ԿԱՆԹԵՂ ԳՐԱԿԱՆ - Հեղինակ՝ . vendredi, février 17, 2017 8:18 - չքննարկված

« ՃԱՆԱՉԵԼ ԶԻՄԱՍՏՈՒԹԻՒՆ ԵՒ ԶԽՐԱՏ, ԻՄԱՆԱԼ ԶԲԱՆՆ ՀԱՆՃԱՐՈՅ»

« ՃԱՆԱՉԵԼ ԶԻՄԱՍՏՈՒԹԻՒՆ ԵՒ ԶԽՐԱՏ,
ԻՄԱՆԱԼ ԶԲԱՆՆ ՀԱՆՃԱՐՈՅ»Աբիկ Գանտիլեան (1)

Երէք տարիներ առաջ, երբ հիմնեցինք ԿԱՆԹԵՂ Հայկական էջը, որմէ ծնունդ առաւ «ԿԱՆԹԵՂ» խումբը, մեզի նշանաբան ընտրած էինք կարելի եղած սահմաններուն մէջ տարածել գիտելիքներ եւ լուսաբանութիւններ, որպէսզի լուսաւորուին եւ պայծառանան մարդոց մտքերն ու հոգիները:

Այդ հիմնական կէտերէն մէկն էր՝ այսօրուան երեխային եւ վաղուան Հայ մարդը կերտող դաստիարակչական հիմքերը ներկայացնել ընդհանուրին, յատկապէս Կանթեղի անդամներուն, որպէսզի լուսաբանելով երիտասարդ ներկայ եւ ապագայ ծնողքը, կարենան ճիշդ կերպով պատրաստել առողջ եւ գիտակից սերունդ մը, իմանալով հիմնական գիտելիքներն ու օրէնքները:

Ամէն անգամ, երբ անդամակցող անձին ուսումնական բաժնին մէջ կը նկատէի անոր մանկավարժ – բանասէր, ուսուցիչ – հոգեբան, ըլլալու կարողութիւնները, ուրախութիւն մը կը պատէր զիս, որովհետեւ կը կարծէի, թէ յայտնաբերած եմ իմ ցանկութիւնս իրագործող այն մասնագէտը, որ պիտի ըմբռնէ զիս եւ պատրաստէ այն ինչ, որուն մասին մտածած եմ առաջին օրուընէ: Սակայն շատ չէր տեւեր խանդավառութիւնս: Յյուսախաբ կ՛ըլլայի, երբ կը զրուցէի ենթակային հետ. որովհետեւ ամէն անգամ զանազան պատրուակներով հեռու կը մնային պատասխանատուութիւն յանձն առնելէ, ժամանակ տրամադրելէ,նման դաստիարակչական ձեռնարկ մը իրագործելէ:

Փիլիսոփաները այն եզրակացութեան եկած են, թէ մարդիկ իրենց կեանքի ընթացքին կը սորվին գիտելիքներ եւ ձեռք կը բերեն փորձառութիւններ, որոնք կը դառնան կեանքի հիմունքները: Եթէ այդ գիտելիքները չկիսուինք մեր շրջապատին հետ եւ ըլլանք անձնասէրներ, այդ բոլորը պիտի դառնան անիմաստ, որովհետեւ լոյս պիտի չտեսնեն եւ ոչ ոք պիտի օգտուի այդ բոլորէն:
Խղճալի էր այդ հարիւրաւոր անձերուն վիճակը, որովհետեւ փախուստ տալով կեանքի պայքարէն կը ճահճացնէին իրենց գիտելիքներն ու ուղեղները, մտային ճկնութիւններն ու կարողութիւնները:

Ուսուցչութիւնը ինքնին ՆՈՒԻՐԱԿԱՆ աշխատանք է, անոր համար անցեալին ըսած են՝ քիչ մնացած է, որ Ուսուցիչը ըլլայ Մարգարէ:

2016 -ի ամռան, ծանօթացայ Յարգելի Սոֆիա Արզոյեանին, կարծես նախապէս պատրաստուած էր այս հանդիպումը: Մի քանի անգամներ զրուցեցինք այս առընչութեամբ եւ իմ մտքերս ու ցանկութիւններս յայտնեցի եւ նպատակներուս մասին խօսեցայ: Նկատեցի իր մէջ աջակցութեան փափաքն ու պայքարի պատրաստակամութիւնը իրագործելու համար այս ծրագիրը: Իսկ երբ ընդհանուր խորագրերուն մասին լուսաբանութիւններ տուի, զգալի եղաւ իր գոհունակութիւնը, որ ամէն գնով իրեն կողքին կանգնած՝ կ՛ուզենք իրագործել այս դաստիարակչական ծրագիրը: Այսպէս տուինք մեր առաջին քայլը եւ ծնունդ առաւ «Ազգային գաղափարախօսութիւնը եւ նոր սերունդը», որուն յաջորդեցին վեց նիւթեր՝ բաժնուած վեց հանգրուաններու:
Նիւթերը ամբողջութեամբ հրապարակուեցան՝ Կանթեղի էջերուն մէջ ինչպէս նաեւ «Լույս Աշխարհ» կայքի «Կրթություն» բաժնին մէջ:

Այսօր, երբ կը նշենք Կանթեղներուն հիմնադրութեան երրորդ տարին կ’ուզենք մեր երախտագիտութիւնը յայտնել Թանկագին Սոֆիային, վերստին հրապարակելով դաստիարակչական ամբողջական շարքը, առի գնահատանք մեր կողմէ եւ նուէր Ձեր բոլորին, որպէսզի անոնք որ կը փափաքին կրնան բեռնել եւ ունենալ իրենց քով այս գիտելիքները եւ օգտուիլ անոնցմէ:

Շնորհակալութիւն կը յայտնենք Սոֆիա Արզոյեանին՝ իր կատարած նուիրական աշխատանքին համար: Սերունդները պիտի յիշեն այս դաստիարակչական շարքերը, որոնք պիտի մնան, իբրեւ հիմք պատրաստելու համար ապագայի Առողջ Հայ Մարդը:

Յարգանօք՝

ԱԲԻԿ ԳԱՆՏԻԼԵԱՆ

Գանատա, Փետրուար 1. 2017



Գրեք Ձեր կարծիքը

ՀՂՈՒՄՆԵՐ ԳՐԵԼՈՒ ԿԱՆՈՆՆԵՐ

- Չի խրախուսվում ամբողջովին մեծատառերով գրված հղումները,
- Մի գրեք փողոցային դարձվածքներով,
- Արգելվում է գովազդային հղումները,
- Մի գրանցեք անձնական վիրավորանքներ:

Գրառում կատարելուց հետո ստուգեք Ձեր էլ–փոստարկղը (Inbox եւ Spam) հավելյալ գործողությունների համար.

Comment



` 1 2 3 4 5 6 7 8 9 0 - = Back
TAB q w e r t y u i o p [ ] \
Caps a s d f g h j k l ; ' Enter
Shift z x c v b n m , . / Shift
Ctrl Alt   Alt Ctrl

Միացնել հայերենը

*

ՀԵՌՈՒՍՏԱԾՐԱԳՐԵՐ, Ս. ՔԻՐԵՄԻՋՅԱՆ - Août 19, 2016 10:00 - չքննարկված

Ինչպես ընդունվեց Հայոց ցեղասպանության և ժխտման քրեականացման օրենքը Սլովակիայում :Ինչպես Հայաստանը ունեցավ Ռազմական ինքնաթիռներ:Ստեփան Քիրեմիջյանի հյուրն էր ԵՀՄՖ նախագահ Աշոտ Գրիգորյանը:

More In Ս. ՔԻՐԵՄԻՋՅԱՆ