ԿԱՆԹԵՂ ԳՐԱԿԱՆ - Հեղինակ՝ . Wednesday, March 23, 2016 20:04 - չքննարկված

ԿաՆթեղ գրական:ԳԱՅԱՆԵ ՄԿՐՏՉՅԱՆ

Գայանե Մկրտչյան (5)
ԳԱՅԱՆԵ ՄԿՐՏՉՅԱՆ

* *

Ոչ երազ է, ոչ իրական,
Դեռ անճանաչ, ուրիշ գույն է.
Հալածում է ու հմայում
Անմատույցի քաղցր թույնը:

Թանկը երբեք հեշտ չի տրվում.
Խեցու մեջ է մարգարիտը,
Կարգազանցին զգույշ դատիր,
Գուցե նա է ճշմարիտը:
Ինչ եղել է, պիտի լիներ`
Կամ պարգև էր, կամ էլ պատիժ,
Ով ձգտում է առավելի,
Սահմանները պիտի հատի:

Թե հեռանաս ու վերանաս
Պատրանքածին խինդ ու լացից,
Տիեզերքը սիրահոժար
Իր գաղտնիքը քեզ կբացի:

Գանգատվելուց առաջ հիշիր`
Որտեղ վարդը, այնտեղ փուշը:
Թող կենսակիր սերը լինի
Այրումներիդ ուղենիշը:

* *

Աստղ չեմ ուզում` իջեցնես վերից,
Ինձ բեր առավոտ` տա՜ք, նարնջաբույր,
Որ աչքերիս մեջ հիրիկներ բացվեն,
Ու շուրթս տենչա արևոտ համբույր:

Ժպիտիս խաղով հպվեմ կարոտիդ,
Դատարկ ծնկներիդ հառաչը լսեմ,
Այնպես հագենամ քո շռայլ սիրուց,
Որ մնա աստղ երկնքից ուզեմ:

* *

Քարերը սուզվում են
կուլ տված բառերի պես,
ու ծովի վրա
կիսաժպիտներ են փայլփլում
ձկների տեսքով:

Որքա՜ն գայթակղիչ են
փրփրաբաշ ալիքները,
բայց ես հո տեսել եմ`
ծածանվող վարագույրը
մենության մեջ է վայելում
իր փեշի պարը…

ԳԱՅԱՆԵ ՄԿՐՏՉՅԱՆ

**



Գրեք Ձեր կարծիքը

ՀՂՈՒՄՆԵՐ ԳՐԵԼՈՒ ԿԱՆՈՆՆԵՐ

- Չի խրախուսվում ամբողջովին մեծատառերով գրված հղումները,
- Մի գրեք փողոցային դարձվածքներով,
- Արգելվում է գովազդային հղումները,
- Մի գրանցեք անձնական վիրավորանքներ:

Գրառում կատարելուց հետո ստուգեք Ձեր էլ–փոստարկղը (Inbox եւ Spam) հավելյալ գործողությունների համար.

Comment



` 1 2 3 4 5 6 7 8 9 0 - = Back
TAB q w e r t y u i o p [ ] \
Caps a s d f g h j k l ; ' Enter
Shift z x c v b n m , . / Shift
Ctrl Alt   Alt Ctrl

Միացնել հայերենը

*

ՀԵՌՈՒՍՏԱԾՐԱԳՐԵՐ, Ս. ՔԻՐԵՄԻՋՅԱՆ - Aug 19, 2016 10:00 - չքննարկված

Ինչպես ընդունվեց Հայոց ցեղասպանության և ժխտման քրեականացման օրենքը Սլովակիայում :Ինչպես Հայաստանը ունեցավ Ռազմական ինքնաթիռներ:Ստեփան Քիրեմիջյանի հյուրն էր ԵՀՄՖ նախագահ Աշոտ Գրիգորյանը:

More In Ս. ՔԻՐԵՄԻՋՅԱՆ