http://hayeren.hayastan.com/sona/sona.html

Օգտվելով ընձեռնված հնարավորությունից ուզում եմ իմ ամանորյա շնորհավորանքները հղել
“ԼՈՒՅՍ ԱՇԽԱՐՀ”-ի, կայքի ողջ անձնակազմին, ու անձամբ հարգելի Ստեփան Քիրեմիջյանին, որ իրական ԼՈՒՅՍ է սփռում ինչպես մեր հոգևոր արժեքների,
ազգային գաղափարախոսության, այնպես է Հայաստանյան ներքաղաքական հարցերի ճշմարիտ ու հետևողական լուսաբանմանը…
Ահա ևս մեկ հնարավորություն, որ տվեց կայքէջը մեր ամանորյա շնորհավորանքներն ուղղելու մեզ հարազատ մարդկանց և քանի որ իմ ողջ ազգն է ինձ համար շատ սիրելի ու հարազատ, ես կկամենայի մաղթել իմ ազգին սեր, միություն, միաբանություն ազգային գաղափարների շուրջ, ինչպես սփյուռքում, այնպես էլ հայրենիքում, վեր կանգնել նեղ անձնական շահերից և գլոբալիզացիայի խելահեղ այս դարում պահպանել մեր ազգային դիմագիծը, աշխարհի որ ծեգում էլ լինենք, նպաստենք, նեցուկ լինենք մեր երկրի բարօրության, հզորացման, Ղարաբաղի հարցի, մեր պահանջատիրության արդար դատին:
Ամուր քրիստոնեական հավատք ու անձնուրաց հայրենասիրություն. Լինենք հավաքական այն ուժը, որ երազել է Մեծն Չարենցը: (Իմ “Զարթնիր, Չարենց” բանաստեղծությունից)
# # #
Հավաքական ուժն է ազգի գաղափարը քո անմեռ.
Փրկությունն այս է հայի, միակ ճանապարհը մեր
Ողորմություն ումի՞ց հայցենք, որ պաշտպանի դավերից,
Մեր կռիվը պիտի կռվենք, սա եկած է դարերից…
# # #
Ես իմ ամանորի մաղթանքներն եմ ուզում հղել այստեղ’ սփյուռքում ինձ համար շատ
թանկ մարդկանց, որոնց հետ բախտ է վիճակվել շփվել ու ճանաչել. մեր այն հայրենակիցներին, որոնց կատարած ազգանվեր գործունեությունն անգնահատելի է, այն նվիրյալներին, ովքեր լծված են “Հայ -Դատի” սուրբ գործին, անուններ, որոնց անունը պետք է գրվի մեր ազգի պատմության էջերում ոսկյա տառերով.
Լորան Լեյլեքյան’ Եվրոպայի “Հայ-դատի” գործադիր տնօրեն,
Հիլդա Չոբոյան Եվրոպայի “Հայ -Դատի” գրասենյակի ադենապետ, Ալեկո Պեզիկիան (Իտալյա),
Մուրադ Փափազիան (Ֆրանսա) , Թալին Թաշչիան, Նուբար Մինասիան (Բրյուսել) և էլի ու էլի շա՜տ շատերին…
Փառք ու պատիվ նրանց: Փառք ու պատիվ այն մայրերին, ովքեր ծնել ու սնել են իրենց
զավակների մեջ ազգային մտածողությունը: Տա Աստված, որ հայ մայրերի արգանդից
միայն այսպիսի զավակներ ծնվեն: 2011 թվականը թող դառնա մեր ազգի բոլոր իղձերի ու
երազանքների իրականացման տարի:

ՇՆՈՐՀԱՎՈՐ ԱՄԱՆՈՐ ՈՒ ՍՈՒՐԲ ԾՆՈՒՆԴ ՍԻՐԵԼԻՆԵՐՍ: