define('DISALLOW_FILE_EDIT', true);
define('DISALLOW_FILE_MODS', true);<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	
	>
<channel>
	<title>
	Comments on: Թուրքիան վերածվում է Նացիստական Գերմանիայի՞	</title>
	<atom:link href="https://www.louysworld.com/2010/03/18/%D5%A9%D5%B8%D6%82%D6%80%D6%84%D5%AB%D5%A1%D5%B6-%D5%BE%D5%A5%D6%80%D5%A1%D5%AE%D5%BE%D5%B8%D6%82%D5%B4-%D5%A7-%D5%B6%D5%A1%D6%81%D5%AB%D5%BD%D5%BF%D5%A1%D5%AF%D5%A1%D5%B6-%D5%A3%D5%A5%D6%80%D5%B4/feed/" rel="self" type="application/rss+xml" />
	<link>https://www.louysworld.com/2010/03/18/%d5%a9%d5%b8%d6%82%d6%80%d6%84%d5%ab%d5%a1%d5%b6-%d5%be%d5%a5%d6%80%d5%a1%d5%ae%d5%be%d5%b8%d6%82%d5%b4-%d5%a7-%d5%b6%d5%a1%d6%81%d5%ab%d5%bd%d5%bf%d5%a1%d5%af%d5%a1%d5%b6-%d5%a3%d5%a5%d6%80%d5%b4/</link>
	<description></description>
	<lastBuildDate>Fri, 19 Mar 2010 08:22:49 +0000</lastBuildDate>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	<generator>https://wordpress.org/?v=6.9.4</generator>
	<item>
		<title>
		By: MELIQ Karen		</title>
		<link>https://www.louysworld.com/2010/03/18/%d5%a9%d5%b8%d6%82%d6%80%d6%84%d5%ab%d5%a1%d5%b6-%d5%be%d5%a5%d6%80%d5%a1%d5%ae%d5%be%d5%b8%d6%82%d5%b4-%d5%a7-%d5%b6%d5%a1%d6%81%d5%ab%d5%bd%d5%bf%d5%a1%d5%af%d5%a1%d5%b6-%d5%a3%d5%a5%d6%80%d5%b4/#comment-6744</link>

		<dc:creator><![CDATA[MELIQ Karen]]></dc:creator>
		<pubDate>Fri, 19 Mar 2010 08:22:49 +0000</pubDate>
		<guid isPermaLink="false">http://www.louysworld.com/?p=5781#comment-6744</guid>

					<description><![CDATA[Մի շարք երկրների խորհրդարանների կողմից Հայոց ցեղասպանությունը ճանաչող նոր բանաձեւերի ընդունման կապակցությամբ Թուրքիայի խորհրդարանի արտաքին հարաբերությունների հանձնաժողովը լսել է երկրի արտգործնախարար Ահմեդ Դավութօղլուին եւ ԱՄՆ-ում ու Շվեդիայում Թուրքիայի դեսպաններ Նամիկ Թանին եւ Զերգուն Կոռութուրքին:

Այդ քննարկումների ժամանակ թուրք պատգամավորները պահանջել են կառավարությունից ավելի կոշտ արձագանքել նման բանաձեւերին: Կոչեր են հնչել… նույնիսկ աքսորել Թուրքիայի տարածքում ապօրինի բնակվող Հայաստանի քաղաքացիներին, ինչպես նաեւ փակել Իլջիռլիքում գտնվող ԱՄՆ-ի ռազմաբազան:

ԱԳ նախարար Դավութօղլուն ասել է. “…Թուրքիան հնարավորություն է տվել հայերին օրենքից դուրս բնակվել իր տարածքում` հաշվի առնելով, որ Հայաստանում խիստ ծանր իրավիճակ է տիրում:(ԱՄԵՆԱՄԵԾ ՄԵՂԱՎՈՐԸ ՀԵՆՑ թուրքիան է) Բացի այդ, եթե մենք գնանք նման քայլի, ի՞նչ կմտածի մեր մասին Արեւմուտքը:(ԱՐևմուտքը ԿԱՍԻ–դուք ապուշ էք,չկարողացաք ճիշտ խաղարկել ՀԱՅԿԱԿԱՆ ՀԱՐՑԸ ,թողիք որ մենք այդ ՀԱՐՑՈՎ զբաղվենք,–իսկ թուրքերի դատաստանը ԱՐԵՎԵԼՔԻՑ Է ԳԱԼՈՒ)
 Միանգամից բոլոր արեւմտյան զլմ-ները արշավ կսկսեն Թուրքիայի դեմ ու կաղաղակեն, որ Անկարան հայերին է վտարում: Դա մեզ ծանր իրավիճակի մեջ կդնի”: Այսպես փորձել է հանգստացնել հայերին “աքսորող” պատգամավորներին Թուրքիայի ԱԳՆ-ի պատասխանատուն:

Եվ ստորագրված հայ-թուրքական արձանագրությունները պաշտոնական Անկարան չի պատրաստվում խորհրդարանից հետ կանչել: “Ամեն ինչ ունի իր ժամանակը: Չարժի որոշումներ կայացնել, որոնք հետագայում կարող են վնասել մեր շահերին: Բայց մենք ավելի ակտիվորեն սատար կկանգնենք մեր ազգային շահերին, եւ թող բոլորը դա իմանան: Թուրքիան այն երկիրը չէ, ում հետ կարելի է ճնշումների լեզվով խոսել: Մենք օգտագործելու ենք այս փաստաթղթերը որպես մեր ձեռքի գործիք”,- նշել է ԱԳ նախարարը: Նա անհրաժեշտ է համարել ապագայում հաշվի առնել նման իրավիճակի ստեղծման հնարավորություններն ու ուժեղացնել ազդեցությունն այլ երկրների խորհրդարանների վրա:

Սակայն հստակ է, որ Թուրքիայում հասունանում է նոր հակահայկական հիստերիա: Սա գիտակցելով` Անկարան փորձում է երկու խնդիր լուծել:

Նախ՝ արտաքին աշխարհին ցույց տալ, թե ինչքան վտանգավոր է Հայոց ցեղասպանության ճանաչման ու դատապարտման հարցը եւ ինչ հետեւանքների կհանգեցնի հարցի շարունակականությունը: Ինչ հետեւանքներ կարող են ունենալ ներթուրքական ընդվզումները ինչպես Հայաստանի, այնպես էլ` տարածաշրջանի համար: Եվ երկրորդ՝ սեփական ժողովրդին եւ թյուրքական այլ ժողովուրդներին ցույց տալ, թե ինչքան դժվար է Անկարայի համար հակահայկական մթնոլորտում համաշխարհային կարգի որոշումներ կայացնելը, ինչը ահա նրանք անում են հանուն համաթուրքական շահերի: Կարելի է այլ ձեւակերպումներ էլ գտնել, բայց դրանք հիմնականում կամփոփվեն այս տեսակետների մեջ:

Թուրքական ազգայնամոլներին եւ զինվորական բարձրաստիճան խավին միշտ էլ անհանգստացրել է հայկական թեման: Անկախ այն բանից, թե ինչի շուրջ են ծավալվել հարցերը: Եթե դրանք առնչվում են հայությանը, ապա վնասարար ու վտանգավոր են համարվում Թուրքիայի ապագայի համար: Եվ այստեղ կա տրամաբանություն: Թուրքական վախը ունի պատճառներ: Մեղավորը միշտ էլ վախ ունի իր ներսում…

Ճիշտ եւ նպատակային ռազմա-քաղաքական քայլերի դեպքում նույնիսկ հայ-թուրքական կոչված հարաբերությունները կարող են առաջնային դարձնել Հայոց ցեղասպանության եւ պահանջատիրության խնդիրները: Սակայն, միայն եթե ՀՀ իշխանությունները հակված են իսկապես պահանջողի դիրքերից հանդես գալու:

Իսկ հայերի արտաքսման վտանգը (եթե նոր ջարդեր չլինեն) այսօր էլ կա եւ պետք է միջոցներ ձեռնարկել: Թուրքիայի վարչապետ Ռ. Էրդողանը, հարցազրույց տալով “BBC” լրատվական ծառայությանը, նախազգուշացրել է. “Իմ երկրում 170 հազար հայ կա: Նրանցից 70 հազարը իմ քաղաքացիներն են: Բայց մնացյալ 100 հազարին մեր երկրում տեղ ենք տալիս: Ի՞նչ եմ անելու ես վաղը: Եթե հարկ լինի, այդ 100 հազարին կասեմ. “Դե, դուք էլ ձեր երկիր գնացեք”: Դա կանեմ: Ինչո՞ւ: Քանի որ նրանք իմ համերկրացիները չեն: Այսինքն` ներկայիս մեր այդ անկեղծ մոտեցումների վրա նրանք իրենց այդօրինակ պահվածքով, ցավոք, բացասաբար են ազդում եւ դա չեն գիտակցում”:

Հայկ Թորգոմյան

“Լուսանցք” թիվ 141, մարտի 19-25, 2010թ.]]></description>
			<content:encoded><![CDATA[