Հիմա էլ ասում է «սխալվել եմ», որովհետև «վատ եմ պատկերացնում թուրքական ներքաղաքական կյանքը, ես թուրքագետ չեմ»։ Բա, ա´յ անպատասխանատու արարած, եթե վատ ես հասկանում, ինչու՞ ես քեզ իրավունք վերապահում գնահատականներ տալու, հրապարակային ելությներ ունենալու, կանխատեսումներ անելու և այդ ամենով մոլորեցնելու հասարակությանը…

Այս վարձու «քաղաքագետի» և նրա տերերի համար ՀՀ ազգային անվտանգությունն ու հայ ժողովրդի ապահովությունը փորձարկման դաշտ են… Թքած ունեն, թե ինչ ծանր հետևանքներ կարող են ունենալ այսպիսի «սխալները»,   Աստված հեռու պահի այսպիսի

ԱԱ

Ալեքսանդր Իսկանդարյանն ընդունել է, որ սխալվել է

«Կովկասի ինստիտուտի» տնօրեն, քաղաքագետ Ալեքսանդր Իսկանդարյանն այսօր «7օր»-ի հարցին ի պատասխան խոստովանել է, որ սխալվել է իր որոշ կանխատեսումներում։ Նա մասնավորապես ասել է, որ սխալվել է՝ գերագնահատելով Թուրքիայի վրա ճնշում գործադրելու ԱՄՆ-ի հնարավորությունները։

-Գործընթացի կապակցությամբ այն հակազդեցությունը, որ գալիս է Թուրքիայից, ես ըստ արժանվույն չէի գնահատել։ Ինձ թվում էր, որ արձանագրությունների վավերացումը հնարավոր էր այս գարնանը՝ մինչև ապրիլի 24-ը։ Ինչպես պարզվեց, դա հնարավոր չէ, կամ էլ դա հնարավոր էր, բայց չստացվեց, այսինքն՝ այդ ճնշումը չբավականացրեց,- ասել է Ալ. Իսկանդարյանը,- սխալի պատճառները հասկանալի են. ես վատ եմ պատկերացնում թուրքական ներքաղաքական կյանքը, ես թուրքագետ չեմ։

Ալ. Իսկանդարյանը նշել է նաև, որ իրեն թվում էր, թե 2 տարին բավարար է, որ մինչև Թուրքիայի խորհրդարանական ընտրությունները հայ-թուրքական հարաբերությունները կարգավորվեին, սակայն, ինչպես պարզվեց, բավարար չէին։

Այժմ նույնպես Ալ. Իսկանդարյանը կարծում է, որ առաջիկա 2 տարին բավական կլինի, որպեսզի խորհրդարանական ընտրություններից հետո ստորագրված արձանագրությունները կամ մեկ այլ փաստաթուղթ արագ դրվեն վավերացման։ Սակայն քաղաքագետը միաժամանակ նշել է, որ այս հարցում էլ կարող է սխալվել։

Ալ. Իսկանդարյանը փոխարենը հայտարարել է, որ չի սխալվել Ադրբեջանի հարցում և ըստ արժանվույն է գնահատել վերջինիս հուժկու արձագանքը Հայաստան-Թուրքիա հարաբերությունների կարգավորման գործընթացի վերաբերյալ։ Նա նշել է նաև, որ չի սխալվել՝ պնդելով, որ հայ-թուրքական գործընթացի և Լեռնային Ղարաբաղի հակամարտության միջև իրավական տեսանկյունից փոխկապակցվածություն չի եղել և հիմա էլ չկա, որովհետև 2 արձանագրություններում էլ «Ղարաբաղ» և «Ադրբեջան» բառերը չկան։ Բայց քաղաքական տեսանկյունից դրանք չեն կարող փոխկապակցված չլինել։

-Այն մասին, որ քաղաքական փոխկապակցվածություն չկա, ես երբեք չեմ ասել և ասել չէի կարող։ Նույնիսկ քաղաքագիտության վատթարագույն ֆակուլտետի 2-րդ կուրսի ուսանողը չի կարող արդպիսի բան ասել։ Իհարկե կա՛։ Այս տարածաշրջանում ամեն ինչ կապված է ղարաբաղյան խնդրի հետ,- ասել է Ալ. Իսկանդարյանը։

7or.am