define('DISALLOW_FILE_EDIT', true);
define('DISALLOW_FILE_MODS', true);<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	
	>
<channel>
	<title>
	Comments on: ՆՈՐ ժԱՄԱՆԱԿՆԵՐ, ՆՈՐ ԳԱՂԱՓԱՐՆԵՐ, ՆՈՐ ՄԱՐԴԻԿ&#8230;	</title>
	<atom:link href="https://www.louysworld.com/2009/12/10/%D5%B6%D5%B8%D6%80-%D5%AA%D5%A1%D5%B4%D5%A1%D5%B6%D5%A1%D5%AF%D5%B6%D5%A5%D6%80-%D5%B6%D5%B8%D6%80-%D5%A3%D5%A1%D5%B2%D5%A1%D6%83%D5%A1%D6%80%D5%B6%D5%A5%D6%80-%D5%B6%D5%B8%D6%80-%D5%B4%D5%A1%D6%80/feed/" rel="self" type="application/rss+xml" />
	<link>https://www.louysworld.com/2009/12/10/%d5%b6%d5%b8%d6%80-%d5%aa%d5%a1%d5%b4%d5%a1%d5%b6%d5%a1%d5%af%d5%b6%d5%a5%d6%80-%d5%b6%d5%b8%d6%80-%d5%a3%d5%a1%d5%b2%d5%a1%d6%83%d5%a1%d6%80%d5%b6%d5%a5%d6%80-%d5%b6%d5%b8%d6%80-%d5%b4%d5%a1%d6%80/</link>
	<description></description>
	<lastBuildDate>Sat, 12 Dec 2009 04:24:14 +0000</lastBuildDate>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	<generator>https://wordpress.org/?v=6.9.4</generator>
	<item>
		<title>
		By: vardanmanukyan		</title>
		<link>https://www.louysworld.com/2009/12/10/%d5%b6%d5%b8%d6%80-%d5%aa%d5%a1%d5%b4%d5%a1%d5%b6%d5%a1%d5%af%d5%b6%d5%a5%d6%80-%d5%b6%d5%b8%d6%80-%d5%a3%d5%a1%d5%b2%d5%a1%d6%83%d5%a1%d6%80%d5%b6%d5%a5%d6%80-%d5%b6%d5%b8%d6%80-%d5%b4%d5%a1%d6%80/#comment-5354</link>

		<dc:creator><![CDATA[vardanmanukyan]]></dc:creator>
		<pubDate>Sat, 12 Dec 2009 04:24:14 +0000</pubDate>
		<guid isPermaLink="false">http://www.louysworld.com/?p=4288#comment-5354</guid>

					<description><![CDATA[Կարծում եմ՝ ներկա իրավիճակը պահանջում է որոշակի հստակություն մտցնել մեր արտաքին եւ ներքին քաղաքականության սկզբունքներում։         Արտաքին քաղաքականության բնագավառում, կարծում եմ, պետք է որդեգրենք օրենքով հստակ պահանջատիրության սկզբունքները մեր ազատագրված տարածքների, բռնազավթված հողերի, կողոպտված ունեցվածքի եւ մարդու իրավունքների ոտնահարման կապակցությամբ։ Այն պետք է հիմնավորված լինի պատմական անառարկելի փաստերով, միջազգային իրավունքի եւ դատարանների վճիռներով, իսկ ներքին կյանքում պետք է ամեն ինչ անել միասնական, արդար, ժողովրդադեմոկրատական, քաղաքակիրթ երկիր կառուցելու համազգային ձգտումները կյանքի կոչելու, հասարակական պահանջը իրականություն դարձնելու հրամայականով։         Կարեւորելով Նախիջեւանի փաստարկը՝ որպես հայաթափված երկրամաս, որտեղ այժմ էլ կատարվում է հայկական եկեղեցիների, խաչքարերի եւ նույնիսկ գերեզմանների ոչնչացում, մեր քաղաքականության նպատակը պետք է լինի համայն աշխարհին ցուցադրել թուրք-ադրբեջանական քաղաքականությունը եւ նպատակները։         Կարծում եմ՝ եղեռնի իրագործման, Հայաստանի հողերի բռնագրավման, պատմական հուշարձանների ոչնչացման, հայերի ունեցվածքի թալանման, բազմաթիվ այլ մեղքերի իրագործման եւ, վերջապես, պատմական փաստերի նենգափոխման համար Թուրքիային եւ Ադրբեջանին պետք է տալ միջազգային դատի՝ չմոռանալով նաեւ 1918թ. Բաքվի սեպտեմբերյան ջարդը, 1920թ. Շուշիի հրկիզումը, Սումգայիթը եւ բազմաթիվ այլ ոճրագործություններ, որոնք 500 հազար հայերի դարձրին գաղթական՝ առանց որեւէ իրավական եւ տնտեսական փոխհատուցման։         Ինչո՞ւ Եվրադատարանի առջեւ պետականորեն հարց չհարուցել եւ չդատապարտել Թուրքիային եւ Ադրբեջանին եղեռնագործության համար, չէ՞ որ նրանց կողմից այժմ ակտիվ փորձեր են արվում պատմականորեն հերքելու Հայաստանը եւ Արցախը հայկական էթնիկական տարածք լինելու իրողությունը եւ այդ համապատկերի վրա հայերին ներկայացնում են որպես օկուպանտներ։ Կարծում եմ՝ նման արշավանքներին պետք է գիտականորեն հակահարված տալ եւ պահանջել միջազգային գիտական հասարակությունից դատապարտել նրանց՝ պատմական փաստերը կեղծելու համար։ Դա է մեր պատմաբանների, գիտնականների խնդիրը։ Այսպիսով, փորձենք սահմանել համահայկական հայեցակարգի առաջնահերթությունները՝         1. 1915 թվականի, դրանից առաջ եւ հետո հայ ժողովրդի նկատմամբ իրականացված եղեռնի միջազգային ճանաչումը եւ մեր պահանջատիրությունները։         2. ԼՂՀ-ի ճանաչումը Հայաստանի Հանրապետության կողմից եւ միջազգային ճանաչման քաղաքականության որդեգրումը Հայաստանի Հանրապետության եւ Սփյուռքի գաղթօջախների կողմից ողջամիտ ժամկետներում՝ կատարելով նախապատրաստական աշխատանքներ։         3. Հայաստանի Հանրապետության, Սփյուռքի եւ Արցախի կողմից Արցախի անվտանգության ապահովման վերաբերյալ հռչակագրի ընդունում, որն իր մեջ կներառի ռազմաքաղաքական, տնտեսական, մշակութային եւ այլ բաղադրիչներ եւ, ըստ էության, կկազմվի հայության ծրագիրը Արցախի գոյության եւ զարգացման վերաբերյալ։         4. Ջավախքի հիմնախնդիրների շուրջ հայ-վրացական բազմաբովանդակ պայմանագրի կնքումը։         5. Հայաստանը պետք է ունենա հզոր եւ չքաղաքականացված բանակ, առաջնորդվի «Ամեն ինչ բանակի համար» նշանաբանով։ Սա նշանակում է.         - Համայն հայության մտավոր եւ տնտեսական կարողությունների կենտրոնացում՝ բանակի հզորացման եւ արդիականացման նպատակով, տնտեսության ազատ զարգացմամբ, պետության առավել դեմոկրատացմամբ եւ մեր պահանջատիրության միջազգայնացման քաղաքականության որդեգրմամբ։ Երիտասարդ սերունդը պետք է քաջ ծանոթ լինի ոչ միայն Մեծ եղեռնին, այլեւ լավ իմանա Բաքվի, Սումգայիթի, Գյանջայի, Շուշիի եւ բազմաթիվ այլ եղեռնագործությունները, որոնք կատարվեցին ոչ հեռու անցյալում։ Չմոռանալով անցյալը, չմեկուսանալով հարեւաններից, մեր քաղաքականության հիմքում դնել արժանապատիվ պահանջատիրությունը եւ դարավոր թշնամության փոխարեն քաղաքակիրթ, պրագմատիկ քաղաքականություն։         Հայաստանի Հանրապետությունը եւ Արցախը, գտնվելով գերհզոր երկրների շահերի բախման կիզակետում եւ այժմ էլ՝ օրեցօր սրվող մրցակցային պայթյունավտանգ դաշտում, պետք է սահմանեն իրենց խաղի կանոնները, բարձր գնահատելով փոխշահավետ հարեւանության գաղափարը, հարեւան երկրներում ապրող հայ համայնքների առկայությունը՝ հանդես գալ որպես միջնորդ, վիճելի խնդիրները խաղաղ ճանապարհով լուծելու երկիր։         6. Նախիջեւանի հայաթափման, հուշարձանների ոչնչացման իրողության փաստագրում եւ փոխհատուցման պահանջներ Ադրբեջանի նկատմամբ։         7. Օգնել Արցախի կառավարությանը՝ համահայկական գիտական ներուժի եւ միջազգային կազմակերպությունների օգնությամբ վերականգնելու Արցախի գիտական ներուժը։         ԼՂՀ վարչապետի խորհրդական, գյուղատնտեսական գիտ. դոկտոր, պրոֆեսոր, ՌԴ բնական գիտ. ակադեմիայի ակադեմիկոս

Միքայել ԲԱԲԱԽԱՆՅԱՆ]]></description>
			<content:encoded><![CDATA[