ բոլորովին շանս չունեն իրենց ապագան բարելաւելու համար…»
-Գերմանիայի կարմիր խաչ`
«Երկրաշարժը, պատերազմը, շրջափակումը, տնտեսական անկումը եւ տիրող ճգնաժամը էլ աւելի են խորացրել աղքատութիւնը Հայաստանում, որը ամէնից առաջ հարուածում է որբ երախաներին, ծերերին, հաշմանդամներին, միայնակ մնացած մայրերին, ինչպէս նաեւ խրոնիկ հիւանդներին եւ փախստականներին: Շատ ընտանիքներ կարողանում են միայն հացով սնուել: Այս խմբերի համար կարմիր խաչը 1994 –ից ի վեր հիմնել է «գթասրտութեան խոհանոցը»: Առաջին 14 տարիներին Հայաստանի մայրաքաղաքում կարիքաւորներին բաժանուել են աւելի քան 1.1 միլիոն բաժին ճաշ…»
Էջեր, էջեր, հազարաւոր եւ հազարաւոր էջեր, յուսահատութեան, աղքատութեան, չքաւորութեան մէջ տառապող ճակատագրերի մասին, հայ ժողովրդի անկումի մասին: Վառող, այրող էջեր: Ո՛չ, ո՛չ, ի հարկէ որ դրանք բամբասանքներ են, ի հարկ է որ դրանք չար կատակներ են, ի հարկէ որ դրանք սոսկալի մղձաւանջ են եւ ես արթնանալ չեմ կարողանում…
Բայց օ՜հ, ես արթնանում եմ խորը քնից եւ նկատում, որ այդ ամէնը մղձաւանջ չէ, այլ մերօրեայ իրականութիւն եւ Նարեկացու նման նախ պախարակում, դատափետում եմ ինքս ինձ, իմ անձը, որ այսքան տարի լռել եմ, ինձ չտեսնելու եմ տուել, հարմարուել: Օ՜հ, ամէնից առաջ անէծք ու ամօթ ինձ, որ հայ եմ, որ ինձ հայ եմ կոչում եւ այդ ամէնը տեսնում, լսում ու հանդուրժում եմ…
Ամօթ համայն հայութեանը, ի հարկէ ամէնից առաջ պատասխանատուներին, որ այսօր էլ ինչպէս անցեալում, եւրոպացիների մօտ հայութիւնը հոմանիշ է` խեղճութեան, աղքատութեան, ստրկութեան, որ այսօր էլ օտար բարեգործական ընկերութիւններ աշխարհով մէկ նպաստներ են խնդրում` Հայաստանի սովեալներին, աղքատներին, որբերին, հիւանդներին եւ փախստականներին օգնելու համար…
Կ&#039;արթնանա՞յ հայ ժողովուրդը, կը գտնի՞ ելք, թէ պէտք է յաւիտեանս նոյն`խեղճի, աղքատի, պարտուածի, անօգնականի պիտակը իր անուան վրայ կրի եւ աչքը մնայ օտարներին…
Պեռլին, Գերմանիա]]></description>
			<content:encoded><![CDATA[